ر ف ح 1 1 1
02 Dec 2005, 05:33 AM
بسم الله الرحمن الرحيم
عندي لكم سالفة طويلة شوي بس فيها لطافة يعني سوالف بر وتمشية وقت
يقولك طلع مجموعة شباب للبر، يبون يتونسون شوي ويبعدون عن رتابة الحياة المد نية. المهم، جلسوا يسولفون مع بعض وشافوا من بعيد واحد راكب رحول على مسافة بعيدة!! نقز واحد منهم قال تتحدوني ألعب على البدوي! قالوا يابن الحلال فكك من البدوي ترا والله راح يغلبك، ولاتقول ماعلمناك ! قال تشوفون شلون أسوي به . راح خوينا هذا وتلقف البدوي من جهة بعيد عن خوياه وقال ياالاخو وين رايح؟ قال البدوي: رايح لهكا الديره ، قال الولد : أجل وصلن معك يملا الخير ، قال : أركب . مشوا مشوار طويل شوي. بعدين قال الولد : ليه ماتسولف ياعم؟ قاله:ماعندي سوالف.قال: شلون ماعندك! أنتم البدو سوالفكم ونيسة!!!قال : والله يخوك ماعندي سوالف! قال :أجل تدري شرايك كل واحد منا يسولف واذا ماصدق الثاني سالفة الاول ياخذ الاول اللي يبي من الثاني!! وش قلت؟ قال البدوي: خير ، سولف ! قال الولد: هاك السنه طلعت أنا وأختي ومعنا حلال أبونا، مية بعير رابطين رسنهن ببعض ، رسن الثانية بذ يل الاولى ورسن الثالثة بذ يل الثانية وكذا الين المية ، وكان معي سلاح , وصد ت بسلاحي أرنب و علقته براس البعير الاول وقامت الارنب تقطر دم . شافنا طير بكبد السماء وجاء منصلق وخطف الارنب ويومنه سحبها جر معها اول بعير والاول جر الثاني والثاني جر الثالث !!الين جر كل البعارين وصارن بكبد الخضيرا , عقب نتل الطير الارنب من البعير الاول وانا اراعي للبعارين يوم جن منصلقات كلهن ويقعن بعيني واحد ورا الاخر !!!! يوم طالعت أختي ليا بعيني مثل الشعرة وهي تمسه أختي لياهو البعير الاول طلع من عيني عقبه الثاني والثالث ويطلعن كلهن ميتهن!!!!! ومار رجعنا بحلالنا كامل!! هاه وش قلت أنا صادق والا لا؟ قال البدوي: كلامك صحيح واعرف ابوك واعرف حلاله! قال الولد : أجل سولف أنت ! قال البدوي : أنا ياوليدي هاك السنه كنت ابي افلح لي ارض بالقمح، يوم اني ركبت(أعز الله القارئ)حمارن عندي واقوم ابذر الارض ، يوم امطرت وروت ارصنا مانبت من القمح الا حبتن وقعت على علبا الحمار ، وانبتت سنبلة والسنبلة طلعت سبع والسبع طلعن كل وحده سبع وهلون وحدة تزود على وحدة الين برك الحمير وعجز يتحرك، وقمنا نحصد من القمح ونحط بخياش ونبيع , وجاني ابوك اللي عنده المية بعير واخذ مني خمسين خيشة قمح دين !!!!! وهالحين ياوليدي ابيك ترد دين ابوك!!! (هنا الولد تورط اذا كذ به! الشايب راح ياخذ منه اللي يبي واذا صد قه يلزمه دفع دين ابوه) قال البدوي : وش قلت ياوليدي ؟ قال الولد : لا بالله انك ما صدقت! قال : اجل اطلب اللي ابي الحين يوم انك كذبتن!!! قال : أبشر وش تبي بس فكنا من هالدين!! قال : عطن ثيابك كلهن بس انزل بسريويلك!! ونزل الولد بسروال بس، وشافوه خوياه ! قالولوه: قلنالك فكك من البدوي والله ماتقواله هالي ماقوتله الصحاري تبي تضحك عليه!!!!!!!!!!!!!!
