مرحبا بكم في مدينة شعبة نصاب

[رفحاوي]

.


القادم من مدينة الضباب رفحاء متجها لمدينة الغبار (الحفر) يقرأ عند مدخل شعبة نصاب لوحة مكتوب عليها ( مرحبا بكم في مدينة شعبة نصاب) ...

الى هنا والامر يمكن بلعه مع قليل من الماء الزلال ... لكن الطامة الطماء ما هو مكتوب اسفل اللوحة (مع تحيات المجمع القروي بشعبة نصاب) !!

[ليث]

هههههههههههههههههههههه


رفحاوي ابشرك قبل فتره رفعو تحويل المجمع القروي بالشعبه لبلديه (سمعنا)



والعويقيله محافظه...


عقبال رفحاء محافظه فئة أ (مثل جده) ونصير رفحاء غير

[الدمار الشامل]

الأعجب..
أن تكون رفحاء مدينة الضباب..
الأجمل..
أن تأتي مذمة حفر الباطن من النكرة (رفحاوي) لتصبح شهادة كمال للحفر والحفراوية..
الأغرب..
ان المشرفين لازالوا يسمحون لرفحاوي بقول كل مايريد قوله..
الأولى..
أن نقول (انا لله وانا اليه راجعون)..

[جرواني]

الأعجب..
أن تكون رفحاء مدينة الضباب..
الأجمل..
أن تأتي مذمة حفر الباطن من النكرة (رفحاوي) لتصبح شهادة كمال للحفر والحفراوية..
الأغرب..
ان المشرفين لازالوا يسمحون لرفحاوي بقول كل مايريد قوله..
الأولى..
أن نقول (انا لله وانا اليه راجعون)..

والتناقض العجيب فيك يالدمار الشامل انك حاط بصورتك التعبيريه صوره ورده وأنت دمار شامل
!!!!عـــجــبــي

[ابو مشعل]

رغم مشاكسات الاخ رفحاوي إلا انه هذه المرة لم يخطئ بل قال الحق ، فعلا حفر الباطن مدينة العجاج والحر .فلماذا الغضب يا اختي الدمار ؟

[العزام]

انا مدري ليه بعض الاخوان اللي ما هم من اهل رفحاء الخضراء "مدينة الضباب" ما هو بس هنا بكل مكان

تلقاهـ يبي ينفجر من اللي شايله على ديرتنا وما يعين من الله خير ألا

اذا جت سيرة رفحاء و وطلع اللي شايله ؟؟؟؟؟؟؟؟!!!!!!!!!!!!!


وبعدين يا الغالين ابي واحد من اهل الحفر ما ابيهم كلهم يعترفون ويقولون الحق

بس واحد اللي ابيه يجاوب بصدق و بعدينا عن سوالف مدينة الملاهي والسلم الكهربائى ههههههههه


والله ما لقيت !!!!!

على كبر الحفر وكثرة التجار اللي به لكن برحه ما عندك احد ,,,,,,

الواحد إذا مشى بشوارعهم تقل ماشي برادمية لينه لا وبعد حتى لينه ضبطوهـ

او على وشك يخلصوووون,,,,,,,,


لذلك" يركدون"_" ويتركون" رفحاوي على كيفه والله يقوله صح


ومشكور ولا هنت يا الغالي

[واحد ^ مؤدب]

ياااا جمااعة الخير يا الغاالين يا العزيزين يا الطيبين ........ ممكن لحظة ...

أرجوكم خلوكم بعيدين عن الأمور الي تثير التفرقه بيننا كأخوان مسلمين وهي بنفس الوقت أمور تبسط

الملعون (( الشيطان الرجيم )) كل انسان وكل قبيلة وكل مدينة وكل بلد لها أيجابياتها ولها سلبياتها

مافية شي كامل بالوجود الا الله سبحانه وتعالى {فَاطِرُ السَّمَاوَاتِ وَالْأَرْضِ جَعَلَ لَكُم مِّنْ أَنفُسِكُمْ أَزْوَاجاً وَمِنَ الْأَنْعَامِ أَزْوَاجاً يَذْرَؤُكُمْ فِيهِ لَيْسَ كَمِثْلِهِ شَيْءٌ وَهُوَ السَّمِيعُ البَصِيرُ }الشورى11

وتأكدو يا أخوان ميزان المفاضلة فيما بيننا مافيه غيره قال تعالى .. {يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوباً وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ }الحجرات13


يعني الميزان التقوى والتقوى فقط لا لون لا زعامة لا لا لا أي أمر من أمور الدنياااا فنظرو للمستقبل

بنظرة تفائل وبنظرة مشرقة بعيد" عن كل ما يثير التباغض والتباعد فيما بيننا ... ولنتصالح كفانا ما في الأمه من
جراح تنزف .... فكونو مصلحين ولا تكونو مفسدين . وتذكرو قوله تعالى
{مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ }ق18

[هاجس]

انا سكنت الحفر ثلاث سنوات واحبها واحب اهلها حييييييييييييييييييل

بس هذا مايمنع اني اقول كلمة الحق

الحفر ديرة غباااااااااااااااااااار

الدمار الشامل وش اللي يزعل ولصارت مغبره مابها اهانه ؟؟؟؟؟؟؟؟؟؟؟؟؟؟؟

[$الوميض$]

عيب والله يالربع

انا مااشره على الرجيلي

بس اشره عليكم انتم يااخوان لاني اعرفكم راعين ذمه وضمير

وتعرفون وشلون توزنون الكلمه قبل لاتطلع

بالله يااخوان وانا اولكم ادري ان الحفر وبسبب تكوينها الجغرافي

عرضه للاتربه والغبار اغلب الاوقات بس ابسالكم بالله استخدام مسمى ديرة الغبار

من قبل هذا الشخص مايزعل اخوانا اهل الحفر وانا اجزم ان اغلبنا لهم اقارب واصحاب

في الحفر

طيب هالحين لو على سبيل المثال جا واحد وقال في موضوع مرورا بمدينة المخدرات رفحاء!!

