تداول الخميس وحسين البليهي (( قصيدة شي ))

[الدب الداشر]

يقول الشاعر/

يابوفهد طير الهوى خبّث البال
الطير وكري والحباري قليلة


وحسين البليهي يقوول


يابوبدرسهم الفلس ضيّع المال
السهم نازل والسيولة قليلة

الربع حدّونا على نكخة الجال
بضحى الخميس اللي غترنا مسيلة

جونا وحنا غافلينٍ على الفال
واللي فرك واللي خثع في شليلة

احدٍ شهق واحدٍ غشى عقله هبال
وحْدٍ سقط وحْدٍ مضيّع دليله

وانا تراني قانع بكل الاحوال
مار الخسارة عالية أو ضئيلة

الحمدلله راضي وصافي البال
الحول لله مالنا أي حيلة

الرابح اللي يذكرالله بالآصال
وْقت الغدو ومستعد لرحيله

بالقبر ماينفع سوى حلو الاعمال
المال يرجع والأهل والقبيلة

لكن ابنصح من تعلق بالاموال
وبسوق الاسهم كاد يصبح هبيلة

لاسائلٍ عن بيت ولامراقب عيال
وكل اكتتابٍ لو بكوبا يجيله

ألوف يخسر وان ربح يربح ريال
يضارب ومتنيل بستين نيلة

ابنصحه كان فهيمٍ للامثال
بكيفه يشيل النصح أو مايشيله

ابنصحه يلحق على تالي المال
لو يشتغل بالسوق بايع بليلة



:


حسين البليهي


.

[نايف عايد]

حسين البليهي


استاذي



وشاعري




ومعلمي




اعتبره قنبله





ولم تنفجر بعد



ولو انها منفجره



لمى رائيت المتشدقين بالشعر



على مناكب الساحه

الأن








استاذي



حسين صح لسانك

وعلى شانك



اخوي الدب الداشر




الف شكر على النقل المميز






دمت بود



0


00
0

[الدب الداشر]

العفووو أبوعاايد


حيااك الله

:

.

[zezfon]

صح لسانك ولسان الشاعر صحيح ماقيل

[ابو زياد]

صح لسانك ولسان البليهي
قصيده جميله والله كريم
شغلتها الاسهم كر وفر
والصبور بأذن الله يعين خير
انا بكامل السيوووووووله بالاسهم
لكن مؤمن بالله والي قاسمه الله لي يجيني
والحمدلله على كل حال

[أبوالنكبات]

قصيده روووووعه تشكراتي دبدوبي


على النقل المميز ,,,,

[الدب الداشر]

صًح بدنك زيزووووووووووووووو

[الدب الداشر]

ابوزيااد

صح بدنك


الله يعينكم كارين فارين

اغلب هالأياام فارين
ههههههههههههههههههههههههههه

[الدب الداشر]

ابوالنكباات



العفووووووووووووووووووووووو


حيااك ربي

[ليث]

صح لساااانك ولسان حسين ولاهنت

[الدب الداشر]

صح بدنك


ولا هان غاليك وواليك حجي ليث ..

[التيما2005]

ألوف يخسر وان ربح يربح ريال
يضارب ومتنيل بستين نيلة


قصيده شي وبس


رووووعه ....

مشكور يالدب على النقل

[الدب الداشر]

العفووووووووووووووو التيماا2005


والروعة وجودكم ..

[متعب فهد]

شكراً على هالقصيده بس لو تعطينا نبذه عن الشاعر
وبعدين كانك بغيت تقصر من توقيعك ترى كذا أحلى والبعض حاط صورته مابقى إلا يحط كرت العائلة

[الساعي الى الخير]

صح لسانك دبدووووب والبليهي .

[الدب الداشر]

متعب فهد

والله مدري

بس اللي عنه

انه عنزي مضياني ..

مدرس ..


بعيداً عن القصيد / هو خوش رجال ..


مطوع ..


وبعد وبعد وبعد ؟؟

مدري بس بحاول أجيب لك معلومات اكثر ..

[الدب الداشر]

صح بدنك ابو طلاال



حياكم الله جميع