المساعد الشخصي الرقمي

مشاهدة النسخة كاملة : كثيره يالملوك البايده لكن ملكنا غير



نزيه
07 Aug 2005, 02:38 AM
اخواني اقدم العزاء للجميع وااسف للتاخير بسبب وجودي خارج المملكه والله يرحم ابو فيصل ويسكنه جنات الخلد


دخيل الله يا علمٍ لفاني مع هبوب عصير=يفيض الدمع بكفوفي واحسب الا رض ممطوره
على من سطر حروف الذهب للمملكه تسطير=عليه العين هلت دمعها واقول معذوره
ذكرت الفصل واستاذٍ عطانا حصة التعبير=عن الباني عن حزام الوطن عن درعه وسوره
كثيره يالملوك البايده لكن ملكنا غير=تروح العالم وتنكس تجيه وتطلبه شوره
بكاك الشعب يا وجه السعد وجه الرضا والخير=بكتك الارض وغصون الشجر تبكي مع طيوره
كبيره يالمصيبه والمصايب ماتبي تبرير=خذت منهو رقا راس السنام ونور بنوره
خذت من نوخ التاريخ وحط بصفحته تغيير=خذت من روض صعاب السنين وقال مقدوره
خذت حكمه خذت كلمه ورجلٍ نادر التفكير=خذت قلب وخذت مجدٍ حضرللناس بحضوره
خذت من يمسك زمام الا مور ويحسن التقدير=عليم الله كن الغيم يظهر لحظة ظهوره
فقدنا من فقدنا عقب ابو فيصل بعد شيصير=بعد فقد النبي ثم الصحابه موت اخو نوره

ليث
07 Aug 2005, 02:55 AM
لي الفخر بأن اكون اول من يقول ... صــح لسااااااااااااااااااااانكـ

الدب الداشر
07 Aug 2005, 02:56 AM
صح لساانك ورحم الله ابوفيصل ..


لك وحشه نزيه الحمدلله على السلامة ..

نزيه
07 Aug 2005, 03:54 AM
اخوي ليث الفخر لي ودايم انت سباق وصاحب مواقف ثابته

نزيه
07 Aug 2005, 04:38 AM
دبدوب الله يسلمك وصح بدنك

بنت ابوها
07 Aug 2005, 04:53 AM
رووووووووووووووووووعه كم هم جميل تلا عبك بالا لفاظ

الزعيم
07 Aug 2005, 05:27 AM
صح لسانك يا شاعرنا النزيه ( نزيه )

اللهم أرحم خادم الحرمين الشريفين الملك فهد

رفحاوي
07 Aug 2005, 05:56 AM
ابدااااااااااااااااااااااااااااااااااااااااااااااا اااع

صح لسانك ابو بندر يا شاعر المنتدى ...

الله يرحم ابو فيصل رحمة واسعة ...

اقول ابو بندر

سافرت برى وصار بنا جذيه ... عيل لو تهاجر وش يصير بنا ؟!!

عسى ما طاح شماغك وعقالك برى ؟

نفح الطيب
07 Aug 2005, 10:51 AM
يا ســــــــــــــــــــــــــــــــــــــــــلام

رائع وليس غريبا على الرائع ان يحلق في فضاء الابداع

تقبل تحياتي

نزيه
07 Aug 2005, 12:37 PM
بنت ابوها اشكر لكي مرورك والروعه في تواجدك

نزيه
07 Aug 2005, 12:42 PM
الزعيم الف شكر على مرورك العذب دمت على المحبه

نزيه
07 Aug 2005, 12:44 PM
الاخ العزيز رفحاوي الابدااااااااااااااااع هو مرورك اما الشماغ والله كنك معي كل شوي طايح بس البركه بهمام ما قصر ينبهني دايم اما العقال ما حالك حاله كل شوي اضيعه وبالاخير لبست لبس رياضه اريح وانا اخوك

نزيه
07 Aug 2005, 12:45 PM
الاخ نفح الطيب مشكور على كلماتك الطيبه وماهي غريبه منك انت شاعر مبدع

صريح
08 Aug 2005, 02:31 AM
ذكرت الفصل واستاذٍ عطانا حصة التعبير
عن الباني عن حزام الوطن عن درعه وسوره
كثيره يالملوك البايده لكن ملكنا غير
تروح العالم وتنكس تجيه وتطلبه شوره
كم هي معبره هذه الا بيات الجميله من شاعر لا يقل جميل دمت بالف خير

رفحاوي
08 Aug 2005, 10:17 AM
ابو بندر ...

اسمح لي اطلع من الماضوع ...

على طاري عقالك اللي كل سوي وهو واقع ... قال لي واحد امش معي ابي اشري عقال ... قلت وشو له الخساير ؟!! ابشر بلك عقال مجاني قال وشلون ؟!! قلت به شاعر بهذا يا قام يقصد يطيح عقاله وشماغه ... قال رفيقي (القنوع: لا مابي الشماغ ...

