ابن روما المدلل
06 Sep 2005, 01:18 AM
مواقف طريفة (لابن رومـــا المدلل) في مملكتي الحبيبة(الجزء الثاني)
مرحباً شباب , بعد التحية والسلام ,هاكم الموقف الثاني من مواقفي , لكن هالموقف غير, وغير بكل ما تحمله هذه الكلمة ( المرة هذي صرت زوروا على غفلة, ووين؟؟ في حي من أحياء الرياض وبالتحديد الروضة)..هذي سالفتي أسمعوها ...اليوم الثلاثاء ,التاريخ ../.../1426هـ, الوقت بعد صلاة المغرب , الوجهه قادم من الجامعة وذاهب ٌ إلى الشقة, كنت جاي من خريص وأنا آخذ مخرج 30 شارع سلمان الفارسي , ويوم قربت لشقة وأنا أشوف ذيك اللمه(أي ناس مجتمعة), ويوم نزلت من( الموتر بلغة أهل الرياض) ,(وتعني في رفــحاء السيارة), وأنا ألقالك هالبنقالية مجتمعة ,,وكما هي عادة الشمري الشفاااوة ,أقتحمت الصفوف , وسرت حتى رأيت ذاك المنظر !!!أتدرون ما هو ؟؟؟ وجت ُ بنقاليا ً يضرب ُ رجلا ً سعوديا ً كبيرا ًفي السن تقريبا ًعمرة (70سنة), وبجانب هذا الرجل إبنته التي لا حول لها ولا قوة ,,وكما هي شهامة كل رجل لديه نخوة ,شققت الصفوف مسرعا ً, وعندما رأيت هذا المنظر وتوجهت فورا ً إلى البنقالي وقمت أعطيه من البقوس واللكمات( التي ما أدري منين طلعت لي هالقوة ,معن خبري بنفسي مامن ذاك الضرب لكن كيف طلع هالضرب هذا مدري) , والبنقالي الله ليوريكم جثة ,,(ولله لو تجيبه معك بمضاربه ليهجون اللي يضاربونك,والسبب؟ ضخامة جسمه), المهم وأنا أضربه ومن زود انفعالي خذيت خشبة وكسرته على ظهره, وكأني سمعت شي بظهره طق,ممكن أنكسر شي من جسمه ,,وأنا أضربه تجمعوا علي شباب سعوديين وفرقونا, وقاموا يقولون لي (أنت وش فيك على هالعامل المسكين يوم أنك تضربه هالضرب هذا ) قلت لهم تدرون وش فيني ( ملعون هالصلايب ,هذا اللي ترحمونه قاعد يضرب هالشيبه اللي طايح بالأرض يامى جيت وفزت له ,(وكان أحد الشباب ماسك البنغالي ,وسألن وقال : ـ هذا البنغالي اللي ماسكة الحين يضرب هالشايب, قلت : لا ويتفنن بضربه قدام أخوياه البنقاليين),وما كملت كلامي إلا هالشاب معطي البنقالي كف على وجهه وهم يجون أخوياوه يفرقون بينه وبين البنقالي ,وقعد الولد يهدد البنقالي ويتوعده ويقول (ولله ما عاد إلا هي , أنا شايف يديكم طالت وتبيله قص يالبنقالية) ويوم تفرقنا وطس البنقالي , رحت لشايب أقومه وأتحمد له على السلامة, وأقوله(طبعا ً بنته كانت بجنبه هي ماسكه يد أبوها اليمنى وأنا ماسك اليد اليسرى **بدون تعليق** ) ياعم لو نخيت أطرف واحد سعودي كان فزع لك تدرون وش قال!!قال:ـ ياوليدي أنا كنت أبي أضربه لكن تعثرت بلي رضمة وطحت وستغل الفرصة وقام يضربن,,وبنتي هذي يوم شافتن قعدت تبكي من الخرعة) , وقام الشايب يحلف إلا يقهويني, لكن خبركم توي طالع من الجامعة وتعبان ,وأبي أرقد (أي أنام ) لان بكرى عندي امتحان ,وقلت له أبغى منك بس حاجة قال:ـ سم ياولد ,قلت :ــ أبيك تدعي لي بكـــرى إن الله يوفقن بالامتحان لان الدكتور معقد , والحمد لله
