المساعد الشخصي الرقمي

مشاهدة النسخة كاملة : قصيده بنت ابوها



الوحــــش
20 Aug 2002, 12:43 PM
ياللي زعلت أزعل ولا ني مراضيك .. اشرب كدر ماي البحر كانه أرضاك

لاتحسب اني عقب صدك بداريك .. بعز نفسي عنك مدراك

اربع سنين وانا متحمل تغليك .. راضي بتعذيبك لجل قلب أغلاك

وخليتني واليوم والله لخليك .. وأدوس قلبي لينه يقول خلاك

قبل توريني الحسايف بوريك .. ليمن قال فلان هانك ووراك

كانك تحداني فانا اقبل تحديك ..
وانسى الغرام اللي مضى واتحداك

ماني بقايل لك عسى الله يهنيك ..
الله يحرمك كل ماكان هناك

عسى العمى ياخاين العهد يعميك ..
فوق الغرور اللي عن الماضي اعماك


وعساك ماتسمع قريب يناديك ..
حيثك تجاهل صوت محروم ناداك

وعسى الشلل يعوق رجل تمشيك ..
لينك تندم ليش غيرت ممشاك

وعسى حياتك بس فرحه لشانيك ..
يلقا بها الفرصه عدوك ويشناك

وعسى الليال اللي تجيني بطاريك ..
يصبح عليها الصبح وتموت طرياك

وعسى المنام وكل راحه اتجافيك ..
آمين حتى اللي تمناه يجفاك

وعساك ماتفرح وتكثر بلاويك ..
وأمك تشق الجيب من عظم بلواك

ولا مت ، جعلك في جهنم اتصاليك ..
نار الجحيم ونار دنياك تصلاك

الله يكره فيك حتى دوانيك ..
غشاش خاين ما من الناس داناك

هذي النهاية روح والله يجازيك ..
امسك ويومك عن هوى الغد يجزاك
:D :D :D

فتى الامارات
22 Aug 2002, 12:39 AM
قصيدة عتاب والا زعل هي كلماتها مؤثره تضرب على الوتر الحساس

الله يعطيك العافيه يا حلو.....ومشكور...

الوااايلي
22 Aug 2002, 09:57 AM
يعطيك العاافيه.....لكن ثاني مره تأكد.......القصيده للشاعر الكويتي طلال السعيد

الوحــــش
22 Aug 2002, 11:23 AM
يعطيك العافيه اخوي الوايللي القصيده فعلا للمبدع الشاعر طلال السعيد بدون شك والقصد من ادراجها في المنتدى تذوق الشعر لا اكثر ولا اقل وليس القصد سرقه شعريه بدون شك الف شكر لك للتنويه