ولدي نايف يبي يشري كامري [الأرشيف] - موقع رفحاء منتديات رفحـاء

مشاهدة النسخة كاملة : ولدي نايف يبي يشري كامري

رفحاوي

14 Aug 2005, 02:45 PM

كنت في امان الله مع اخي ومعنا ولدي نايف (عمره 5 سنين الله يصلحه هو وابوه)...

وما علينا من الناس وما على الناس منا ...

قال ولدي نايف : هذي كامري (كانت لومينا)

قلت: ما شاء الله وش دراك انه كامري ؟!!

قال: اعرف ...

قلت بنفسي فرصة اعرف وش وراه لا يكون يتعاطف مع الافكار المسمومة ...

قلت: وش ودك تشتري ؟ (طبعا النقاش وهو بحضني)

قال: كامري ...

قلت: يا حظك ...

قال: وابي اشتري همر (طلع الولد مثقف ويعرف همر ؟!! حسبي الله على الدشوش ... قصدي مدارس الفلس ... اكيد جايبة من اخوانه اللي سامعين خوياهم)

قلت (متتريقا وكاتم ضحكة مدوية): يا ولدي يقطعن ظهرك الاقصاد ... يروح راتبك تسديد ...

اخوي كان يتسمع وضحك ضحكة انهت الحوار الابوي فاتبعته بضحكات ابوية جعلت الابن في دهشة واستغراب ...

جرواني

14 Aug 2005, 03:13 PM

الله يصلح الولد ويخليه لك يارفحاوي ويتربى بكنفك انشاء الله
الله يعينك على الأقساط اذا الولد من أولها كذا ههههههههههههه
مشاء الله عليه الولد يعرف للسيارات
انا انقهر اذا سولفوا عندي بالسيارات ما أعرف شيء (الأخ دلخه )
يعطيك العافيه

هاجس

14 Aug 2005, 08:59 PM

الله يخليه لك

ومالومك لو تحذره من هالحين عن الاقساط؟؟؟؟؟

همّام

14 Aug 2005, 10:22 PM

الله يصلحه ويخليكم لبعضكم
كسرت خاطر الطفل لاحساسه بأنه هو من سيشتريها وأقساط بعد

ليث

14 Aug 2005, 11:22 PM

ابشر بالكفيـــــــــــل رفحاوي.........

بديع الزمان

15 Aug 2005, 02:29 AM

رفحاوي ماشا الله ذكي مثل ابوه الله يحفظه لا تحطم مواهبه ههههههههه اشترله سياره !!!!!!!!!!!!!!!!!!!!!!!!!!!!!!!!!!!لكن بعد الثانوية ان شا الله.
اخي انا عند ولدين الله يحفظهم واخوانهم ما اشتريت لأي منهم سياره اوعلمتهم السواقه حتى اصبحوا فى سنه ثانية جامعه بعد ما سددت الاولى شريت للثاني ..... في رفحاء فقط المدارس االثانويه (اذا لم أبالغ) سيارات الطلاب تسد الشارع ومالك ممر ..
في جامعه غير سعوديه عدد السيارات الواقفه ماتجي ربع سيارات المدرسه الثانويه برفحاء...... كلها ( سياكل)
الحمد لله على النعمه
اخي العزيز طالب ثانوي عنده سياره كامري 2005 تقسيط من راتب اخته مايملك قيمه البنزين وش يسوي؟؟ ( الموضوع متروك للمناقشه)
تحياتي للجميع

واحد ^ مؤدب

15 Aug 2005, 02:43 AM

الله يخلي نايف وابو نايف لم نايف ويطول اعماركم على طاعته اللهم امين ...

الدب الداشر

15 Aug 2005, 03:27 AM

ماشااء الله تحفه نايف مثل الوالد .. يناظر للمينا ويقول أبي كامري بابا ..

ننتظره من العشرة .. الأوائل على مقيااس الذكااء بالعالم .. بأحد الإتجاهين .. هع هع هع

الزعيم

15 Aug 2005, 05:12 AM

( أشتر للولد سياره .. ماهو أنتم متعودين على الأقساط .. يقولون يارفحاوي _ وانا ماادري _ يقولون إذا ما عليك اقساط ماتستانس )

الله يصلحهم و يوفقهم ويستر عليك وعليهم

رفحاوي

15 Aug 2005, 09:48 AM

جرواني

الله يسلمك ويعافيك ...

