الزعيم
23 Oct 2005, 02:58 AM
إذا المراجل لبسة شمـاغ وعقـال =قـل للعـذارى يلبسـن العمـايـم
ماعاد يفرق زول حرمه ورجـال =دام الفعايل تشبـه البعـض دايـم
المرجله ماهيـب كلمـه وتنقـال =وتروح ماراحت هبـوب النسايـم
وإلا خشونة صوت أو رفع الأثقال = أو رزة صـدور وفعـل الزلايـم
ولاهي بعد مفتاح موتـر وجـوال = وإلا ردي لسـانٍ حديثـه شتايـم
المرجله شيمه عن القيـل والقـال = رفيع نفـسٍ حـر بالجـو حايـم
المرجله عقل وزن وزنـه جبـال = ودون العقل وش فرقنـا والبهايـم
يامسندي لو مايل الوقت بي مـال = ياولـد أبويـه ياعظيـم العزايـم
يامعرب الجدين من العم والخـال = يانخوة المفـزوع وقـت الهزايـم
المرجله ياخوي هي طولة البـال =هي العزم هي الصبـر فالظلايـم
فيها الكـرم عـزه ودلـه وفنجـال = فيها الكرامه عن ردى الطبع شايم
والدين لامنّه خذا القلـب منـزال = مشى طريق الحق وإبليـس نايـم
ومن لاعرف به في طيب الحـال = لابد وقـت الضيـق بالهـم هايـم
حتى صلاتك مع جماعات ورجال = في خيرها ياخـوي نعـم الغنايـم
ولامن نصف ليلك قم صفِي البـال = ياعظم أجرك بيـن ساجـد وقايـم
ولامن رفع ربي له كل الأعمـال = حسن الذكر لاقالوا فـلان صايـم
وخلك شريف القصد ياطيب الفـال = سوء المقاصد في البيوت الهدايـم
وإحذر تبيع النفس في درب الأنذال = وتتبع خوي إبليـس راع النمايـم
النفس خيلٍ لـك إن كنـت خيـال = ومن لاقوى نفسه قوتـه الهزايـم
ولاصرت ماتدري لوش أنت رجال = والله خساره فيـك ذبـح التمايـم
للشاعره / نوف بنت شطيط العتيبي
أتمنى أن تعجبكم
ماعاد يفرق زول حرمه ورجـال =دام الفعايل تشبـه البعـض دايـم
المرجله ماهيـب كلمـه وتنقـال =وتروح ماراحت هبـوب النسايـم
وإلا خشونة صوت أو رفع الأثقال = أو رزة صـدور وفعـل الزلايـم
ولاهي بعد مفتاح موتـر وجـوال = وإلا ردي لسـانٍ حديثـه شتايـم
المرجله شيمه عن القيـل والقـال = رفيع نفـسٍ حـر بالجـو حايـم
المرجله عقل وزن وزنـه جبـال = ودون العقل وش فرقنـا والبهايـم
يامسندي لو مايل الوقت بي مـال = ياولـد أبويـه ياعظيـم العزايـم
يامعرب الجدين من العم والخـال = يانخوة المفـزوع وقـت الهزايـم
المرجله ياخوي هي طولة البـال =هي العزم هي الصبـر فالظلايـم
فيها الكـرم عـزه ودلـه وفنجـال = فيها الكرامه عن ردى الطبع شايم
والدين لامنّه خذا القلـب منـزال = مشى طريق الحق وإبليـس نايـم
ومن لاعرف به في طيب الحـال = لابد وقـت الضيـق بالهـم هايـم
حتى صلاتك مع جماعات ورجال = في خيرها ياخـوي نعـم الغنايـم
ولامن نصف ليلك قم صفِي البـال = ياعظم أجرك بيـن ساجـد وقايـم
ولامن رفع ربي له كل الأعمـال = حسن الذكر لاقالوا فـلان صايـم
وخلك شريف القصد ياطيب الفـال = سوء المقاصد في البيوت الهدايـم
وإحذر تبيع النفس في درب الأنذال = وتتبع خوي إبليـس راع النمايـم
النفس خيلٍ لـك إن كنـت خيـال = ومن لاقوى نفسه قوتـه الهزايـم
ولاصرت ماتدري لوش أنت رجال = والله خساره فيـك ذبـح التمايـم
للشاعره / نوف بنت شطيط العتيبي
أتمنى أن تعجبكم