لو تنــــفجر قامت تذيع المحطـــــــــــــات رح عاد دور قشــــــنا من جثــثــنـ

[شامي الدهيمان]

الشاعر ابن مطرود من كبار فحول شعراء قبيلة الشرارات بالقريات
له نادره شعريه مرحه حينما ركب الطائره لاول مره
يقول :
وادعت ناجح من مطار القريــــــــــــــات يوم ركبونا الطائره وشلعتنــــــــا
لـــفت ودارت وامرجت بين لحظـــــــــات لولا الكــــراسي والمحازم رمتنـــــا
طـــاروا بنا حمـــر العلابي خواجــــــــات زغل العيــون وجيــههـم هولتنـــــــا
تكـــفى تشهــــد يا ( فهــد ) واقرأ آيـــات الموت جــــانا والظروف اجبرتـنــــا
جــانا المضــيف وقال وش فيه خدمــــات قلـــت نزلــــونا بطونــا اوجعتــنـــــا
من قبـــل اشوف الغيم دون السمــــــوات واليوم اشــــوفه يا فهد من تحتـــنـا
عــز الله اني ما حسبت الحســـابــــــــات والا تــــــرى سيارتي موصلـــتنـــــا
يا زين ممـــشى الارض لو هي مسـافات إلـــــنا بشعـــيب ٍ مجهــزين قهوتنـا
وش جـــابني لطائره والمـــــطـــــــــارات والله ما عُــو د ركوبــها إن نزلتــنا
لو تنــــفجر قامت تذيع المحطـــــــــــــات رح عاد دور قشــــــنا من جثــثــنــا

[الدب الداشر]

صح لساان ابوفهد

وصح لسااااانك



له قصيدة حلوه

بدايتها

يالجيب خذ خانة الخامس من النمرة
تحتل تبرك ترى الأخلااق خربانه

أنا ادري انك بقلبك قمت تلعنا
والله لألعن أبوك وجدك وأخوانه

والله لنبطي وحنا ما تفاهمنا
مليون ميقوع ما عقبت قلبانه

ودي القصايد واشب النار واتهنى
واشغل المسجل على يا دان يا دانه

ابهر الدله واكايف حمسة البنه
براس طعسن تسف الريح بركانه


سطع لي القمر والجو لي زنا
قام يتيزن لي على شكل فنانه

[شامي الدهيمان]

يسلموووووووووووووو

دبوب

وابشر بالحاجة

الي طلبت من أبو مشعل

تحياتي

[الدب الداشر]

أي فشق ؟؟

كخخخخخخخخخخخخخخخخخخخخخخخخخخخ

[ابن عايش]

شكرا علا هذة القصيدة الاكثر من رائعه وترى الناقل كأنه نصف الشاعر .......................ودمتم

[شامي الدهيمان]

دبوووووووووووووب

وشووووووووووووو حشيشه

الحلولا البحرينيه

وتمر خلاص أو موزه

هههههههههههه
100%a

[شامي الدهيمان]

ابن عايش

تشرفنا بمرورك

تحياتي

[ابو مشعل]

مشكور السلهوم

على هذه القصيدة الجميلة

ابو نسب طلباتك اومر

[الدب الداشر]

ههههههههههههههههههههههههههه


يا بعد خشمي

يا احلى جد عياال (( سنع يا احلى حبيب))

[$الوميض$]

يابو الدباديب يعطيك العافيه انشاءلله

والله يرزقك المره اللي لاطبخت

يضيع الشيف رمزي ويبطي ماياصل طبخه

ومع زين الطبخ تلقاه بنيت حلال مقبول شكله مهو هكا الشين مره

عالعموم القصيدة اللي اوردته للشراري سمعت انه لشاعر غيره

والقصيده مختلفه عن اللي انت ذكرة ببعض الشي

بس ذاكرتي ماتسعفني واذا الله اراد اجيبلك اسمه وقصيدته قريب

بس الظاهر انه رشيدي هذا طبعا حسب ماسمعة

عالعموم اخونا السلهومي يعطيك العافيه وصح لسان الشاعر اخوي

[الدب الداشر]

هلاا حجي وميض ابو ومضه . . عاد وين الومضه مدري . . . ..


المهم


يا حبك للفلفسه ..


الشااعر يقال له ابوفهد الشراري وعندي مقطع فيديو له وهو يقصد وفيه قصاايد خااصة جداً له


المقطع مآخذه من قريب له من سكان طريف ويعمل في عرعر


وابوفهد من سكان القرياات


عودة إلى قضية الزوجة

حجي وميض بما انك امس جالس تصيح بسبب نزول السووق اقوول لك الله يجوزك وحده حريفة اسهم ..

يعني مثل لنى العلياان تقريباً ,..,



ابونسب صح لساانك للمره الرابعه

[شامي الدهيمان]

ابو مشعل

الوميض

الشكركم مروركم

دبوب الشكرك على التوضيح

تحياتي للجميع

[الدب الداشر]

هنالك حرف بااء سقط سهووووووووووواً


لبنى ..

[الدب الداشر]

عفواً

الصوت لم يكن واضحاً

يالمور اخذ نمرة الخامس من اليمنى//تحتر تبرد ترى الاخلاق خربانه
عزالله انا من الدنيا تعلمنا//درس صعيب على التلميذ نسيانه
لو المدى البعد مرينا وسلمنا//مار البلا شوفت الديان ديانه

[سهرانه]

سلمت يداك السلهومي

قصيده حلوووه وتزعل شركات الطيران

[شامي الدهيمان]

دبوب

الحبوب


تحياتي

اسعد بمرورك

[شامي الدهيمان]

مشكوره

اختي سهرانه

على المرور وتشريف الموضوع بالرد

تحياتي

[$الوميض$]

هذي القصيده اللي وعدتك فيها دبدوب وزياده جبتلك بعد سالفتها

عالعموم اتمنى اني وفقت بالنقل..

