ياخي رحبوبي ياخي

[الفيلسوف]

يآخي السلام عليكم

أول مره أزور المنتدى هذا وأعجبني حقيقه

وبداية" أشكر القائمين عليه بس ودي يعطوني وجه شوي

ومتى تسوون لي ( نزاله) وانتم قدها يا أهل رفحاء

ونزالتي هي بويت شعر من كل أجودي أو قرمى والبيت

عندي بقيمة ذبيحه وقولة هلا ... بس لحالها بقيمة دجاجه 0

[الفيلسوف]

أهل الشمال اللي لهم ذكر وعلووووم ***$

$*** وش عندهم؟ ؟يا هنوه مايعزموني!!!!

I- I- I-

[هبوب الريح]

راعي الوفا والطيب شرواك محسوب
والا الردي محدن بيحسب حسابه

ياهلا والله أخوي الفيلسوف في المنتدى . المنتدى منتداك خذر راحتك
و ننتظر مشاركاتك :^ :ng :^

[الفيلسوف]

هبووووووووووووووب الريح صحيح انك راعي الاوله ودايم راعيها (صعبن طريده) وكثر الله خيرررررررررررررررررررررررك عزبيحه

[همّام]

حياك الله وعلى الرحب والسعة
وبالنسبه للشعر عندنا مجموعة رائعه
يكفون ويوفون عنا لانا ربما لا نحسن الشعر

[الفيلسوف]

سيد همّام:

إترك الأعذار ... كل عضو كريم لازم ذبيحه (بيت شعر)

والمشرفين الأجواد شرواك لازم قعود (قصيده)

وإذا حولك بحر لازم (حوت) ... هذي من كرم اهل رفحاء

أنتظر قصيدتك .

[همّام]

هههههههههاي

هذا البحر أشوفه بيتي على الكرنيش بس ما اعرف اصيد الحوت
يعني احرجتني الذبيحه اهون

أهلا هلابك عد ما بالسما نجوم
............. واعداد ما اشتاقت لرفحا عيوني
دامك عرفت الحوت والبحر والعوم
............. خذها خفيفه بس لا تحرجوني
خفف مشاريهك ترى الناس بالنوم
............ وليا استبان الصبح رد الطعوني

تصبحون على خير لا زم انام لو شوي قبل الصلاة

[الفيلسوف]

صح.. صح صح صح صح صح صح صح صح صصصصصصصصصصصححح

لسانك ... وشكرا" على القعود وكثّر الله خيرك ,,

[دمعة]

الأخ الفيلسوف

انت عارف حنا الحريم مانعرف للشعر مثل الرجال وغير كذا عزايمنا من الدجاج والحلويات والمكسرات بس

يعني لا شعر ولا ذبايح

نقول ياهلا وحياك الله في منتداك وباين ماشاء الله عليك نشيط

[الفارس]

الفيلسوف اللي نزل منتدانا.................. يامرحبا يا مرحبا يالله تحييه!!

بين النشاما واهل رفحا معانا .............. حييت ياللي طيب العلم حاضيه


هلا بك يالفيلسوف ..... وإن شاء الله نشوف ابداعاتك مثل ابداعات الفيلسوف ابو يعقوب......... بس بدون تسحيب!:D

[القعـقاع]

يالفيلسوف عن ذكرك كفى شوف عيني
000000000000000000000 صنع الكريم بديرته عاز حرده

يا هلا ويا مسهلا أخوي الفيلسوف حيّاك الله
في هذا المنتدى ونتمنى أن نرى منك المشاركات
المفيده ,,

[المرجوجه]

حيااااااااااااااااك الله اخووووي......
ويا هلالالالالالالالالالالا فيك بالمنتدى... والبيت بيتككككك... >>>> ما أفهم بالشعر .... :rolleyes:...

بالتوفييييييييييييييق.........:k:.....

[الخيّال]

هلا هلابك يوم جيتنا وحييت
## وهلا هلابك عدد نجــم الـثـريــا
وهلا هلابك عدد ما زاروا البيت
## وهلا هلابك عدد ما رحّب وهلاّ

والله ياخوي الفيلسوف مالي بالشعر شيء
لكن يوم شفتك ملزّم قلت خلنا نعطيه هالبيتين

ويالله عاد خلنا نشوف المشاركات0

[حديد]

حياك الله بين اخوانك
اما الشعر فلسنا من أهله

[المزيونه]

حياك الله الفيلسوف
ومرحبا فيك نتمنى نشوف مشاركاتك الممتازه

[الدب الداشر]

هلا حياك الله يالفيلسوف
حياك ربي عدّ ذرات الأغيوم ***** وأعداد ما شافت حقايق عيوني

هذا الي طلع وحياك الله

[حمووودي]

حياك الله "الفيلسوف"
وننتظر فلسفتك الحلوووة

[الفيلسوف]

مشكورين
دمعه = حريم قبل يذبحن بس ما ادري عن حريم هالوقت الي يجيهم ضيف ويكرمون له بمكسرات I-
ومشكوره على الرد >>دجاجه<<

الفارس=
الله يطول بعمرك وتسلم على العشى وكثر الله خيرك خوش طبخ

حياك الله يالقعقاع وتسلم كثر الله خيرك

مرجوجه مشكوره على القهوه

الله يعطيك العافيه يالخيّال بارك الله فيك وكثر الله خيرك

الأخ حديد مشكور على المرور

المزيونه شكرا الترفيع

الدب الداشر
مشكوووووور على الذبيحه بس ماخليت لي شي كلها اكلتها انت
:D وشكرا على الزبيحه

حموودي مشكور على المرور

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
الله يعطكم العافيه ويسلمكم وان شاء الله بداية خير
======================================

[أم أحمد]

هلا اخوي الفيلسوف .........

ومرحبابك ويانا بالمنتدي .........

حياك البيت بيتك ........

سوري علي تاخير الترحيب فيك ..........

حياااااااااااك...........