كرمال
17 Jul 2005, 01:34 AM
ابقولكم سالفتن جرت منذو فترتن ماحال عليه الحول
الوكاد مالكم بطويله
نويت انهج اعايد اميرنا ( امير فخذنا للمعلوميه ) والله وانا اخذ خوين لي داج وماهو وجه رجال
لكن من قل الزمل شدوا على نمل
حنا نهار عيد وكلن بلشانن بروحه .. اللي سهران ومواصل واللي عندهم غدا ايه خبركم بالعيد الناس مشتطه
الوكاد قلت لخويي قليل السنع وش رايك تخاويني نروح نسلم على الامير ابو فلان ( نخفي اسمه لزوم الخصوصيه ) ( اكرر امير فخذنا ) مادري عاد اي فخذ؟ يمين يسار ؟
والله وحنا ننزع يمه .... بقريته
يوم اقبلنا وانا اوصي خويي اخبره لخيمة ولا شاف الرجال قام يتنافض تقل ضاربته له حمى
قلت له شف اكرب روحك وسلم على الامير وعدل لسانك ودنق عليه تروه مايقوم لنا ( حنا شباب مراهقيه)
والله وحنا ندخل بمجلس الامير والا هو قاعدن على مركاه وعنده الولد القهوتسي ( سوداني )
واميرنا كاشخن بالبشت والله وحنا ننصاوه شمام
السلام عليك يالامير السلام عليك يابو فلان وأنا اقدم خويي ابعرف به الامير
لحيثن لي سابق معرفتن بالامير
عيدك مبارك
وهو يدنق خويي على راس الامير ... اثري الخبل يبي يحب الامير من وجهوه ... بعد حيي يهالفطين
وماشفت الا خويي وقع على الامير وفرط فوقه والامير منطرحن حدره
ويقوم السوداني ويسحب سلاحه يحسبنه محاولة اغتيال
وانا اجرجر المسبوع وهو يغدي تقل درام ماله علايق
عجز لا يتحرك ويالله نرفعه عن الامير
وا قوم اجمع شماغ الامير وعقاله واتعذر منه
وانا اجلسه على مركاوه وانا احب خشم الامير واحب راسه
وهو يقول الخبل قليل الفود والله والله يالامير ان فلان ( يقصدن ) هو اللي كزن عليك
لعنبو دارك يافودان
والله عقب هالمعمعه جلسنا وقام الزول وصب لنا فنجال قهوه والامير يقوم ويطلع ويخلينا بالمجلس مع الزول
والله شربت الفنجال مادري وشلون طعم القهوه وانا اقمز ابي انحاش من الفشيله
والله يامنكم وهالخبل خويي يبي ينزل الفنجال بسطل غسيل الفناجيل وهو يتكوم المسبوع فوق صينية الفناجيل والكاسات ويغدن لهن قرشتن حدره
ويندفق السطل على النار ويقع على الدلال ويتسفيهن ( اي كب الدلال )
والله وانا اتشبط الباب العمر ياشامان
واركب سيارتي واشغله ومن الربشه صدمت سيارتن موقفتن يمكنه لحدى عيال الامير
والا هذا قليل الفود تقل كبت يدربونه ويجرجر رجليه اثاريه من الربشه لبس نعول السوداني
ويركب وحنا نجيك موحفين للديره
لاعادت هالسلام
الوكاد مالكم بطويله
نويت انهج اعايد اميرنا ( امير فخذنا للمعلوميه ) والله وانا اخذ خوين لي داج وماهو وجه رجال
لكن من قل الزمل شدوا على نمل
حنا نهار عيد وكلن بلشانن بروحه .. اللي سهران ومواصل واللي عندهم غدا ايه خبركم بالعيد الناس مشتطه
الوكاد قلت لخويي قليل السنع وش رايك تخاويني نروح نسلم على الامير ابو فلان ( نخفي اسمه لزوم الخصوصيه ) ( اكرر امير فخذنا ) مادري عاد اي فخذ؟ يمين يسار ؟
والله وحنا ننزع يمه .... بقريته
يوم اقبلنا وانا اوصي خويي اخبره لخيمة ولا شاف الرجال قام يتنافض تقل ضاربته له حمى
قلت له شف اكرب روحك وسلم على الامير وعدل لسانك ودنق عليه تروه مايقوم لنا ( حنا شباب مراهقيه)
والله وحنا ندخل بمجلس الامير والا هو قاعدن على مركاه وعنده الولد القهوتسي ( سوداني )
واميرنا كاشخن بالبشت والله وحنا ننصاوه شمام
السلام عليك يالامير السلام عليك يابو فلان وأنا اقدم خويي ابعرف به الامير
لحيثن لي سابق معرفتن بالامير
عيدك مبارك
وهو يدنق خويي على راس الامير ... اثري الخبل يبي يحب الامير من وجهوه ... بعد حيي يهالفطين
وماشفت الا خويي وقع على الامير وفرط فوقه والامير منطرحن حدره
ويقوم السوداني ويسحب سلاحه يحسبنه محاولة اغتيال
وانا اجرجر المسبوع وهو يغدي تقل درام ماله علايق
عجز لا يتحرك ويالله نرفعه عن الامير
وا قوم اجمع شماغ الامير وعقاله واتعذر منه
وانا اجلسه على مركاوه وانا احب خشم الامير واحب راسه
وهو يقول الخبل قليل الفود والله والله يالامير ان فلان ( يقصدن ) هو اللي كزن عليك
لعنبو دارك يافودان
والله عقب هالمعمعه جلسنا وقام الزول وصب لنا فنجال قهوه والامير يقوم ويطلع ويخلينا بالمجلس مع الزول
والله شربت الفنجال مادري وشلون طعم القهوه وانا اقمز ابي انحاش من الفشيله
والله يامنكم وهالخبل خويي يبي ينزل الفنجال بسطل غسيل الفناجيل وهو يتكوم المسبوع فوق صينية الفناجيل والكاسات ويغدن لهن قرشتن حدره
ويندفق السطل على النار ويقع على الدلال ويتسفيهن ( اي كب الدلال )
والله وانا اتشبط الباب العمر ياشامان
واركب سيارتي واشغله ومن الربشه صدمت سيارتن موقفتن يمكنه لحدى عيال الامير
والا هذا قليل الفود تقل كبت يدربونه ويجرجر رجليه اثاريه من الربشه لبس نعول السوداني
ويركب وحنا نجيك موحفين للديره
لاعادت هالسلام