وشلون تسوي إيميل بالهوت ميل .. خطوه بخطوه مع الدب الدااشر

[الدب الداشر]

كح كح ...
السلالالالام عليكم

حبيبي الحجي مؤدب مع انه من المطلووبين بس قلبي ما يعطيني عليه يبي سوي إيميل وما يعرف ... (http://www.rafha.com/vb/showthread.php?t=10364)

وأنا جاتني حوالي اربع أو خمس إستفسااراات عن نفس المووضوع او حواليه ...

وغير الحجيين اللي كل يوم إتصاال سو لي إيميل وسو لي إيميل ...


ومدام الحجي مؤدب أحرجني قلت الشكوى للي ما بتنامش عينوو لاازم أسوي له شرح بالصور بعد ...

واللي يبي من بعده بلااقي الموضووع موجود في ذااا

أول شي تدخلون على صفحة الهوت ميل http://www.hotmail.com

وتختارون ساين أب كما هو موضح في الصوره ..

[الدب الداشر]

تدخلون على صفحة التسجيل تخاترون الدوله ..

وتخدلون الإيميل وتسون له فحص يعني تشووفوون هو موجود والا لا ..

وبالصور مآخذ أنا الإيميل rafharafha@hotmail.com

[الدب الداشر]

شووفوو الصوره وإذا طلع نفس الكلام إنتقلوا للمرحله القادمه وإذا طلع أحمر جربو إيميل ثااني

[الدب الداشر]

بعد كذا تجي البياانااات


شوووفوو ذالصوووره فيها كلمة السر حقة الإيميل والتأكيد لهاا

[الدب الداشر]

وهذي البيااناات الشخصية

أعذروني على الخط والكتاابة لأني ظاغطهن لآخر شي


(( شكلي جالي أكتب بقلم ساايل شوووفوو الخط ساايح ))

[الدب الداشر]

كح كح


وشووووفوووو ذي فيها السؤال السري اللي إذا احد سرق إيميلك تقدر تسترجعه عن طريقهاا


ويجب أنك تحفظ السؤال والإجاابة زين عشاانك مارااح تستخدمهن إلا إذا أنسرق بريدك لا سمح الله ..

[الدب الداشر]

وهذي يقووولون أنها للسكااارى لأنهم ما يشفوون الحرووف زين ولا يفرقوون بين الخطوط والحرووف صح ..

وهي سهله بالصوره فيه شرح مبسط ويوضح فيه كل شي

[الدب الداشر]

وهذا بر الأمان


ما فيه الا انك تكتب بريدك اللي موجود باليساار كاامل باليميل

[الدب الداشر]

وهذي الخطوه الأخيره .. تقريباً

[الدب الداشر]

بعدين تمشي سيدااااا لين تطيح على شعيب لقا إيميلك قرطة عصاا

يعني

تضغط كونتنيو وبعدهاا تضغط برضو كونتنيوو أو ستارهوتميل إذا كنت مختار خاصية حظر الإطار المنبثق بالمتصفح حقك

وبعدها تضغط كونتيوو وتطب في إيميلك على طووووووول



وألف مبرووك لك البريد


الموضووع للحجي مؤدب وللأعضااء اللي دايم يتواجدون بالمئات ويعيقهم عن المشاااركة أنهم ما يعرفون يسوون إيميل ..

هذي الطريقة تشيل حجتهم ...

وأي إستفساار سواء بالموووضووع أو بالرسائل الخاصة أو بالماسنجر أنا بالخدمة 25 ساااعة ..


هذا فقط للرفحاويين ...


الباقين خدمة 24 ساااعة ..