تعديل بسيط:

انت مانت دلخه

انت

انت

انت دلخ ههههههههه (امزح لا تزعل يا بعدي)

مخلص

الله يسلمك ويعافيك ويكفيك شر الاقساط ...

همام

هو ما درى عن الاقصاد ولا انكسر خاطره ... هو مستغرب ليه نضحك ...

ولدي واعرفه عشرة عمر ...

الله يسلمك ويعافيك ويخلي لك عيالك ...

ليث

فرصة تدخل السجن وتطلع عفو برمضان ...

عمدتنا الغالي

صراحة تعلم قيادة السيارة ضرورية للولد وفرصة يتعلم برفحاء ... لانه اذا راح للجامعة صعب يتعلم ويكون بوضع محرج قدام خوياه ... ما يمنع اخلي ولدي يسوق سيارتي وارسله واتابعه بدون ما يحس (اشيك على عداد الكيلو مثلا) ... اهم شي اعطيه الثقة واحسسه انه رجال

يوم كنت ببريطانيا (الله يعزك انت ومن يسمع) قليل جدا من الطلاب معهم سيارات والمواقف للسعوديين والدكاترة وبعض الموظفين ... لكن عندنا غير الله يعز الحكومة ويديم النعمة والامن والامان ...

تشعب الموضوع عمدتنا ...

الزعيم

عسى الله يخلي (ابو رفحاوي) ما خلانن اعرف الاقصاد ... حتى سيارتي اللي معي هو اللي شراه الله يحفظه ...

يوم كبرت ماشوف للسيارة الجديدة داعي ...

مشكورين عالمرور والتعليق ...

العزام

15 Aug 2005, 10:01 AM

ما شاء الله والله يخليه لك

قول امــــــــــــــــــين

وكانك ماتبي تاخذ سياره توسط لي ليث خله يكفلن

رفحاوي

22 Aug 2005, 02:01 PM

العزام

امين ...

الله يسلمك ويخلي لك عيالك وامهم واذا عزابي يجيب لك بنت الحلال اللي تسعده وتسعدك وتعيشون بسبات ... الخ

رفحاوي

27 Aug 2005, 11:35 AM

.

البارح جالس اتابع الاخبار ومبسوط وانا اشوف البناخي يتابع مشروعات التوسعة ...

المهم جايبين صورته وهو بالسيارة (بنز) قال ولدي نايف: هذي كامري ...

قلت : صاز وبس تر حدك لهنا العمر مهو بعزقة مثل ما يقول ليث ...

سرمد

27 Aug 2005, 04:02 PM

يارجال اشتر لــه همر وش انت خسرااان .. كلها 350 ألــف فقط لاغير ..

(( لا والله إلا رحت غلطه يارفحاوي ))

سهرانه

28 Aug 2005, 01:50 AM

سلمت يداك رفحاوي
مثل ما ابوك اشترى لك اشتر لولدك
لا تخلي الناس يقولون ما طلع زي ابوه
لكن اذا دييييييين لالالا مافيه داعي
خل الدين للاخضر

رفحاوي

28 Aug 2005, 08:58 AM

سرمد الحاضر الغائب

اولا الحمد لله على شوفتك واتمنى تكون امورك كله فل الفل يا فل ...

ثانيا عادي الفلوس عندي لا قامت ولا قعدت لكن اقول ددسن غمارتين 85 احسن ...

سهرانة

هههههههههههاي

ابوي لحق على الطفرة وكل شي رخيص وما كان عندهم جوالات وكوفيرات ومشاغل نسائية ... مصاريف البيت بالكثير الفين وتغطي على كل شي ...

الاخضر متمتع به منذو مبطي بس يا ليت يتمتعون به العزابية من الجنسين ...

فهد

28 Aug 2005, 11:22 AM

ماشاالله الله يخليه لك

أبد محد يكفلك غيري ولا اقول نص السعر علي

((كلام جد))

ما تعرفني بس لو تعرفني من هو انا..

