المساعد الشخصي الرقمي

مشاهدة النسخة كاملة : قصيدة الجمس



نايف عايد
23 Feb 2006, 02:19 PM
G M C











هي لكم ولقلوبكم



كما هي



0000




يا صاحبي يابو العيـون السـود يالطـرز الفريـد
يا مشككـن بعـض العـرب فيمـا تـرا اعيانهـا

جيتك /شموخ/ومرجله/وصرار/يـالغـض العنيـد
وانـت اتأمـر والغـلا نجمـه عـلـى تيجانـهـا

وانا خفيـرك واستلامـي (يدبـل الكبـد) ويزيـد
ما غير اقلـب بالـورق وارسمـك فـوق اجفانهـا

وإن قلت عطني من (قراحك) شي بس يروي الوريد
اسقيتنـي /سـم الـدهـور السالـفـه ونيرانـهـا

عاد انت تدري؟ مانت كفو امدحك في بيت القصيـد
ابمدح اللـي (ليـا شخفتـه) يرتكـي لـو زانهـا

لا ضاق صدري من هموم الوقت وزاد الحيد حيـد
ادق سلـفـه (واتلـطـم) نـاحــر ٍ وديـانـهـا

ادوجها/ لين الحديد/ يذوب/ مـن حمـل /الحديـد
القاع/خـضـرا /والحلال/(يرتع)(شنق)غدرانـهـا

هنا(البهم) وهنا (الجلّد) وبالشبك مخيـول والوليـد
والجمس جرت ضامـره (غـدا) علـى رعيانهـا

لامـن مزرتـه وجوهـا مغيـم كـأن ام العبـيـد
فـي داخلـه (مستنزلـه) علـى عظيـم الحانهـا

يطب/ قاع ٍ ما وطها (الجيـب) ملعـون (الكديـد)
الجيب اخمر دونها ( و جمسـي) علـى ضلعانهـا

وليا حدرته مـع (بطيـن ٍ) سايـل ٍ/ يـزداد كيـد
مكينته مـن عهرهـا جنـت علـى ( شكمانهـا )

ما كنـه إلا حامـل الرايـات فـي جيـش الوليـد
في معركة ( نصـر الشهـاده وعابديـن اوثانهـا)

وعلـى يمينـك اشـقـر ٍ طــلاع للهده شـديـد
اليا ختلفنـا بوجهـت (الجـره) واثـر جرسانهـا

نكشف البرقع وقتهـا/ هوسيـد وحنـا مـا نسيـد
يشوفها لـو (خومـرت) حـدر شجـر ريضانهـا

وليا (طلبهـا) افلـت (اسبوقـه) وملـزوم ٍ يصيـد
يجيبهـا لـو (كوبـرت) وإلا غرفـت جنحانـهـا

خصن ليامن لا عب الغربـي وعـاود مـن جديـد
تطـري عليـا طنخـت (الحبـلان) يـوم اكوانهـا

يوم ٍ شلافيهم تـذب الـراس مـن عـرق الوريـد
يوم ٍ تذهـل كـل مـره عمـا حملـت بحضانهـا

تاريـخ والتاريـخ عـرق ٍ براسـي مــا يبـيـد
لو (حجمونـي) مانحجـم خيـل ٍ تبـي فرسانهـا

ثلاث/ عنهن/ ما اتوب لو اللبس الثـوب (الجريـد)
جنيتـي لا (صنفـت) تفـوق سـحـر اقرانـهـا

عشق الحمر/والمرجله/ وموافـق الـراي السديـد
هل حامل المسـك يشبهـه منهـو نفـخ كيرانهـا

وإلا البراقـع/ والنقاب/ومـرود الكحـل المجيـد
ذكـرى (بقتلـي) بالزمن/بفراحـهـا وحزانـهـا



وسلامتكم

ابو دحيم
23 Feb 2006, 03:44 PM
صح لسانـــــــــك خيووو

سلمت يدينــــــــك

دمـــــــــــــــــــــــــت...........

منصور الشلاقي
23 Feb 2006, 10:20 PM
قصيدة رائعة من شاعر رائع00

صح لسانك أخوي نايف عايد00

ولاتبخل علينا بجديدك0

ابو مشعل
23 Feb 2006, 11:12 PM
صح الساااااااااااااااانك

امتعنا بجديدك

نايف عايد
26 Feb 2006, 02:05 PM
ابو دحيم



صح بدنك وطول الله عمرك




0000000000000

منصور الشلاقي

والف نعم




وبيض الله وجهك


وابشر بالجديد



0000000

ابو مشعل


مشكور يا دكتور

على هالمرور


دمت بود

الدب الداشر
26 Feb 2006, 05:12 PM
وانا خفيـرك واستلامـي (يدبـل الكبـد) ويزيـد
ما غير اقلـب بالـورق وارسمـك فـوق اجفانهـا

:



نايف عايد شاعر قادم إلى القمة بقوّة ....

صح لسانك أبوعايد ..


وإذا ما عليك كلافة نبي قصيدة نورة الداشرة ;)


الله لا يهينك


:


.

شامي الدهيمان
26 Feb 2006, 11:54 PM
صح لسانك

ولسان الشاعر

تحياتي

نايف عايد
28 Feb 2006, 08:16 PM
الدب الداشر



صح بدنك وابشر طال عمرك






0000000000000000000


السلهومي



صح بدنك



والله لا يهينك




00
00
0



00

0