ودلل على ذلك بانه رفحاء مقارنة باكثر مدن المملكه هي على قولة بعض الشباب صيدلية الشمال!

يعني ماراح نزعل!! عن نفسي ماراح اسمح بهالشي ولو كان اللي مايتعاطون بهالبلاء في رفحاء

الا كم بيت والباقين غاطسين لشوشتهم بتجارته وترويجه وتعاطيه!

لكن مثل ماقلة هو الموضوع مو انكار الشي بل استنكار ان يطلق كصفه على مدينه مثل مااسلفت

فيها الكثير ممن نحبهم ونحترمهم

فرجاء يااخوان لا نخلط الاوراق عشان نضيع السالفه ونرجو بس فهالمنتدى انه يكون الاحترام للجميع

حنا صحيح نتكلم باسم مدينتنا بس نخاطب شريحه كبيره من مدن اخرى

ومااظن انوجد هالمنتدى عشان ننبزهم باسوأالالقاب

اتمنى اني وضحة وجهة نظري لهالموضوع وانا بدوري اتاسف لكل اخوانا اهل الحفر وغيرهم ممن مستهم هذه

الكلمات واحب اوضحلهم ان الشخص هذا مايمثلنا اعضاء المنتدى لابصفه رسميه ولاغير رسميه

وماهو الا شخص يعبر عن وجهة نظره الخاصه فامسحوها بوجيهنا وتجاهلوا اللذين يغردوا

خارج السرب لكي يلفتوا لانفسهم الانتباه ولو بسب الاخرين والتطاول عليهم


ودمتم احبتي بخير

الوميض

[الدمار الشامل]

شكرا أخي الوميض على هذه الاطلالة والمداخلة الواقعية..
في الحقيقة توقعت أن يكون موضوع صاحبنا نقد موضوعي..
ولكني ذهلت حقيقة من سطحية الفكر وتفاهة الاسلوب..
وأكاد أجزم أنه يظن هذا المنتدى لنا - أهل رفحاء-فقط
جميعنا في رفحاء تربطنا علاقات -صداقة أو قربى- مع أهل الشعبة..
أو مع أهل الحفر..
ثم يأتي من يذم مدنهم وقراهم ولاجل كلمة في لوحة!!
ولعلك تلاحظ بحث صاحبنا عن الاثارة ولفت النظر بكل طريقة..
وكأننا في نزهة وليس في منبر محترم نحترم فيه الجميع..
ويحترمنا الجميع..
في حفر الباطن ثلاثة منتديات لانريد أن نستفزهم أو نغضبهم لان الاحترام
هو سيد الموقف..

نهايته..
(الفتنة نائمة لعن الله من ايقظها)

[هاجس]

صحيح الشيطان شاطر

السالفه ماتستحق كل هالزعلات

والله اني لما اقرا الموضوع واشوف الى وين وصل اموت من الضحك



اكبروا واتركوا عنكم هالتفاهات ........الكلام للجميع

[رفحاوي]

ليث

الله يبشرك بالخير ...

الشعبة ماضي وتاريخ بحياتي ... بيوت الطين والقرو ودكاكين الضبعان وكم حوطة نتصيد به مريعيات وحمير الشويان ...

زمان شموس لكن حلو ...


الشمال الدامر

تر ما ينضر من سوالفك الا انت ...

انتبه لنفسك ...


جرواني

تسلم على الدفاع ...


ابو مشعل

قصدك دايم اقول الحق ههههههههههه


واحد مؤدب

جزاك الله خير ...


هاجس

صدقت الموضوع ما يستاهل لكن فرصة عند بعض المراهقين ...

مشكورين عالمرور والتعليق ...

[الدمار الشامل]

تر ما ينضر من سوالفك الا انت ...

انتبه لنفسك ...



أنعجب من الاخطاء الاملائية رغم المشاركات التي تجاوزت الخمس الاف؟؟!!
أم نعجب من الاسلوب؟؟
أم.................
فعلا......أجسام البغال واحلام العصافير!!

[رفحاوي]

الشمال الدامر ...

الى قائمة المجهوووووووول ...

[الدمار الشامل]

أعووووووووووووووووووووووووووووووووذ بالله..
لا ..لا.........رفحاوي أرجوك...
لاتستعجل..!!!!!!!!!
لالالالالالالا...
انا لله وانا اليه راجعون!!!!!!
كيف نعيش الحين!!!!!

[رفحاوي]

هههههههههههههههههههههههاي

خلاص عفيت عليك ...

انبسط هههههههههههههههههه

[الجنى الداني]

من قدك يا دمار يا شامل


رفحاوي عفى عنك بعد مرور سنة على تقديمك ( خطاب طلب العفو ) من سموه ................

[رفحاوي]

من قدك يا دمار يا شامل


رفحاوي عفى عنك بعد مرور سنة على تقديمك ( خطاب طلب العفو ) من سموه ................






هههههههههههههههههههههههاي


شسوي بقلبي ؟!!

كبير وما يعرف يقسى يالجني ...