محاوره...... من يقول انا لها

[عسا111ف التومي]

بسم الله الرحمن الرحيم

اخواني اعضاء منتدى رفحا
بصراحه شدني اسم رفحا فقررت ان اكون بينكم

وبما اني من محبي الشعر لمست ان المنتدى يزخر بالشعراء
فاردت ان تكون بدايتي معكم بتحدي "تحدي الذات قبل ان يكون تحدي الشعر"

فها انا هنا في ساحة شعرائكم اقف منتظرا احد شعراء المنتدى ليبدأ نزال الاحبه


الموضوع ومافيه هو رديه او محاوره سموها كما تشاؤون

فانا ساكتب ثلاثة ابيات وانتظر من احد شعرء المنتدى ليرد على ابياتي بثلاث ابيات لتبدأ بها المحاوره


الموضوع يبي شوية جرأه ...وعلى فكره المواضيع اللي مثل هذا تبين مدى شاعرية الشخص وتبين ايضا شعراء القص واللزق


عموما

الابيات هي


سلام الله يا"ندي" سلامٍ جاك كاش بكاش
سلامٍ جاك من ندٍ سلاماته يكيشها

سلامي الشعر يالشاعر سلامٍ مانقله اللاش
سلامٍ لو ظهر عندك على الشاشه يشوشها

وانا شاعر ولي مبدأ..وجن الشعر فيني عاش
وابي لي شاعرٍ يظهر وراسه لايخششها


وبانتظار من له المقدره على الرد

[رايح بس راجع]

يالله حيه وحي ما جاب , وهاذا حنا معك بنتظار من يحاورك يالبناخي.

[عسا111ف التومي]

الله يبقيك ياراجع عقب روحه

ودام اني بناخيك خلك قايد صفوفي ياااخال
..

هلابك وغلا
وشاكر مرورك


وبانتظار القادم

[كورن فليكس]

هــلا بالي يتـحدانـا وشايل في يـده رشاش
وشـوفـه نـاويـأ يـرمي وطـلـقاتـه يـطـيشها
قبل لاتفلت اعصابك شف ياخوك انا بنحاش
وشف لك واحــدأغيري انـا مـاني بنايـشها
اخاف انك على تزعل واصير بغرفه الانعاش
وعشان اسـلم انـا بـراسـي ابـيـاتـك بطنشها


وسلامتك



كـــــــورن فـــلــيــــكــــس
((غير موجود بالخدمه مؤقتأ))

[عسا111ف التومي]

هههههههههههههههههههههههههههههههههههههههههههههههههه هههااااي
الله يقطع ابليسك يامستر كورن فليكس


قسم بالله ضحكتني الين مااوجعتن بطني
"الله يضحك سنك"


بس والله من جد ياخوي تراك منت بسيط وابياتك تخووووف

بس ليه تنحااااش

انا ماصدقت على الله القى احد احارشه وانت تنحااااش
ياحيفك والله

عموما صح لسانك
وتسلم على مرورك اللي مثل دمك



بانتظار القادم

[ليث]

يالله حيوووووو


لاهنت اخوي صح لسااااااانك

[الدب الداشر]

.. قررت أن أتقدم ..



.

.

.


هلا عساف يومنك لفيت وخاطرك مهتاش
تبيلك شاعرٍ يآقف على الكلمة ويخرشها

:

تعال أبشر بقيفاني ولا أشري شعرنا بخشاش
إلى مني خنقت القاف أبد ما شي ينعشها

:

تعال بخاطرٍ طيب ولا يلزم معاك كلاش
عشان الأم ما تدمع على ورعٍ يرايشها


(( عندك يا صغيري ))

.

.

.

[عسا111ف التومي]

مرحبا ليث

نورت

............

هلاااااااااااااااااااااااا ومرحبااااااااااااااااااااااا بالدب الداااااشر


هلا والله بالكبيرر

صح لسانك
ورد وااااافي يالذيب


وخلووووووووووووها


فؤاد يشعلل الشاشه "بقالب" طاشه وماطاش
واشوف الدب يشبهله الامن قام يلطشها

يردد ياولد "شوهاظ" أكم من رد "مابدهاش"
ولكن جاه من قصص جناحٍ كان نافشها

غرير ودبٍ وداشر ... وطبعه لوتي وبكااش
ولكن له عصاً عندي ... لمثله كنت خاششها


طبعا اخوي وحبيب قلبي الدب الداشر الدعوى سهالات ومزوح وتروح
والزعل ممنوع والعتب مرفووع

بانتظار ردك

يااااااااااااااااااااا.............كبير

[الدب الداشر]

.. أرحب .. وأكتب وصيتك ..



.

.

.

ولك عساف لا ترفع سلاح بوجه أبومنقاش
ترى والله لو كبتر أبومنقاش ينقشها

.

ولك عساف لا تسلا وأبيت بك طريح فراش
ترى ياكم من قبلك سلت والدب يفرشها

.

