مستشفى رفحاء الانترناشينول...... والله يستر من الجاي

[العزام]

البارحه وفي منتصف اللـــــــــــيـــل وصلت أمراه تعاني من ألام شديده شخصها الدكتور على أنهها (( الزايدهـ))

ويجب أستئصالها على وجه السرعه ,,,

وفي اثناء المعاينه وصلت حاله اخرى لامراه شخصت حالتها (( بالمراره)) وتحتاج لاستئصال فوري هي الاخر,,,,

وبعد برهـــــه حضر المختصين العباقره لاجراء العمليتين!!


أدخلت المريضتان إلى غرفة العمليات واقفلت الابواب وســــــــــــــاد المكان صمتاً احـــــــــــــمق !!!!!

أمــــــــــا خلف الابواب فقد بدات الاستعدادت والثواني الاخيره لحقنة ((االلامبالاة )) قصدي حقنة التخدير .

إلى هــــــــــنا والاوضاع تسير إلى بر الامان .


عــــــادت الابواب لتفتح معلنتناً النــجاح والشموخ والكبرياء على اوجه الحمقاء
وهم يتسابقون إلي خلع (( مريلـــة)) الجزار


ولــــــــــــــكن المفاجاة و الكارثه !!!!!!!!!!!

مريضه المراره خرجت من غرفة العمليات بدون (( الزايده))!!!!!!!!!!!!!!!!!!!!
و
مريضة الزايده خرجت من غرفة العمليات بدون (( المراره)) !!!!!!!!!!!!!!!!!!!!

"" يا اخي احمد ربك غيرك ما طالع ""

قد يكون لعامل النظافه الاحول (( اللهم لا شماته )) علاقه بما حدث!!!!!!


الله يستر من الجاي .


بس هناك حسنه او اشـــــــــاده تحسب للادراه ....

ألا وهي مقدرتها على التكتم على المصيبه و اتقانها دور المتابعه لما يجري دون حراكـ ...


وبدوري اقول لاهل المريضيتين :" كل واحد يصلح سيارته ,,, قصدي مرته وتصالحوا ترى الصلح خــير الامور"!!!





هـــــــــــــــــــــــــــــذا والله من وراء القصد وهو ولي التوفيق


مصـــــدر موثوق

[القضيه]

اخي العزيز العزام الكلام الي تقوله كبير ولاكن انا مطلع على كل شي بالمستشفى واوعدك بكره راح اتحقق من الموضوع بنفسي وراح اقرى الملفات وراح اجيب صوره من ورقة العمليه
وانا مو متاكد من الخبر ولاكن على الارجح خبر مو صحيح (اشاعه)
وتاكد اذا كان هالشي صار اوعدك باذن الله ان الموضوع ماراح يعدي لو يتستر عليه وزير الصحه اذا كان صحيح راح افضحهم وربك
تحياتي اخوكم محمد

[سهم جارح]

والله يالعزام اذا كان ماتقول صحيح فهي مصيبه ............ لكن ارجو التاكد اولا

[$الوميض$]

العزام,,,

يعطيك العافيه على نقل الموضوع ومحاولة كشف الغطاء

عن ممارساة جزارين المستشفى في اهلنا برفحاء

اما الاخوان القضيه وسهم جارح الله يسلمهم

ترا ماهو المصيبه اذا كان هالكلام صحيح لااااااااااا

المصيبه استغرابكم من انه هالشي يصير

وعلى فكره هالسالفه تذكرني بواحد من الفديد الظاهر انه من الحمدان

ودا ولده للمقصب طايح على يده وشيعوه المقصب قالوا يده منكسره وحطولها

جباره ورجع هو وولده للبيت وعيا ينام الورع يبكي ولايعرف يتكلم صغير

يوم زاد الوجع معه ودوه لمستشفى خان بالحفر فكوا الجبس وسووله اشاعه لقوا يده مابه شين

وصدفه مسك الدكتور يده الثانيه وحس انه يتالم منه اكثر شيعوه لقوه مكسوره

هههههههههههههههههههههههههههههههه

جبروه ورجع لرفحاء

وبكل بساطه تقلي اسف

[ليث]

القضيه........... ننتظر وانا ابنشد كمان

[الافندى]

الله يستر .... اخي العزام ... شكرا لك
الاخطاء لها اسباب ..
هل ضغوط العمل (9ساعات عمل ) واستدعائهم في اوقات متاخره له دور في ارباك الاطبا ء ؟
هل هو قلة الخبره ؟ االا مبالاه وعدم الاهتمام ؟

[الدب الداشر]

لا حول ولا قوة إلا بالله العلي العظيم ..


