يابو جري والاعضاء عامة

[المتيم بالشمال]

السلام عليكم ورحمة الله وبركاته تحيه طيبه لجميع الاعضاء بالمنتدى وخاصة وبعد نسمع انه باقي بطريق تربه لينه وصله عند لينه من يدري منكم هي خلصت او لاوعلمي بالطريق به تصليحات كثيره عساه احسن هالحين عسى الله يكتب لنا مسيار بالعيد للشمال عساه للمطر والربيع من عنده خبر وإن شاء الله ماشين بحوله وقوته


يابو جري لاهنت ولاهان الإخوان عطني علوم الدار بعد إرتحالي

داري الشمال تركتها يم رمـــان ديار عزيزه بس حبي شمالــي

اخوي جرواني ولايهونون الإخوان تقبل هالبيتين من واحد ملقوف على الشعر بس حب الشمال يعمل عمايله ماننلام

[ابو مشعل]

مرحبا المتيم بالشمال

عزيزي فيما يخص الطريق فهو كالتالي

بعد الخروج من لينة هناك ردمية ( مسحية) قصيرة لا تتجاوز الأربع كيلومترات ثم يأتي الطريق وهو من اروع الطريق التي عبرتها ، مع بعض الخطورة خصوصا في المنعطفات ،

ثم يأتيك بعد ما يقارب 45كلم من الطريق الرائع طريق أخر صعب وفيه الكثير من الشقوق وطول هذا الطريق 22كلم ثم يمتد الطريق إلى تربة بشكل جيد
باختصار يستطيع صاحب السيارة الصغيرة السفر دون أي مشاكل تذكر

وانتبه من البعااااااااااااااااااااااااااااااارين إذ تعتبر اكبر خطر محدق بهذا الطريق

ارجو ان اكون قد وفقت في وصف الطريق الواصل بين تربة ولينة بعد اذن الخال العزيز ( جرواني ) لأنه بعيد عن هذا الطريق

[المتيم بالشمال]

ابو مشعل ماقصرت وشكرا على تجاوبك السريع والله يسهل لنا المسيار ولك تحياتي

[جرواني]

اخوي العزيز المتيم بالشمال
صح لسانك وتاصل بالسلامه والله يلوم اللي يلومك الشمال غالي
بس تبي الصراحه تراك وهقتني بالسؤال
لأنه خط لينه الصراحه مالي به علم من سنتين لأني بعيد عن الديره
و ابو مشعل ماقصر بالرد الله يعطيه العافيه

تقبل تحياتي اخوي متيم

[المتيم بالشمال]

اخوي جرواني صح بدنك ماقصرت وبناخيك ابو مشعل قام بالواجب وزياده واثريك بعيد عن هواك مثلي الله يردك بالسلامه

[الفيلسوف19]

ماقصرت يابو مشعل

ثم يأتيك بعد ما يقارب 45كلم من الطريق الرائع طريق أخر صعب وفيه الكثير من الشقوق

والله تقل تلعب بلايستيشن من كثر ما تروغ عن الحفر (طريق البلايستيشن)

[ليث]

يعطيك العافيه ابو مشعل على التوضيح

[المتيم بالشمال]

احبتي الفيلسوف 19وليث شكرا لكما على المرور وعلى المحبة نلتقي

[الدب الداشر]

مشكور حجي ابومشلع


والله يردك سالم حجي متيم