هبوب الشماليه

[نزيه]

قلبي اللي غارقٍ داخل احزانه=الموادع صعب والنفس مبليه
مل عينن تذرف الدمع سهرانه=روحته روحه ولا بعدها جيه
بس اخيل اللي له الروح شفقانه=كل ماهبت هبوب الشماليه
جاك همي فاتحٍ كل بيبانه=اشهد اني مت موته بلا ديه
الغلا دابٍ وسمه بنيبانه=يذبح الرجال يا لعن ابو حيه
قلت اشيل الهم كله على شانه=مرحبا بالهم من شان راعيه
شينها يا فارق الخل خلانه=والمشاعر نارها تشتعل حيه
حد علمي يوم لوح بهجرانه=ماترك غير الشقا والسهر ليه
الهنوف اللي غدى القلب نيشانه=هي ربيع العمر هي زاده وميه
جادلٍ نام اسود الليل با جفانه=له مع العربان شاره وماريه
في هدبها رمح واسرف بطغيانه=والجدايل طيةٍ فوقها طيه
شبت بجوف المعاليق نيرانه=استوت شمس المخاليق مع فيه
تغري اوزان القصايد وقيفانه=يا حلات الشعر لا حل طاريه
قمت اغني ليل دانه على الدانه=مرحبا بالهم لعيون راعيه

[الافندى]

صح لسانك .... شاعرنا نزيه ... قصيده رائعه والاروع شاعرها

[الدب الداشر]

صح لسااااااااااااانك يالشماالي .. نزيه ..


صح لساانك ..


دائماً يفخر فيك القصيد ..

[ليث]

صح لسانك شاعر المنتدى نزيه النزيه ........ رائعه من روائعك وابداعاتك .. تحيه لشخصك الكريم

[نفح الطيب]

سيدي / نزيه

ليس لصاحبك في الهوى والعشق ناقة ولا جمل

ولكن شيئا بداخلي يجرني الى قراءة ماتكتب

هل هو الابداع ؟؟؟؟؟؟؟ ربما

هل هو التحليق في فضاء الجمال ؟؟؟؟؟؟ ليش لا .

هل هو اقتناعي بشاعريتك وقدرتك على اجبار غيرك على قراءة ماتكتب ؟؟؟؟؟؟؟ يمكن

المهم اني لازم اقرا ؟؟؟؟؟؟؟؟ لأنك لازم فيه انت كبير شاعر

[نزيه]

الاخ الا فندي الرائع والا روع هو تواجدك اخي الكريم

[نزيه]

اخي الصغير دبدوب تسلم ويسلم غاليك الشكر كل الشكر لشخصك الكريم

[نزيه]

اخوي ليث والله ماادري وشقولك دائما ليث غير

[نزيه]

سيدي / نزيه

ليس لصاحبك في الهوى والعشق ناقة ولا جمل

ولكن شيئا بداخلي يجرني الى قراءة ماتكتب

هل هو الابداع ؟؟؟؟؟؟؟ ربما

هل هو التحليق في فضاء الجمال ؟؟؟؟؟؟ ليش لا .

هل هو اقتناعي بشاعريتك وقدرتك على اجبار غيرك على قراءة ماتكتب ؟؟؟؟؟؟؟ يمكن

المهم اني لازم اقرا ؟؟؟؟؟؟؟؟ لأنك لازم فيه انت كبير شاعر
الاخ العزيز نفح الطيب تسلم وماعليك زود انت شاعر متمكن وصاحب اسلوب جميل ولا هي غريبه منك

[بنت ابوها]

لا جديد الراااااائع يبقى راااااائع

[هاجس]

نزيه

اشكرك على القصيده الرائعه

ومثل ماقال نفح الطيب من نشوف اسمك غصب عنا نقرا القصيده ولاكثر من مره

رائعه رائعه رائعه قصائدك

[نزيه]

الا خت بنت ابوها مشكوره على مرورك العذب وكلماتك الجميله

[نزيه]

الاخ الغالي الهاجس والله من طيبك طال عمرك اقدم لك دعوه للمشاركه وائرائنا بقصائدك الرائعه

[الفيلسوف]

سيدي / نزيه

ليس لصاحبك في الهوى والعشق ناقة ولا جمل

ولكن شيئا بداخلي يجرني الى قراءة ماتكتب

هل هو الابداع ؟؟؟؟؟؟؟ ربما

هل هو التحليق في فضاء الجمال ؟؟؟؟؟؟ ليش لا .

هل هو اقتناعي بشاعريتك وقدرتك على اجبار غيرك على قراءة ماتكتب ؟؟؟؟؟؟؟ يمكن

المهم اني لازم اقرا ؟؟؟؟؟؟؟؟ لأنك لازم فيه انت كبير شاعر


يستاهل نزيه شاعرنا

[نزيه]

الفيلسوف تستاهل العافيه واخوي نفح الطيب شاعر صاحب كلمه جميله

[$الوميض$]

يانزيه النزف مثل الشعر والحانه
................// مخطر بالعشق والأقدار مبليه

كل ماتبدا سواة الموج شطأنه
................// تنكسر تالي شموس القيض فالفيه

كم كسبنا في سواد البحر من دانه
................//نلهج الأرواح مانخشى تواليه

لا روى ظامي ومنه الروح تلفانه
................//ياحسافه قولنا هييه../ولاهيه!




للعشق كل الكلام اللي سكن وسط القلوب

مانزف حبره قلم..


يعطيك العافيه نزيه واسمحلي على

ردي المتواضع عالقصيده..

دمتم احبابي بخير

[نزيه]

اخوي الوميض الله يعطيك العافيه وانت الخير والبركه

[سهرانه]

سلمت يداك نزيه
والله روووووووووووعة وغير مستغربه من شاااعر بحجمك



يانزيه وحالتي حيل شفقانه= لا تجدد جروووح!! الروح مبليه
من موادع راعي الفن بالوانه= حال حولي اانتظر منه الجيه
الدموع الي من العام هتانه = ما تكف ولا تجيب الامل ليه
ما بقى غير السهر تغرق احزانه = مبعدته الوظايف عن غاليه
ليت ربي يجيبه عند جيرانه = بعدها ا لسهر والحزن منسيه
بعدها ما تشوف عيون سهرانه= كان اشارك بضحى او بعصريه

[نزيه]

الا خت سهرانه اشكر لكي تواجدك وكلماتك الطيبه دمتي بالف خير