هع هع هع


بسرعه اللي عندده إستفسار مدامها ماااسكه أخلااق .. هع هع

[سليمان شعيب]

احم احم


والله انك يادب ....دب مطنوخ

بس أنا شاك بشيء

انت في مكان فيه غبار :D

لانك كل شوي كح كح كح :p

بس تدري انت شيء ولو فيه مثلكـ بالعالم عشرة كان حنا بخير:D

يعطيكـ العافيه على الدرس المفيد

واتمنى ماتقولي حجي:ng

لاني ماحجيت :D

بس أخذت عمره

تقدر تقول لي ياعمري :D:D:D


احترامي لكـ

يادبـ :^

[الدب الداشر]

أحجز هذا المكان للرد على الحجي سليمان

[الدب الداشر]

احم احم


والله انك يادب ....دب مطنوخ



أخلص علي هات من الآخر يالله






انت في مكان فيه غبار :D

لانك كل شوي كح كح كح :p



لا والله حجي بس جالس أسوي إيميل وتخبر مبطي ما سويت إيميلات عشاان كذا كان الموقع مغبر حيل هع هع هع







بس تدري انت شيء ولو فيه مثلكـ بالعالم عشرة كان حنا بخير:D



لو فيه 10 مثلي راح فيهااا دجاج الوطنية هع هع هع

وربح البرسان وزااكي وبرست 2000







يعطيكـ العافيه على الدرس المفيد




الله يعافيك






واتمنى ماتقولي حجي:ng



طيب يا حجي





لاني ماحجيت :D



تبي سلف فلوس عشاان تحج شكلك ؟؟ قديمه








بس أخذت عمره



مااشااء الله متى ؟؟







تقدر تقول لي ياعمري :D:D:D




أنا متزووج على فكره ؟؟

هع هع هع

وأخااف يغاار علي فرحااوي








احترامي لكـ

يادبـ :^

هلا حيااك الله ولا عاد تعوده يا ... يا ... يا حجمري (( نص حجي ونص عمري ))

[جرواني]

ويلوموني فيك بالدب
يعطيك العافيه
شرح مفصل تفصيل
مرستككككككك
حتى الغبي يفهم
تحياتي لك ولجميع الغبياء اللي ما يفهمون

[الدب الداشر]

ههههههههههههههههههههههههههههههههههههه

الله يعاافيك حجي جرجر

بخدمة الطيبين ..

[واحد ^ مؤدب]

يعطيك العافيه دب لو انك حسستني اني طالب ثالث أبتدائي (( ج )) بس عزاي اني ابعطيك ثقه انك تسوي شي مفيد بحيااتك :) مره ثاانيه ما قصرت ومشكور على ها الجهد

[الدب الداشر]

يعطيك العافيه دب لو انك حسستني اني طالب ثالث أبتدائي (( ج )) بس عزاي اني ابعطيك ثقه انك تسوي شي مفيد بحيااتك :) مره ثاانيه ما قصرت ومشكور على ها الجهد
طيب ...

يالخااين شكلي بضمك لرفحااوي ...

<<<==== معلم نااجح

[العزام]

الله يعطيك العافيه على كل هالتعب
وهالشرح الوافي مشكور


يا الغالي

[الدب الداشر]

الله يعاافيك يا قلبي .. تسلم .. على المتاااابعه ..

[الدب الداشر]

Up


مطلووووووووووووووب على الساحه

[سيف الاسلام]

يرفع..................

[الدب الداشر]

رفع الله قدرك حجي ماضي

[البندق]

الله يعطيك العافيه دبدوب

[ليث]

مشكووووووووووووووووووووووووووووووووووووور

[الدب الداشر]

الله يعافيك البندق ..

[الدب الداشر]

ليثيانا العفو ..

[الشمريه]

الله يعافيك
وارجوا تثبيت الموضوع

[الدب الداشر]

أخوي الشمريه .. الموضوع شف تاريخه ..

29 Jul 2005, 11:40 مساء

.
.

زماااااااان الحين تغيرت الواجهة .. بحاجة لشرح ثانــي ..

مشكور حجي .. على مرورك .. وأنا رفعته بعد ما شفت أحد الزوار فيه ..

.
.
.

[برق السحاب]

هلا بك استاذنا الفاضل الدب

ماشاء الله عليك شرح وافي يالغالي

وجهودك مميزه سابقا ولاحقا

بارك الله فيك وجزاك الله خير على ماقدمته وتقدمه لاخوانك

فلك مني ارق التحا يا واعذبها

اخوك برق الضحى

[الدب الداشر]

الله يعز مقدارك ..



تسلم يالبرق .. جعل ربي يحفظك ..