انتهت
عسى هالسالفة ونستكم وغيرت جو المنتدى شوي ، أرجو منكم العذر والسموحة ان كانت مهي قد المقام
ترا الدعوى التشرف بالكتابة بمنتدى رفحاء الغالية والتواصل
ودمتم
عندي لكم سالفة طويلة شوي بس فيها لطافة يعني سوالف بر وتمشية وقت
يقولك طلع مجموعة شباب للبر، يبون يتونسون شوي ويبعدون عن رتابة الحياة المد نية. المهم، جلسوا يسولفون مع بعض وشافوا من بعيد واحد راكب رحول على مسافة بعيدة!! نقز واحد منهم قال تتحدوني ألعب على البدوي! قالوا يابن الحلال فكك من البدوي ترا والله راح يغلبك، ولاتقول ماعلمناك ! قال تشوفون شلون أسوي به . راح خوينا هذا وتلقف البدوي من جهة بعيد عن خوياه وقال ياالاخو وين رايح؟ قال البدوي: رايح لهكا الديره ، قال الولد : أجل وصلن معك يملا الخير ، قال : أركب . مشوا مشوار طويل شوي. بعدين قال الولد : ليه ماتسولف ياعم؟ قاله:ماعندي سوالف.قال: شلون ماعندك! أنتم البدو سوالفكم ونيسة!!!قال : والله يخوك ماعندي سوالف! قال :أجل تدري شرايك كل واحد منا يسولف واذا ماصدق الثاني سالفة الاول ياخذ الاول اللي يبي من الثاني!! وش قلت؟ قال البدوي: خير ، سولف ! قال الولد: هاك السنه طلعت أنا وأختي ومعنا حلال أبونا، مية بعير رابطين رسنهن ببعض ، رسن الثانية بذ يل الاولى ورسن الثالثة بذ يل الثانية وكذا الين المية ، وكان معي سلاح , وصد ت بسلاحي أرنب و علقته براس البعير الاول وقامت الارنب تقطر دم . شافنا طير بكبد السماء وجاء منصلق وخطف الارنب ويومنه سحبها جر معها اول بعير والاول جر الثاني والثاني جر الثالث !!الين جر كل البعارين وصارن بكبد الخضيرا , عقب نتل الطير الارنب من البعير الاول وانا اراعي للبعارين يوم جن منصلقات كلهن ويقعن بعيني واحد ورا الاخر !!!! يوم طالعت أختي ليا بعيني مثل الشعرة وهي تمسه أختي لياهو البعير الاول طلع من عيني عقبه الثاني والثالث ويطلعن كلهن ميتهن!!!!! ومار رجعنا بحلالنا كامل!! هاه وش قلت أنا صادق والا لا؟ قال البدوي: كلامك صحيح واعرف ابوك واعرف حلاله! قال الولد : أجل سولف أنت ! قال البدوي : أنا ياوليدي هاك السنه كنت ابي افلح لي ارض بالقمح، يوم اني ركبت(أعز الله القارئ)حمارن عندي واقوم ابذر الارض ، يوم امطرت وروت ارصنا مانبت من القمح الا حبتن وقعت على علبا الحمار ، وانبتت سنبلة والسنبلة طلعت سبع والسبع طلعن كل وحده سبع وهلون وحدة تزود على وحدة الين برك الحمير وعجز يتحرك، وقمنا نحصد من القمح ونحط بخياش ونبيع , وجاني ابوك اللي عنده المية بعير واخذ مني خمسين خيشة قمح دين !!!!! وهالحين ياوليدي ابيك ترد دين ابوك!!! (هنا الولد تورط اذا كذ به! الشايب راح ياخذ منه اللي يبي واذا صد قه يلزمه دفع دين ابوه) قال البدوي : وش قلت ياوليدي ؟ قال الولد : لا بالله انك ما صدقت! قال : اجل اطلب اللي ابي الحين يوم انك كذبتن!!! قال : أبشر وش تبي بس فكنا من هالدين!! قال : عطن ثيابك كلهن بس انزل بسريويلك!! ونزل الولد بسروال بس، وشافوه خوياه ! قالولوه: قلنالك فكك من البدوي والله ماتقواله هالي ماقوتله الصحاري تبي تضحك عليه!!!!!!!!!!!!!!
انتهت
عسى هالسالفة ونستكم وغيرت جو المنتدى شوي ، أرجو منكم العذر والسموحة ان كانت مهي قد المقام
ترا الدعوى التشرف بالكتابة بمنتدى رفحاء الغالية والتواصل
ودمتم