نصحتك لا تخليني أمسي بك على الأنعاش
ترى لو جبت "نباطه " كفت صيدة خفافشها



(( عندك يا وليدي ))

[عسا111ف التومي]

ههههههههههههههههههههههههههههه

ماشاء الله عليك يااااااااااااااااااادب

استلم

غريب الوضع لاهشاش يالدجه ولانشاش
ماغير تهز في راسك..عويناتك اتطمشها

ترزز وانت لارزه ولا انت بشخص رابط جاش
ولك وش بيك يايابا "تصاخيمك تلو لشها"

تحزب روح ياحويشي قبل لايزعل البطاش
وجبرات الزوامل هيش..بالك لاتغابشها


واسلم يااااااااااااااا.......دب

[الدب الداشر]

.. راجع البيت الأخير والشطر الذي قبله من الرد السابق :note: ..

.

.

.



تضحكني وانا غاضب وصلنا يا سماه طشاش
ولا تبلل طرف ثوبي ولا جزلٍ مطرشها

:

تجيك السحب يا عاطش ولا يبقي وراي عطاش
تعال أقرى جزيل القاف وأنا ظنيت تقلشها

:

يبيك واحدٍ يشرح والآخر يرسل المطراش
وأنت أدفع ولا تنفع وعيش أحلامها عشها



.

.

.

[عسا111ف التومي]

ههههههههههههههههههههههههههههههههههههههه
ههههههههههههههههههههههههههه
يعطيك العافيه

بس
اي بيت تتكلم عنه ياصاحبي
اتمنى انك توضح
لاني ماني فاهم شي


عموما

سيبووووووووووووهااااااااااااااااااااا



صغير وخارشٍ عمره.. ويحسب حاله الخراش
وانا والله ماودي بغلطاته انبشها

ترى ذي ساحة الشعار مابه توفي وفشفاش
مادام انك شويعرهرج..خلك عند هامشها

يابابا روح يابابا ترى كلك فبعضك ماش
قشور الهرج ماتنفع ولو مثلك يزركشها

[الدب الداشر]

.

.

.


صغير وعمري صغيّر ولا عزك عمر أو ناش
دروب الملعبة والا سلوم القوم نايشها

:

حبيبي تسمع بعلم العقيد وصفقة المهباش
حبيبي جيت تتحدى وبأبياتك تهبّشها

:

تعلم رقصة السـَـمَبا وخل الشعر يا منادش
أو أعرف رقصة الدسكوا أو الرمبا ودايشها



:

.

/

[الراشد]

أقول وش رايكم الكل يعض ثوبه وينحاش
قبل ما أضرب البقس وسنونكم أهمشها

[عسا111ف التومي]

هههههههههههههههههههههههههههههههههههههههههههههه

وش العلم يالراشد

شكلك ناوي شر

بس تراني ماسويت شي

...
تسلم ياغالي على مرورك

.........................

خلووووووووووووووووووووووووووووووهاا


اشوفك ضعت بالطوشه..وانا كنت احسبك طواش
تناقز نقزت البطه... وتخرش من مخارشها

احسبك اسطه وعمده .. واحسبك يالغشيييم باش
اثاري فروتك تقلب.. وذرعانك تكشكشها

يابابا قلتلك ابعد.. قبل لاتهوش ماتلقاش
وطوبة ميت الساحه عسى ربي يبشبشها


.........................................
انا بالنسبه لي هذا ختامي
لاني رايح انقطع عن النت لفتره ليست بالقصيره

بانتظار ختااامك يااااااااااااا دب


عموما
بالنسبه لي قضيت وقت ممتع ومشوق مع اخوي الدب الداشر
كانت محاوره جميله وشرسه شيئا ما لكن بالنهايه هي لاتتعدى حدود الادب وحدود الاعراف

اشكرك اخوي الدب الداشر على وقت وعلى ردودك الجميله
واتمنى انك ماتاخذ بخاطرك شي
لانها بالنهايه هي مزوح ووناسه ودعابات اخويه

تقبل تحياتي
والى الملتقى
ياااااااااااااااااااااااااا دب

[عروووبة]

أخي عسا111ف كنا مستمتعين بالرديه اللتى بينكم .........
ولكن اتمنى لك التوفيق ..........

[أبو يوسف]

متحمس وده يتحاور معكم لكــــــــــن الوضع ما يساعد..........

قاعد أعصر مخي ادور لي بيتين لكـــــــــــن ما طلع شي هههههههههههههه

مشكووورين على المحاورة الحلوة .

[الدب الداشر]

تضحكني وانا غاضب وصلنا يا سماه طشاش
ولا تبلل طرف ثوبي ولا جزلٍ مطرشها

:

تجيك السحب يا عاطش ولا يبقي وراي عطاش
تعال أقرى جزيل القاف وأنا ظنيت تقلشها

:

يبيك واحدٍ يشرح والآخر يرسل المطراش
وأنت أدفع ولا تنفع وعيش أحلامها عشها

.



صح لساانك حجي عسا11ف ..

وهذي تمشي بتعهد بس بعدين ما أحد يفكك :) ...

[مصنف]

يعطيكم العافية وودنا لو تجمع مع بعض

[الدب الداشر]

الأمر لله ثم للإدارة