أتحداك تدخل قصيده جداً جداً رائعه واللي يتحدا يدخل

[كيلو وناسه]

هيه ياللي غرّك الحسن واطغاك الجمال...والله أني اموت ما شفت لأوصافك شبيه !!

لو يسام الحسن والتيه بجنيه وريال...ما بقى في سوق غيرك ريال ولا جنيه !!

كيف أهدّك للمقادير وانتي راس مال؟؟...راس مال ومال..والمال ماْ يغطي السفيه !!

حافظك حفظي لعيني ورمشي لك جلال...وانتي تْشحّين بالما..وانا شفّي مويه !!
شايف ٍ ظلمك وساكت وطال الليل طال...لا نويتي طعن قلبي وانا ما قلت ليه...

لو بقى للهيل صبر ٍ على فوح الدلال...ما بقى للهيل صبرٍ على شي ٍ يجيه!!
وانتي تْسوقين عقلي على حدّ الهبال...تحسبين ان من بغى شي ..يقدر يشتريه !!!

ولاّ انا يا وجد حالي وجود ٍ ما يقال...وجد من ضحّى بغاليه لْرضا والديه...
ويا وجودي بأول العمر قبل ألبس عقال !!...وجد من باع آخر العمر ..في رغبة ذويه !!

ويا وجودي كل ما هبّ صوتك من شمال...وجد من حدّه زمانه على اللي ما يب يه !!!

[الـرقـعـي]

القصيدة لضيدان بن قضعان


وناقصة بعض الابيات



وفعلا روعة ومميزة لاخر درجة



الف شكر

[ابو مشعل]

خوش قصيدة صح السان الشاعر وصحت انامل النااااااااااقل

[ابوجمال المنيس]

الف شكر للناقل لهذه القصيدة الرائعه
ولكن ..........
اتمنى من كل الاخوان الذين ينقلون القصائد ان يوضحوا اسم الشاعر واذا كان لايعرف اسم الشاعر ان يكتب كلمة منقول حفاظا على حقوق الاخرين وعدم اتهام اعضاء منتدى رفحاء العزيز بالسرقه .
وللجميع الشكر والتقدير ابو جمال

[الدب الداشر]

ولاّ انا يا وجد حالي وجود ٍ ما يقال...وجد من ضحّى بغاليه لْرضا والديه...

هذا البيت لوحده كوكباً شعرياًَ

شكرا لك اخي كيلوو وناسه

[كيلو وناسه]

يعطيكم العافيه الرقعي و أبو مشعل وابو جمال المنيس والدب الداشر