انواع البزارين

[شامي الدهيمان]

أنواع البزارين
البزر المفهي :-
هو بزر مايدري وين الله حاطه
أي شي تقوله له بيقول هاه

مستقبله :-
هذا مستقبله غير واضح المعالم لكن مااراح تتعدى شيين يستمر مفهي وهذا الأغلب
أو يتعرض لصدمه تخليه يطلع من فهاوته شوي ..



ــــــــــــــــــــــــــــــــــــــــــــ
البزر الجنتل مان أو الجنتل بيبي :-
بزر غالبا يكون اطخم ..تشوفه دايم متكشخ ويتروش كل يوم ويتعطر .. لسانه معسول وهالشي مخليه مخقق كل بنات الحاره ..
مستقبله :-
يكون من اكبر المرقمين في ديرتهم ويكون اسمه في البلاك ليست للهيئه الله يجزاهم الخير

:-


ــــــــــــــــــــــــــــــــــــــــــــ

بزر زلابه :-
غالباً مايكون تربية عجز .. مدلع حتى اخر قطره .. لكنه للأسف زلابه سريع البكاء لو تقول له كيف الحال قعد يبكي ..
مستقبله :- يستمر زلابه الين يتزوج ويصير خاتم في اصبع حرمته





ــــــــــــــــــــــــــــــــــــــــــــ
البزر المهايطي :-
تعريفه :-
هو البزر الذي يهايط وهو ماعنده ماعند جدتي يكون عرضه للتصفيق والتكفيخ نظراً لمهايطاته الدائمه
مستقبله :-
يستمر مهايطياً للأبد وقد يفقد حياته بسبب الهياط..




ــــــــــــــــــــــــــــــــــــــــــــ

البزر العصبي :-
هذا البزر نارٍ شابه على قولتهم معصب 24 ساعه يستحسن أن يكتب بالقرب منه خطر
مستقبله :- ا
مراض ضغط وسكر وقلب بسبب هالعصبيه أو في السجن لأنه فقع عين احد ولا ذابح له واحد ..



ــــــــــــــــــــــــــــــــــــــــــــ

البزر اللي رادن بالدنيا :-

هالبزر اطقع مايشوف العالم مطنش ابو الدنيا شايل من قاموسه كلمة حياء
مستقبله :-
عارض أزياء < قل قسم خخخخخ




ــــــــــــــــــــــــــــــــــــــــــــ

البزر الملقوف :-
هالبزر عكوز بكوز في كل مكان مركوز ... لا تستبعد ان تجده في أي مكان
مستقبله :-
بيجيب العيد وماظنتي بيصير له مستقبل ..


ــــــــــــــــــــــــــــــــــــــــــــ
البزر الدافور :-
هذا البزر دائما متفوق في دراسته دائما يحب يتعلم ويتثقف هالعينه نادره في السعوديه طبعاً
مستقبله :-
دكتور .. مهندس .. او أي شي زين أما إذا كان عندنا بالسعوديه فآخرته مصكوك بعين .. والله اعلم



ــــــــــــــــــــــــــــــــــــــــــــ
البزر اللي عليه حركات ويسمى أيضاُ البزر المتميلح :-
هذا النوع خطير جداً ودايم يجيب المصايب
وهو من النوع اللي مايهرول عبث
مستقبله :-
احتمال يجيب العيد أيضاً




ــــــــــــــــــــــــــــــــــــــــــــ
البزر اللي حظه مقرود :-
هذا النوع من البزران اقل مايقال عنه انه مسكين حظه شين دايم
مستقبله :- سيئ للغايه



ــــــــــــــــــــــــــــــــــــــــــــ
بزر مدمن تلفزيون أو في روايه بزر دلخ :-
24 ساعه عند التلفزيون يتأثر على طول أي شي يشوفه يروح يسويه
مستقبله :-
يظل دلخاً للأبد



لاعاد تتابع الشيف رمزي تكفى





هذا للأسف مدمن مسلسلات مصريه ..
ــــــــــــــــــــــــــــــــــــــــــــ



بزر رومانسي :-
راعي جو .. حساس ..
مستقبله :-
شاعر



ــــــــــــــــــــــــــــــــــــــــــــ
بزر رايق :-
24 رايق من زود الروقان عنده تشوف عليه احيانا حركات غريبه
مستقبله :- مستقبل زاهر إن شاء الله


ــــــــــــــــــــــــــــــــــــــــــــ
البزر اللي مدري وش يبي :-
ماينعرف له مره تقول إنه ذيب مره تقول إنه زلابه

مستقبله :-
ياأنه يطلع ذيب أو يطلع زلابه وهذا المتوقع




تم حذف صور البزارين (( لئسباب منتداوية ))

ملطوووووووش

[ابو مشعل]

مشكور
مسكين يالرومنسي

[ليث]

مشكوووووووور سلاهيمو الرومااااااانسي

[سيف الاسلام]

مشكووووووووور اخوي السلهومي
يعطيك العافية

[هاجس]

ههههههههههههههههههههههههههههه

رهيبه هاللطشه

مشكووووووووووووووور

[شامي الدهيمان]

تحياتي للجميع

[نادر]

يازينك ويازين لطشاتك ياسلهمه العربان هالسلهمه

الا ماتقولي منهو له هالأبيات اللي بتوقيعك ؟

تحياتي

[الدب الداشر]

البزر الملقوف :-
هالبزر عكوز بكوز في كل مكان مركوز ... لا تستبعد ان تجده في أي مكان
مستقبله :-
بيجيب العيد وماظنتي بيصير له مستقبل ..



هع هع هع

مشكور حجي ..

[شامي الدهيمان]

نادر

لك حبي وتقديري

الابيات بكل آسف ماعرف صاحبهن ولا يحتاجله حبة خشم


دبوب

الله يديم هالضحكه

تحياتي

[نفح الطيب]

تقسيم بديع يا سلهومي

بس ماتحس فيه تداخل بين بعض الصفات

مشكله هالبزارين طلعوا النخل بروسنا يال................................

تقبل تحياتي

[شامي الدهيمان]

تحياتي

نفح الطيب

الله يعين هم زينت الحياة