حامد الضبعان ... كان صرحا من خيال فهوى !!!

[رفحاوي]

....


ايام الطفولة المرحة كنت استمتع بزيارة اقاربنا بشعبة نصاب ... وكان مصدر الاستمتاع حنية اقاربنا والثاني وفرة الحمير (اعزكم الله) بها حيث تركها اهلها بعد ان عبرت بهم الحدود واخذوا توابع وسجلوا بالحرس بالحسا ...

كنت اسمع بالضبعان وانهم جيران اقاربي في تلك الهجيرة التي تطورت بعد ان اكل عليها الزمان وشرب واخذ غفوة طويلة الامد ...

اتمنى ان تكون المقدمة اعلاه مناسبة لما سأدلف به (أدلف وليس أذلف) ... طلع من ابناء الضبعان منشدا يقال له حامد ... كان جيدا وهادفا في غالب اناشيده وسقط في اخرى مثل (الخكري) ... ولكن دمحنا له تلك السقطات البسيطة لرصيده الوافر الجيد ...

لكن ما سائني مشاركاته في قناة المجد واستهباله وكأنه لم يرى مجلسا للرجال قط ...


لا يا حامد اركد وخلك رجال ...ِ

[المضيوم]

ما فيها شيء بس الظاهر انك تبي الرجال جاد على طول

اذا على الضحك والفرفشه الامر هين وسهل وبسيط

يكفي انه حلال وترى لا زال صرحا

[رفحاوي]

يا عله صرحا يالمضيوم ...

المزح مقبول بحدود ... لكن ما يهين نفسه ...


من اللي ظايمك وانا اخوك ؟!

كاننا نقدر عليه تحاشمنا ...

واذا طلع ضرنط الوجه من الوجه ابيض ...

[المضيوم]

بعض الناس ما يعجبها المزح الا اذا صار بالطريقه هذي اللي انت تعتبرها اهانه

والناس اذواق ولولا اختلاف الاذواق لبارات السلع

بالمناسبه الاسم جديد ولكن العضويه قديمه وسبق وتناقشت معاك بمواضيع كثيره يا الغالي

مره ثانيه الضبعان كويس

[رفحاوي]

دام تناقشنا وايد معناه ان لك معزة بالقلب ...

ادري ان بعض الناس اذواق تحت الصفر ... بس مو معناه ينحط حامد عشانهم ...

ليه ما يرتقي باذواقهم ؟!


الخوف ما عنده قاعدة صلبة من العلم ...


المهم ما علمتن من اللي ضايمك !!

[ليث]

فعلا احيانا اذا حولنا رجال كبار نستحي من تصرفات عيالنا بقناة المجد




عموما هم اول الشباب اللي يقفون امام الشاشه ونتمنى انهم


يخففون شوي...

[دافينشي الشمال]

شكـــــــــــــــلك تعديت حدودك يارفحاوي..........


انت رجـــــال ......

وأســــلوبك وطريقة كتابتك تـــــلدغ!!!!!!!!!!!!!!!!!!!!!!!

[الدب الداشر]

لا يتعدى عن كونه أسلوباً يمتطيه الشخص ليكون أسلوبه الذي يعرف به ..



رفحاوي أنا ما شفت الحلقة .. عسى الرجال يضحك ونكته سنعه ؟؟


وعسى تنزيل النفس ما جا الكرامة ؟؟

[رفحاوي]

ليث

يا يوقفون صح قدام الكامرة والا يقشون اثرهم ...


دفش الشمال

حياك الله بالمنتدى ...

جب القهوة يا جرواني ...


دبدووووب

لو مشاركته زينة او عالاقل ما تفشل كان ما نزلت هالمويضيع ...

ولدي كان يشوف مشاركاته برفحاء ويقول نفس الاسلوب ... قلت وشوله يجيبونه ما دامه بارد ؟!!

الزبدة ليته مخلي مشاركاته اناشيد وما ورانا وجهه ...