هذه قصه لواحد من قبيلة الرشايده واذا ماخاب ظني اسمه الوقداني

هذا الشخص كانت حالته الماديه مترديه الى ابعد الحدود

وكان احد ابناء عمومته لديه من سيارات النقل العام الشاحنات

اعدادا كثيره وقد توجه الوقداني لابن عمه راجيا منه الاستعاره لاحد الشاحنات

لكي يكسب بها رزقه ومن ثم يسدد قيمتها على فترات

فقد كان ابن عمه التاجر شخص فهيم قال للوقداني لك ماطلبت ولكن !!

سوف ازعل عليك اذا شاهدت السياره المستعاره واقفه امام منزلك وانت نايم عند ام عيالك

فهذه السيارات تحتاج لمن يضغط على نفسه لكي يجني من ثمارها

ويجب عليك ان يستغلها استغلال جيد بنقل البضائع ليل نهار حتى تدرك ماتصبوا اليه

اما ان تنام عند زوجتك وتكبر المخده فهذا اللي يزعلني

المهم وافق الوقداني على الشرط اللي وضعه ابن عمه

وقام الرجال ينقل البضائع من كل ديره ومدينه الي ان طلعت روحه

الوقداني زهق من كثر الغياب عن اهله وعياله والله يكون في عونه

والسياره على فكره اسمها ( مور )

المهم السياره في منتصف الطريق احترت مكينتها

وانشد الوقداني هذه الابيات المؤلمه :

يقول ..

يامور خذ خانة الخامس من اليمنى=تحتر ،تبرد، ترى الاخلاق تعبانه

هذي ثلاث ايام مع يومين مانمنـا=مكينتك تشغـل والعيـن سهرانـه

والله لتبطـي وحنـا ماتفاهمـنـا=مادام ابو القور ماعقبـت ضلعانه

عـزالله انـا مـن الدنيـا تعلمنـا=تعليم يصعب على التلميذ نسيانـه

الله يجيب الصحيب اللي يخبرنا=عن واحد ساكنٍ في بيت جدانه

لولا المشاريـه مرينـا وسلمنـا=مير البـلا شـوف ديـان لديانـه



ولما سمع القصيده ابن عمه حلف على الوقداني واهداه السياره


وسلامتكم


انشالله عجبتكم السالفه والقصيده

تحياتي للجميع

[الدب الداشر]

الوميض


انت تجيب سالفة مدري من وين

انا اجيب لك مقطع


بكره تجيب لي واحد يقول

ارفق لك الشاعر مو مقطع



إضغط هنااا يا سيد مباااشط (http://www.alamuae.com/upload/Folder-17/1141087576_aljeeeeb.zip)


اسمع وش يقوول



واترك المبااشط عنك







لا تتحداني لا ,,,,,,,,,,

والا بلاش ..

[شامي الدهيمان]

دبوب

تراها ماسكة معه خط

لو تقول يمين قال يسار الايام هاذي

حسبي الله على الجماز

تحياتي

دائم رائع ايه الدب

[الدب الداشر]

ههههههههههههههههههههههههههههههههههههههههههههههه



حجي سلهومي

لو يقول لي ايه هذا شراري أقول له ليه ما انت لابس طاقية

ماتعرف شسوي به


دايم














والا بلاش







خله يسوي نفسه ابوالعريف وانا اوريك وش اسوي فيه ..

[شامي الدهيمان]

تحيا تي

دبوب

والله لو سمعته يوم كلمني اول يوم من النزول

يمكن تضحك اسبوع وتضحك جيرانك مجاني

تحياتي

[الدب الداشر]

ههههههههههههههههههههههههههههههههههههههههههههههههه



حجي سلهومي

والله لقيته بالماسنجر وسألته عن حاجه وجاوب

المهم
أنا اعرفه اذا كان مأتش جا قال لي الدب السوق نازل

قلت له

عساك خسرت واجد بس ؟؟

وانا اسكر الماسنجر بوجهه

<<<=== طوط طوط طوط

المهم جاني اتصاال بالجوال وجلست اكلم حوالي 10 دقاايق يوم خلصت والا القى رسالته

(( الدب بالله تعال للماسنجر أبي أشكي لك ))

خخخخخخخخخخخخخخخخخخخخخخخخخخخخخخخخخخخخخخخخخخخخخ



عاد كتبت به أربع ابياات اذا يسمح لي انشرهااا



وسلامتكم خلصت السالفة


<<=== شرهان المستقبل ..

[شامي الدهيمان]

الله يرجك

دبوب

اشو انك مسوي لي حظر ولا كان تسحب بي تسحيب

تحياتي

[الدب الداشر]

مسوي لي حظر

اذا مسوى لك حظر فإعلم أني لم أعلم بأنه أنت ؟؟


على فكرة عندي مجموعة كاملة بالماسنجر اسمها السنتلح للوميض وشلته اما انت بنحطك مع الشخصيات الهامة ..

[شامي الدهيمان]

مشكور

دبوب الحبوب

والعين ماتعلا على الحاجب انا والوميض أخوان ولا نحب الفخفخه خل كبار الشخصيات لبو نسب بتاعك يشرفني فقط وجودنا ضمن زمرتك

عسى نجتمع وياك مع زمرة الرسول صلى الله عليه وسلم وجميع الحبه

تحياتي

[ليث]

صح لسااااااااانك سلاهيمو وشعاااارنا


احجزولي صندوق قبل القميري

[شامي الدهيمان]

مشكور

اخي ليث

وسوف إرسلك صندوق فشق ساكتون 35مم

تحياتي