رفحاوي

28 Aug 2005, 11:41 AM

فهد

الله يسلمك ويعافيك ...

بس مدري من وين ناخذ السيارة يا صار ابن احمد شغال بالاسهم ...

((كلام جد))

لو عرفتك وش يصير ؟!!

كانك اخوي ابي امصع اذنك وكانك غيره ردة فعلي تعتمد على طولك ووزنك ...

فهد

28 Aug 2005, 02:55 PM

لا ماني أخوك بس فيه مشكلة هي:

إني مشارك بنادي لرفع الحديد

بس أبشرك عندي خير واااااااااااااجد..

مخلص

29 Aug 2005, 01:40 AM

الله يعينك يارفحاوي وكل المسلمين
فالطفل ينقل ما يشاهدة من ولع المراهقين بهذا النوع من السيارات
ولذلك تولد في داخله حبها
وتخيل نفسه أنها يقودها
وان شاء الله سوف يقود أفضل منها
المهم التفوق بالدين والدنيا

رفحاوي

29 Aug 2005, 08:47 AM

فهد

مرحبتين يابو حديد ... ترن كنت امزح معك

مخلص

امين

صدقت اخوي ...

الله يصلحنا حنا وعيالنا وحريمنا ...

البرنس

30 Aug 2005, 03:18 AM

هذا رفحاوي و ولده نايف

http://www.alriyadh.com/2005/08/29/img/298399.jpg

الدب الداشر

30 Aug 2005, 03:20 AM

هههههههههههههههههههههههههههههههههههههههه

الله يرج سموهاا يالبرنس ..

الحقيقه

30 Aug 2005, 03:41 AM

رفحاوي وش ها الإقصاء عندك ترى بريطانيا فيها ناس مسلمين وكذالك محترمين ويحترمون الاخر مهما كان وانت لاحظت (كرمك الله )أكيد هذا الشيء معك

رفحاوي

24 Oct 2007, 12:32 AM

البرنس ...

اضحك الله سنك ...

رفحاوي

24 Oct 2007, 12:33 AM

هههههههههههههههههههههههههههههههههههههههه

الله يرج سموهاا يالبرنس ..
لو تسلم من الرجة كان مالك مثيل ...

رفحاوي

24 Oct 2007, 12:37 AM

رفحاوي وش ها الإقصاء عندك ترى بريطانيا فيها ناس مسلمين وكذالك محترمين ويحترمون الاخر مهما كان وانت لاحظت (كرمك الله )أكيد هذا الشيء معك
تتابع الأخبار ؟!!

البندق

24 Oct 2007, 12:40 AM

خلوه يفحط بالكامري ام ثلاث كفارات (سيكل)

عمار

24 Oct 2007, 12:46 AM

لو تكتب بها المواضيع أصرف لك من مطاردة خلق الله

وبعدين ممكن سؤال هالحين ولدك يبي كامري حنا شكو :I :I :I :I

الله يصلحه

الـوايـلـي

24 Oct 2007, 01:03 AM

رفحاوي

24 Oct 2007, 01:06 AM

خلوه يفحط بالكامري ام ثلاث كفارات (سيكل)

كبر على ابو ثلاث كفرات ...

هالحين يبي دباب ...

رفحاوي

24 Oct 2007, 01:13 AM

الله يصلحه

اللهم آمين ...

رفحاوي

24 Oct 2007, 01:21 AM

اشتر للولد سياره الله يخليه لك ولاتنسى اخته سواقة الحريم على الابواب ترى يقولون الجملة ارخص الا كان الاسهم

ماخلت عندك شي كأي فرد من افراد بني عبس 000فأنت معذور وعليك بالنقل الجماعي وطيران نااااااااس
لو شاري له كامري 2005 اوفر ...

هالحين طارت اسعارهن ...

اشوفه هالحين ما يقول شي يمكن مشغلته المدرسة ...