ودي اشوف بالترنق يالمملوح ...

نزيه
08 Aug 2005, 12:32 PM
هههههههههههههههههههههه والله يا رفحاوي انك هوووووووووووووووووووووله

نزيه
08 Aug 2005, 02:16 PM
الاخ صريح اسعدني مرورك دمت على المحبه

رفحاوي
09 Aug 2005, 10:53 AM
الاخ نزيه

صح انا هولة بس انت هويلة

تحياتي يالمملوح ...

هاجس
09 Aug 2005, 08:41 PM
ماقدر اقول الا الف شكر لك على هالقصيده الرائعه

كلام معبر ومؤثر


رحمة الله على الفقيد!!!!!!!!!!!!!!!

بنت ابوها
09 Aug 2005, 10:41 PM
الاخ نزيه

صح انا هولة بس انت هويلة

تحياتي يالمملوح ...
...................?

نزيه
10 Aug 2005, 02:12 AM
اخوي الهاجس الشكر كل الشكر لردودك العذبه وماهي غريبه منك

نزيه
10 Aug 2005, 02:15 AM
بنت ابوها الله يستر عليك من نيتك

الفيلسوف
10 Aug 2005, 05:06 AM
شاعر رفحاء الخلوق لك مني اجمل التحايا ,,,,,,,, صح لسانـــــــــــــك :k::k:



يابعد اللي يكتبون القصايد ونمدحهم ولا يتنازلون يردون علينا ,,,

رفحاوي
10 Aug 2005, 09:21 AM
يابعد اللي يكتبون القصايد ونمدحهم ولا يتنازلون يردون علينا ,,,


اللي يسمعك يقول ممتر المنتدى رايح جاي !!!

ليه ما تشارك معنا والا شايفن نفسك ؟!!

اللي اعرفه عنك خفة دمك وفسلسفتك بالحياة ...


بانتظار انفجار الفيلسوف ...


سوري ابو بندر عالخشة ...

نزيه
10 Aug 2005, 12:58 PM
الفيلسوف مشكور على مرورك لاهنت

نزيه
10 Aug 2005, 01:00 PM
اللي يسمعك يقول ممتر المنتدى رايح جاي !!!

ليه ما تشارك معنا والا شايفن نفسك ؟!!

اللي اعرفه عنك خفة دمك وفسلسفتك بالحياة ...


بانتظار انفجار الفيلسوف ...


سوري ابو بندر عالخشة ...
انت بالذات خذ راحتك

الفيلسوف
10 Aug 2005, 02:48 PM
هههههههههه

ابشر رفحاوي ابشر


انت فصل وحنا نلبس

رفحاوي
13 Aug 2005, 10:05 AM
نزيه - الفيلسوف

الله يسلمكم وما قصرتوا على الكلام الحلو اللي ما يطلع الا من حلوين طيبين مثلكم ...

سهرانه
14 Aug 2005, 01:33 AM
سلمت يداك نزيه
والله روووووووووووعة
رحم الله فقيدنا خادم الحرمين الشريفين

نزيه
14 Aug 2005, 04:57 AM
الا خت سهرانه اشكر لكي تواجدك والحمد لله على السلامه

الافندى
14 Aug 2005, 05:46 AM
صح لسانك .... نزيه

القصيده .... رائعه كما عودتنا على روائع ما تسطر اناملك وتهيض بها قريحتك

ابو مشعل
14 Aug 2005, 10:57 PM
ولا زال للجمال بقية اخي النزية صح السانك ورحم الله الملك فهد

رائع بل رائع بل رائع جدا اخي العزيز النزيه

نادر
15 Aug 2005, 12:17 PM
كم هو مؤلم الفراق ..

وكم هو مؤلم أن أقرأ هذه الرائعة متأخرا ...

كان من سوء حظي أنني لم أقرأها لحظة نزولها في المنتدى ..


صح لسانك أيها المبدع دائما ....

صح لسانك أيها الطائر المحلق في سماء الروعة ..

ورحم الله خادم الحرمين وأسكنه فسيح جناته

الصريح
26 Aug 2005, 10:21 PM
صح لسانك نزيه

أبوالنكبات
22 Oct 2005, 07:21 PM
الاخ نزيه أبدعت في ابياتك بكل ما تحمله الكلمه من معنى

أشكرك وأتمنى لك التوفيق ورحم الله الملك الراحل فهــد

وجميع اموات المسلمين انه على كل شي قديــــــر ,,,,

نزيه
31 Oct 2005, 08:29 AM
الاخوان الا فندي ابو مشعل نادر الصريح ابو النكبات الف شكر لمروركم الجميل دمتم بالف خير