[مضاد حيوي]

يا رفحاوي ـ ـ ورفحاء لا تتشرف بأمثالك ـ ـ اسمع مني

تابعت مواضيعك ـ ـ قصدي خرابيطك ـ ـ وتوصلت لحقيقة

مافيه ناجح أو مشهور بالمنطقة الا وانت نافث سمومك عليه

[الجنى الداني]

اخالفك الرأي يا رفحاوي


تحياتي لمن ( كان صرحاً من جمالٍ فعلى أكثر مما كان ) حامد الضبعان

[ورق التوت]

السلام عليكم
بصراحة وعن ذلك البرنامج كشتات أقول بأنه لما ظهر حامد ازداد البرنامج جمالا واهتم الناس بالمتابعة بل أجزم أن الإجماع على أنه أفضل من ظهر بالبرنامج



وأما أنه مطفوق واستهبل زيادة فالبرنامج بطبعه خفيف وشبابي

أم تريدونهم أن يشرحوا مصطلح الحديث





حامد يكاد ينال إعجاب جميع أهلاي الشمال ولاننسى أن نحييه وشكرا

[الدب الداشر]

لو مشاركته زينة او عالاقل ما تفشل كان ما نزلت هالمويضيع ...

ولدي كان يشوف مشاركاته برفحاء ويقول نفس الاسلوب ... قلت وشوله يجيبونه ما دامه بارد ؟!!

الزبدة ليته مخلي مشاركاته اناشيد وما ورانا وجهه ...



رفحاوي .. فيك الخير ..


والأخ حامد الضبعان .. أراد إثرائه للقناة وللمجال ككل ..

ولكن إن (( وأنا أقول إن )) إن أخطأ فإنه أخذ أجر الإجتهاااد ..


ولك وافر تحياااتي ..

[مضاد حيوي]

....


ايام الطفولة المرحة كنت استمتع بزيارة اقاربنا بشعبة نصاب ... وكان مصدر الاستمتاع وفرة الحمير




التعليق : ؟؟ ؟؟؟؟؟

[دافينشي الشمال]

شـــكرا مضاد حيوي...

ولك حق الأنتقاد لكن بأدب يارفحاوي...!!!!!


حتى النقد ماتعرف وش سالفته....انت سجلت عليك غيبة اخيك المسلم المجتهد المحبوب لدى كثير من متابعي القناة...


ماضرك لو انتقدته بأدب وحب ونصحته....قل لي ماضرك......؟!!!


والله عيــــــــــــب...

[الشاهد]

رفخاوووي هذا ديدنه

محارب كل ناحج مهي غريبه عليه ياناس اتركوه



بس فكوني من الدب الداشر مايعلق

[المتيم بالشمال]

بصراحه الله يوفق كل من إجتهد وعمل وخاصة من منطقتنا الشماليه الغاليه ووالله إننا نسعد ونفرح إذا إشتهر اي شمالي

باي مجال من المجالات وهو والله فخر لنا ولهم منا كل الدعاء بان الله يوفقهم ويكفينا إذا قيل هذا الشخص

من الشماااااااااااااااااااااااااااااااااااااااا ل الغاليه

[بحار]

تريثوا قليلا أيها الإخوة .............

كل يؤخذ من قوله ويرد إلا صاحب ذاك القبر ..........


الأخ رفحاوي لو كانت نصيحتك سرًا له عبر أي وسيلة تستطيعها لو عبر أقاربك لكان أفضل ياسيدي



وشكرا لك

[رفحاوي]

مضاد حيوي - الجني - ورقة توت

اقروا الموضوع زين واعتبروا اللي كتبه غير رفحاوي وبعدين قرروا ... اذا كان قراركم جاهز فمرحبا بكم


دبدوووووب

مشكور عالدعم الفني قصدي المعنوي ...


دافنشي

بغض النظر عن نصيحتك لي ومخالفتك لهالنصيحة ... معك حق اني اخطيت بهالموضوع ...

[رفحاوي]

الشاهد

حياك الله ...


المتيم بالشمال - بحار

جزاكم الله خير ومشكورين عالمرور والكلام الحلو المفيد ...