أشـــوفك حلـــم

24 Oct 2007, 01:23 PM

الله يخليه لك يارفحاوي

قله أبوك ما حصل همر

نايف هو اكبر العيال؟

مرضي بن مشوح

24 Oct 2007, 01:27 PM

الله يخليه لك

بس يكبر تتغير النظريات

ثاني التومي

24 Oct 2007, 03:48 PM

إلا الولد مايبي يعرس؟؟؟

رفحاوي

24 Oct 2007, 05:30 PM

الله يخليه لك يارفحاوي

قله أبوك ما حصل همر

نايف هو اكبر العيال؟

اللهم امين ويرزقك الزوجة والذرية الصالحين ...

نايف اصغر العيال ما اصغر منه الا بشاير واريج ...

رفحاوي

24 Oct 2007, 05:34 PM

الله يخليه لك

بس يكبر تتغير النظريات

الله يسلمك لكزس ...

رفحاوي

24 Oct 2007, 05:43 PM

إلا الولد مايبي يعرس؟؟؟
قصدك ابوه ؟!!

أشـــوفك حلـــم

24 Oct 2007, 09:07 PM

اللهم امين ويرزقك الزوجة والذرية الصالحين ...

نايف اصغر العيال ما اصغر منه الا بشاير واريج ...

اللهم امين

الله يصلحهم جميعا يارب

واكبر العيالوش اسمه؟ ===> نبي نعدل ابو نايف

قصدك ابوه ؟!!

ايه هين عقب الجداوية بانت علومك;)

النهيم

24 Oct 2007, 09:13 PM

جعله الله ذرية صالحة

رفحاوي

24 Oct 2007, 11:25 PM

اخوي اشوفك حلم ...

الله يسلمك ويعافيك ...

توبة عقب الجداوية ...
اصلا انا اعرف امزح ؟!!

رفحاوي

24 Oct 2007, 11:26 PM

النهيم ...

الله يسلمك ويعافيك ...

ابونايف

25 Oct 2007, 02:05 AM

ههههههههههههههههههههه
رفحاوي اكيد نايف كبر وتطور الوضع مايبي كامري هالحين
الموضوع قبل ثلاث سنوات اكيد الوضع غير دبر عمرك0
عسى الله يخله لك هو واخوانه واميمتهم0

رفحاوي

25 Oct 2007, 02:35 AM

ههههههههههههههههههههه
رفحاوي اكيد نايف كبر وتطور الوضع مايبي كامري هالحين
الموضوع قبل ثلاث سنوات اكيد الوضع غير دبر عمرك0
عسى الله يخله لك هو واخوانه واميمتهم0
اللهم امين وعيالك وعيال المسلمين ...

الله يسلمك اخوي ابو نايف ...

الظاهر اننا عقب منظمة "القات" نبي نشتري لهم اذا كبروا سياكل ...

متعب فهد

25 Oct 2007, 05:57 AM

رفحاوي موضوعك هذا طلع الشيبان الي بالمنتدى ...

الحرقاني

25 Oct 2007, 10:42 AM

على فكرة تويوتا يطلبون كفيلين الأول ليث وابشر أنا الثاني

رفحاوي

25 Oct 2007, 07:05 PM

رفحاوي موضوعك هذا طلع الشيبان الي بالمنتدى ...
وانت من الشيبان والا الشباب ؟!!

رفحاوي

25 Oct 2007, 07:10 PM

على فكرة تويوتا يطلبون كفيلين الأول ليث وابشر أنا الثاني
الله يسلمك ...

طيب الكفلاء وانتهى موضوعهم ...
بالنسبة لنايف يكفي يجيب تعريف من المدرسة انه بثاني ابتدائي ؟!!

الشوق؟؟

25 Oct 2007, 10:09 PM

الله يخليه لك ويطول بعمره
اقوووووووووووووووووول

احجزله كامري او همر من هالحين ترى بعد فتره الاسعااااار مدبوووله 3 مرات

بس الحق على سيارة ولدك

ههههههههههههههههههه

تحياتي لك

رفحاوي

26 Oct 2007, 12:19 AM

الشوق؟؟

اللهم امين ...
الله يسلمك ويعافيك ...

اقول كان السيارات تبي تدبل 3 مرات يعني ما راح يشريهن الا ابن احمد والوليد ...
يعني سعوديا عريبيا يركبون السياكل مثل الهند ...
اريح نفسي واحجز سيكل وش رايك؟!!