(يانوف)الشاعر منصور السعدي

[سنجار السنجاري]

من روائع الشاعر منصور بن سعدي الرمالي الشمري أقدم لكم هذه القصيدة

( يــانـــــوف )


ياللي جرحت القـلب بيدك وأنا أشـوف *** حـــرام قـلـبـك لـيـه مـابـه مـرافـه

ارحـم جـريحـن طـاح وبـحـالـتـه روف *** اللي حـياتـه لـجـل فـرقـاك عافـه

تركتني في ظـلمة الخـوف مـكسـوف *** وألبستـني ثـوب الشقى والكسافه

يابو جـديـلـن فـوق الأمـتـان منـسـوف *** تلحق على رووس الشطايا ضفافه

وعــيــون ســود وخـد ونـهـود وردوف *** واذا ابـتـسـم تـجـذب عيوني رهافه

وجسمن حسين الطول والخصر منحوف *** عــلـيـه مــن تـفـصـيخ ثـوبـه كـلافه

أدعـج غـنج بالـمـلح والـزين مـوصوف *** مـن يـنـهـبـه يـمـلـك عـذرن لختطافه

واوجـد حالي وجـد من جـيـب مـكـتـوف *** وحـطـوه في سـجـنه وشـدو كـتافه

مـطـلـوب دم وبـلـحـظـة الـجـرم مـشيوف *** وأخـو الـقـتـيـل اللي لـه الثار شافه

ومن جـيـب لـلتـحـقـيـق بادوه بـكـفـوف *** وسـجل في تـقرير السجون اعترافه

عـلـيـك يا لـلي لـجـلـك الــدمـع مــذروف *** دمـعـي عـلـى فـرقـاك زاد انـذرافه

يانـوف بـسمك صرت ألبي وأنا أطـوف *** وكـلـن يــلـبـي لـلــولــي في طـوافه

هـم يـرتـجـون الله وأنا أرجـيـك يانـوف *** أرجـيـك أنـا رغـم ابـتـعـاد المسافه

وان مارجـعـتـي لي فـنا أمـوت يانـوف *** ولا عـلـى دنـيـاي بـعـدك حــســافه

[جرواني]

صح لسانك ياسنجار ولسان الرمالي

[الافندى]

يعطيك العافيه

الرمالي الله يرحمه برحمته

(( حظ الردى ))
الرأس شاب وشيب الرأس من شى ** شى خفا غيرى وأنا ماخفانى

حسبى على حظ دفنى وأنا حى ** فى عالم النسيان حظى نسانى

حظ الردى اللى جابنى من جبل طى ** ومابين جدران الكتيبه رمانى

متعلق لانا بشمس ولا فى ** عند اللحوج وجور وقت جفانى

المرحوم /منصور الرمالي

[سنجار السنجاري]

بسم الله الرحمن الرحيم
شكرا يالـ الأفندي على الرد والقصيدة وصح لسانك.

[سنجار السنجاري]

جرواني صح بدنك ومليون وتسعمائة الف وتسعمائة وتسع وتسعون نعم فيك

[العزام]

صح لسانك اخوووي

وفعلاً الرمالي كل قصايدهـ روائع

والله يرحمه

[سنجار السنجاري]

صح بدنك أخوي العــ،،ــزام والله يرحم الرمالي ويطوًل بعمرك


وتراني من المعجبين بالشاعر منصور بن سعدي الرمالي ......

وأن شــاء الله الجايات أكثر.............................................. ....