المساعد الشخصي الرقمي

مشاهدة النسخة كاملة : ~ الحب كلب ~



عاسف الجن
16 Sep 2002, 05:11 AM
-1

الحب مات !

من سنة واحد و تسعين ,

و دفناه إحنا الأثنين ,

بين " يقولون " ...

و "قالوا " ...

و " من ربك ما تخافين ؟" .

... الحب مات في المهد ,

بس لا تعلم أحد ,

خلهم كذا للأبد ,

متوهمين

إنهم سعيدين

و لأهدافهم مقربين .

... أهون ... و أرحم ,

من أني أشوفهم شوية مجانين .

يبنون قصور في الهوا من الهوا

و يحسبونها جنات

و الحب مات !



-2-


الحب ممنوع !

يعاقب عليه الدين

الأمم المتحده و اليونيسكو و حتى الماركسيين

-يا ويلك لو حبيت من الماركسيين !-

حتى أنا بأحط قانون ضد هالتصرف المشين

و أسميه "لائحة عقوبات التفحيط و المحبين "

حتى أنا بأتسلط على هالمسكين

و أزرع له في كل طريق و طريق ألف سكين

و أحط غرامه تكسبني ملايين

و أفتح وزارة مكافحة الحب والمخدرات و التدخين

و أنشغل بهالموضوع !

عن إن الحب ممنوع !



-3-

الحب حرام !

القتل عادي

و الربا - بالبنوك - عادي

و ضرب القصّر –أبد- عادي

لا بد فيه حكمه , لا بد فيه حكمه

آه يا دنيا يا مسرح هزلي ما فيه رساله أو هدف

آه يا دنيا يا حكم مؤبد مع وقف التنفيذ للأسف

ما أقدر

ما أقدر خلاص

أه يا عالم أسود و سادي

إسكت فراشك اللي ينادي

أو –أحسن- إحرقه و بالعرا نام

لأن الحب حرام !


-4-

الحب عيب !

هو بس بالأفلام

لمرفت , لبوسي , و حتى عادل إمام

أما أنا و أنت ! يا حرام يا حرام

محكوم على قلوبنا بالإعدام

هيه ! خل عينك لقدام !

هذي مهيب دمعة شوق لك , هذي أعلام !

تعلن إنتصار كاسح للظلام

على روحي و على حوّا و على غصن السلام

... و بكره يوم جديد

... و هم جديد

... و خطه جديده

... ما يفلها إلا الحديد

... الهدف واضح و ما هو بعيد

... و الجو مشحون بالرعد و التهديد

... بس متى نبدا بالتحديد ؟

أو بالأصح ليه نبدا من جديد .

... خلاص ما رح أهجم !

خلاص أستسلم ! أستسلم !

و الله و الله - بكل ما فيني - أستسلم !

أنهي حربي قبل ما تبدا

و من خساراتي اللي فاتت بتعلم

إني أبني , و أنت تبني بس مالنا نصيب

لأن الحب عيب !


-6-


الحب كلب !

و كل كلب له يوم ,

يصير فيه سيد القوم ,

يحكم عالمه الصغير ...

و يتصرف بالنجوم .

- **تم حذف هذا الجزء من قبل الكاتبه **-

... بقلبي غضب كبير

... ما يستحمل التأخير

مع إني مشغوله و أولوياتي كثير.

ما عاد في قلبي قلب

الحب كلب !



-7-

الحب أقدار !

ما هو أنا اللي أنتظر ,

أنا لما أنوي : أروح و أشوف و أنتصر ,

آه يا سخرية القدر !

الصياد على آخر العمر ...

أصبح طعم أعمى و أخرس ...

وقته بطيء و ما يمر .

بس على العموم

كل كلب له يوم

و الجوع له يوم

و الهم له يوم

ياخذ من نفسه الثار

يزيد أو يقلل المقدار

و يتخيل إنه يختار

و الحب أقدار !


-8-


الحب سخافات

"اللي يده بالماي غير اللي يده بالنار"

خلاص إنطفى نور هالدار

و اللحين لازم أختار

ماي عكر أو عتمة مشوار

أبيع روحي "لشيطان فوستس" و أحيا بإنتظار

يجي يحصل ديونه و ما يقبل أعذار

لا زم أختار !