مرحباً شباب , بعد التحية والسلام ,هاكم الموقف الثاني من مواقفي , لكن هالموقف غير, وغير بكل ما تحمله هذه الكلمة ( المرة هذي صرت زوروا على غفلة, ووين؟؟ في حي من أحياء الرياض وبالتحديد الروضة)..هذي سالفتي أسمعوها ...اليوم الثلاثاء ,التاريخ ../.../1426هـ, الوقت بعد صلاة المغرب , الوجهه قادم من الجامعة وذاهب ٌ إلى الشقة, كنت جاي من خريص وأنا آخذ مخرج 30 شارع سلمان الفارسي , ويوم قربت لشقة وأنا أشوف ذيك اللمه(أي ناس مجتمعة), ويوم نزلت من( الموتر بلغة أهل الرياض) ,(وتعني في رفــحاء السيارة), وأنا ألقالك هالبنقالية مجتمعة ,,وكما هي عادة الشمري الشفاااوة ,أقتحمت الصفوف , وسرت حتى رأيت ذاك المنظر !!!أتدرون ما هو ؟؟؟ وجت ُ بنقاليا ً يضرب ُ رجلا ً سعوديا ً كبيرا ًفي السن تقريبا ًعمرة (70سنة), وبجانب هذا الرجل إبنته التي لا حول لها ولا قوة ,,وكما هي شهامة كل رجل لديه نخوة ,شققت الصفوف مسرعا ً, وعندما رأيت هذا المنظر وتوجهت فورا ً إلى البنقالي وقمت أعطيه من البقوس واللكمات( التي ما أدري منين طلعت لي هالقوة ,معن خبري بنفسي مامن ذاك الضرب لكن كيف طلع هالضرب هذا مدري) , والبنقالي الله ليوريكم جثة ,,(ولله لو تجيبه معك بمضاربه ليهجون اللي يضاربونك,والسبب؟ ضخامة جسمه), المهم وأنا أضربه ومن زود انفعالي خذيت خشبة وكسرته على ظهره, وكأني سمعت شي بظهره طق,ممكن أنكسر شي من جسمه ,,وأنا أضربه تجمعوا علي شباب سعوديين وفرقونا, وقاموا يقولون لي (أنت وش فيك على هالعامل المسكين يوم أنك تضربه هالضرب هذا ) قلت لهم تدرون وش فيني ( ملعون هالصلايب ,هذا اللي ترحمونه قاعد يضرب هالشيبه اللي طايح بالأرض يامى جيت وفزت له ,(وكان أحد الشباب ماسك البنغالي ,وسألن وقال : ـ هذا البنغالي اللي ماسكة الحين يضرب هالشايب, قلت : لا ويتفنن بضربه قدام أخوياه البنقاليين),وما كملت كلامي إلا هالشاب معطي البنقالي كف على وجهه وهم يجون أخوياوه يفرقون بينه وبين البنقالي ,وقعد الولد يهدد البنقالي ويتوعده ويقول (ولله ما عاد إلا هي , أنا شايف يديكم طالت وتبيله قص يالبنقالية) ويوم تفرقنا وطس البنقالي , رحت لشايب أقومه وأتحمد له على السلامة, وأقوله(طبعا ً بنته كانت بجنبه هي ماسكه يد أبوها اليمنى وأنا ماسك اليد اليسرى **بدون تعليق** ) ياعم لو نخيت أطرف واحد سعودي كان فزع لك تدرون وش قال!!قال:ـ ياوليدي أنا كنت أبي أضربه لكن تعثرت بلي رضمة وطحت وستغل الفرصة وقام يضربن,,وبنتي هذي يوم شافتن قعدت تبكي من الخرعة) , وقام الشايب يحلف إلا يقهويني, لكن خبركم توي طالع من الجامعة وتعبان ,وأبي أرقد (أي أنام ) لان بكرى عندي امتحان ,وقلت له أبغى منك بس حاجة قال:ـ سم ياولد ,قلت :ــ أبيك تدعي لي بكـــرى إن الله يوفقن بالامتحان لان الدكتور معقد , والحمد لله