اقول للاخوان اللي معجبهم اسلوب حامد يتمتعون به بس لا ينكرون علي وامثالي ننتقد اسلوب ناصر القصبي وامثاله اعزكم الله ...

[مضاد حيوي]

يارفحاوي...!!!!!


حتى النقد ماتعرف وش سالفته....انت سجلت عليك غيبة اخيك المسلم المجتهد ...



والله عيــــــــــــب...


كلمة عيب تنقال للشخص اللي يعرف العيب .... ماتقولها لواحد شارك خمس الاف رد كل ردوده شتم وغيبة وانتقاص لخلق الله ..... رد اخيس من الثاني...... أبك اللي يعرفه ينصحه هذا شكل لسانه هو اللي يبي يكبه على وجهه في نار جهنم ان ماتاب وتحلل من الناس قبل يفجعه هادم اللذات .... قبل يخطفه الموت

[مضاد حيوي]

....


مصدر الاستمتاع وفرة الحمير






؟؟؟؟؟؟؟؟؟؟؟؟؟

[رفحاوي]

ههههههههههههههههههاي

يا حبيبي ماكثر ملحك يالمضاد الحيوي ...

[الدب الداشر]

مضاد حيوي
Guest

الله يرحمنا برحمته ..

[نفيض]

انام ملىء جفوني عن شواردها ويسهر الخلق جراها ويختصم

[رفحاوي]

ما فهمت يا معيص ...

[رفحاوي]

شفت مشاركات حليلة لحامد الضبعان مع خويه عيد ونويت انزل موضوعه اشكره ...

لكن للاسف البارح شفته يقصد بطريقة سخيفة ...

[الجـلف]

اقوووووووووووووووووووووووووووووووووووووووول للمضد الحيوي

لاتحقرن صغيرا في مخاصمة$$$$$$$$ إن البعوضة تدمي مقلة الأسد



وشكرررررررررررررررررررررا للرفحاوي على هذا الجلوفه في الكلام

[رفحاوي]

الجلف


العفو خالي ...

[رفحاوي]

يرفع الموضوع



مع الشكر لحامد الضبعان على رسمه الابتسامة في اخبار القايلة هو وعيد ...

اذا ابدع حامد شكرناه واذا اخطأ نبهناه ...

هذا حقه علينا ...

[أبو هيا]

هههههههههههههههههههههههههههههههههههههههههه\\

ياناس والله العظيم ان هاللي اسمه رفحاوي محسودين عليه..

خفة دم خياليه ماشاءالله تبارك الله..يارب انك ترزقني بزميل مثله بالعمل..دوام 12اذا ماكان خويك مثل رفحاوي بتروح فيها...

نرجع للموضوع..المنشد هذا شهرته واسعه بس يجب عليه انه يمزح بحدود لانه ينتمي لعائله معروفه وايضا محسوب على التيار الاسلامي..

[رفحاوي]

هلاا والله وغلا بحمود

يا ولد انتفخ راسي وخايف ينشب بالباب ...

تسلم على الكلام الحلو اللي يدل على طيبك ...

زبدة الموضوع مثل ما قلت انت:




المنشد هذا شهرته واسعه بس يجب عليه انه يمزح بحدود لانه ينتمي لعائله معروفه وايضا محسوب على التيار الاسلامي..

[الرقراق الطائر]

الاخ رفحاوي
أوافقك الرأي في أن حامد الضبعان خربها بالمرة
وأنا أتفق مع الاخوان الذين يقولون مزح وطريقته ولكـــــــــــــن ياشباب مهو لهادرجة كل شي له حدود
فاللي يلاحظ الضبعان يشوف شي مهو معقول ووالله انك تستحي احيانا من نفسك

[رفحاوي]

الاخ رفحاوي
أوافقك الرأي في أن حامد الضبعان خربها بالمرة
وأنا أتفق مع الاخوان الذين يقولون مزح وطريقته ولكـــــــــــــن ياشباب مهو لهادرجة كل شي له حدود
فاللي يلاحظ الضبعان يشوف شي مهو معقول ووالله انك تستحي احيانا من نفسك

زادوا المعارضين لاسلوب حامد الضبعان ...