مشكور حجي العزام عالخبر الحلووو ..



حجي القضية بإنتظاااركـ ,,,

[رفحاوي]

العزام

شكل مصدرك ما شاف الثقة ...

عموما بانتظار جواب القضية ...


ولد اختي سوى عملية قبل يومين وطلع سليم 100 % والحمد لله ...

[العزام]

مشكورين على المرور
القضيه
بما انك شغال بالمستشفى راح تجب لهم العلم الاكيد وانا واثق من مصداقيتك ........ لا هنت اخوي

الجارح
جاري التاكد مع اني متاكد ........لاهنت

الوميض
الله يعافيك اخوي وتسلم على التعقيب الاكثر من رائع .......لاهنت اخوي

ليث
وانا ابي انتظر القضيه وانتظرك انت بعد ...... لاهنت

الافندي
يعطيك العافيه على التعقيب الرائع ........لاهنت اخوووي


الدب الداشر
انت الحلو يا دبدوب ((كيد عذالك حبيبي كيدهم)).........لاهنت اخوووووي

رفحاوي
مصدري شرواك إلا اذا ..................... !!!!!!!!!!
والحمد لله على سلامة ولد اختك ........لاهنت

والله حسيب كل من كان طاغي

[رفحاوي]

العزام

ههههههههههههههه

واسف شديد الوسف كان جرحت احساسك ...

ارجو ان تتقبل وسفي الحار ...

[العزام]

ههههههههههههههههههههههههههههههههههههههههههههه
ههههههههههههههههههههههههههههههه
هههههههههههههه


حلوه جرحت احساسك

لاهنت رفحاوي

والله يعطيك العافيه

يسلموووووووووو

[القضيه]

ردا على موضوعك اخي الكريم لقد قمت بالتحقق بنفسي وكان الخبر الذي نشرته لايمت بالحقيقه بصله
حيث ان المريضه التي ادخلت للمستشفى كانت واحده وليس مريضتان
وتم تشخيص الحاله حسب الفحص السريري والمخبري وبعد عمل الاشعه التلفزيونيه تبين انها تعاني من الزائده الدوديه ولكن عند اجراء العمليه تبين للطبيب الجراح ان الجزء المتضرر في المراره وقام باستاصالها
ولو كنت على درايه طبيه لعلمت ان التشخيص في حالات الزائده في جميع انحاء العالم يكون صحيحا بنسبه20% فقط حيث لايوجد شيئ يؤكد ويجزم نسبة الضرر بالزائده الا بعد فتح بطن المريض
لذلك اخي الكريم عند نقل اي خبر الرجاء التاكد من صحته لانه من السهل صناعة الاخبار ولكن من الصعب ان يكسب المريض ثقته بالطبيب بسهوله
واحب ان اضيف اننا نرحب بالنقد البناء وتاكدوا اني يهمني مصلحت مريضي على الطبيب ومدير المستشفى وحتى وزارة الصحه ولو تبين لي اي تقصير من قبل اح السابقين ذكرهم راح تشوفون كيف يكون موقفي
تحياتي

[الزعيم]

شكراً لك أخي (( القضية )) على التوضيح

وجزاكم الله خير

[القضيه]

هلا والله الله هيوه بأد هيي
على قولت هكتور(الفلبيني الي بالاسعاف)ههههههههه

[سهم جارح]

يعطيك العافيه اخي القضية

[الدب الداشر]

الله يبارك فيك حجي قضية ..

مشكور حجي على الإيضااح ..

[رفحاوي]

شكراً لك أخي (( القضية )) على التوضيح

وجزاكم الله خير ...

ليتك ما جبت طاري الفلبيني ...

[العزام]

ما عليه يا اخوان كنت مسافر يومين ولا حصل لي نتنته

اخووووي القضيه:-
بالاول كيف حالك وعساك بخير انشاللهّّ!!!!!
بس ياأخي الكريم ترى ما جبت صوره من تقرير العمليه مثل ما وعدتنا بالاول؟!!؟ "الحق حق ولا ينزعل منه ص"

بعدين ترى الله اتمناه ان اللي صار مثل ما قلت,, لانه ما لي خلق على هالمشاوير لا سمح الله لو واحد من العيال يمرض ومن حقي ادور اللي سجله وسمعته ناصعه بالبياض ...

لذلك اخي الكريم عند نفيك اي خبر الرجاء احضار ما يثبت نفيك كما وعدت لانه من السهل نفي الاخبار ولكن من الصعب ان يعترف المتهم او محاميه بأنه الجاني......


لك جزيل الشكر على تعاونكــ شاكرين ومقدرين اخلاصكــ اخي الكريم