كذا أو كذا

مافي شي أصلا باقي بإستمرار

لازم أختار !

يا سلام يا سلام

على هالعام

و كل عام

ما أنام ما أنام

تزعجني الأحلام

بذيك الأيام

و لو و إذا و مادام

لازم أختار !

يا سلام يا سلام

أشتهي الإستسلام

... ما أقدر ...

... أمشي ...

... خطوه ...

... وحده ...

... لقدام ...

هدني الجوع و الظلام

لازم أختار !

يا سلام يا سلام

غشني وقتي بأوهام و أوهام

إنعكاسات و ضباب و خدع أفلام

يا سلام يا سلام

... ما بقى

... فيني

... غير

... لحظات

و لازم أختار !

و أوصل لقرار


أقضيها بأمنيه ما جات

أو أقول الحب سخافات !




-10-


الحب كذبه



و آه ... آه ياليتني كذاب ,

ينفتح لي للجنه ألف باب و باب ,

و بعد التعب , أمسك بيدي السراب

أدفا بنور من لمعة تراب

و الباقي كله , كله.... يخفيه الضباب

و أشوف الكون أحلى بدون أسباب

... تدني لي قطوفك و تلمس يديني

... بلا تعب مني تجيني

... بعد الجوع , تكفيني و توفيني

آه يا جنة الله بأرضه- يا حب هادي

نادي

نادي

نادي

بس أشر و نادي

يرد حبي السادي

إخرس لساني – حب –

و إطلق هذي الأيادي

هي صوتي هي قلبي هي بحبنا البادي

آه لو يوم يطاوعني هالكون

يوم واحد بس , من سنين و قرون

يوم واحد أنوم بين يديني النجوم

و أطرح وردي على سما و غيوم

و أنام

أنام

أنام ... و حبك على جبيني مرسوم

ليله أحبك ... ليله منها ما أقوم

ليله أحول حبك من سلطان لمظلوم

ليله أرقصها فرح ما بعده لوم

ليله , ليله , ليله بألف يوم و يوم

ليله كلن يشهر سيوفه على حبه

و يترك عنه الناس كلن بحربه

آه يا قلوبنا ... كل هذي اللعبه

و الحب كذبه






م ن ق و ل . . . .

الدب الداشر
16 Sep 2002, 10:57 AM
مشكووووور أخوي عافس مدري عاسف الجن

تسلم يدّينك ((لاحظو اليدين الشده رايقه:^ ))

اللع يعطيك العافيه ,,,,

عاسف الجن
17 Sep 2002, 02:01 AM
والله انت الرايق

واشكرك على الدفاع المدني آآآآسف المرور :D <<== واحد ينكت:)

تحياتي لك

اخوك

عاسف الجن

الحلوه أم قصه
17 Sep 2002, 02:19 AM
مشكور عاسف على هذا الاختيار

الله يعطيك العافيه كلمات جميله تسلم عليها


الحب أقدار !

ما هو أنا اللي أنتظر ,

أنا لما أنوي : أروح و أشوف و أنتصر ,

آه يا سخرية القدر !

الصياد على آخر العمر ...

أصبح طعم أعمى و أخرس ...

وقته بطيء و ما يمر .

بس على العموم

كل كلب له يوم

و الجوع له يوم

و الهم له يوم

ياخذ من نفسه الثار

يزيد أو يقلل المقدار

و يتخيل إنه يختار

و الحب أقدار !

كلمات جميله مشكوووور :) :) :)

المرجوجه
17 Sep 2002, 02:22 AM
الحب مات... ممنوع... حرام... عيب.........

يعطيك العافيه اخوي عاسف الجن...:)

عاسف الجن
17 Sep 2002, 03:07 AM
الحلووووووه ام قصه

اللي اجمل من هو توقيعك عسى الله يخليك ذخر لهالمنتدى

تحياتي لك

====================

المرجوجه

الله يعافيك ويخليك

اشكرك على المرور

تحياتي لك

اخوووووووووووووووك

عاسف الجن