في سوق ياسين العلاوي لقيته!!

[الدمار الشامل]

في سوق ياسين العلاوي لقيته = ياليتني ماجيت سوق العلاوي
أرسل سهام الموت والروح ميته = نظرة تصيب القلب ونظرة تداوي
ليته يصد عني.. ياليته..ياليته = ماعاد فيني للشقاء والبلاوي
قالت: وهذا اللي ياحظي شريته؟! = بخيل؟ ولامخلفين الهقاوي؟!
قلت: هذا شي وباقي اشياء نسيته! = الله يخلف عليك ياقلب ذاوي
قالت: وش اللي فاقدة ولالقيته = قلت: أرجي خلن شرط يرحم..وياوي
قالت: عليك لسان معروف صيته = قلت الشعر سلاح قلبن شقاوي
دقوا عليه اخوانه..فز..ونخيته = قلت الوصل وانا لعينك فداوي
صد..وتعثر..ثم نهض..يافديته = وروّح به السواق وعينه تراوي
اسمه ماأعرفه..والرقم ماخذيته = لحظة هوى!..وانا التعيس الهواوي
ليت اللثام الموت ماخلا بيته = أو ليتني ماجيت سوق العلاوي





الدمـــــــــــــ الشـــــــــــ5/4/1427ـــــــــــــــــــــــــــامل ـــــــــــــــــــار

[القروي]

هذا الدمــار الشــامل الي لقيتــه = لاعاد تأتي يم سوق البلاوي
يقول ليته صد ياليــت لــيــتـــــــه = الموت عنده والحيــاة متساوي
استغفر المعبود يومً بليــــتــــــه = لاعاد هكالمسفار يم العلاوي
ذكرتني عصر مضى قد طويته = واسلم وسامح يابعيد الهقاوي

[ابو مشعل]

صح السانك الدمر الشامل قصيدة رااااااااااااائعة
زد من ابداعك

[أبو الطيب]

صح لسانك وإلى الإمام

هناك بعض الملاحظات في الوزن عليك

ولكن مع كثرة الكتابة ....

وكثرة القراءة للشعر

ستزول تحياتي لك سيدي

[الدمار الشامل]

ابو مشعل ..
شكرا لك..
ولمرورك الابيض..

[الدمار الشامل]

أبو الطيب..
اعتبر من ينتقدني صاحب معروف..
ليتك تخبرني عن ملاحظاتك..




ماننحرم..

[منصور الشلاقي]

صح لسانك الدمار الشامل ..
عز الله قصيدة رائعة ..
ويعطيك العافية .

[واحد^مؤدب]

انا اقول كان ماهو شميم الباكستاني .. الأبيات واردة عليه ...؟

[أبو الطيب]

قلت: هـذا شـي وباقـي اشيـاء نسيتـه !الله يـخـلــف عـلـيــك يـاقــلــب ذاويدقـــوا عـلـيـه اخوانه..فز..ونـخـيـتـه قـلـت الـوصـل وانــا لعيـنـك فــداوي
لـيـت اللـثـام الـمــوت مـاخــلا بـيـتـهأ و ليتـنـي ماجـيـت ســوق الـعــلاوي

[أبو الطيب]

قلت: هـذا شـي وباقـي اشيـاء نسيتـه !الله يـخـلــف عـلـيــك يـاقــلــب ذاوي
دقـــوا عـلـيـه اخوانه..فز..ونـخـيـتـه قـلـت الـوصـل وانــا لعيـنـك فــداوي
ـيـت اللـثـام الـمــوت مـاخــلا بـيـتـهأ و ليتـنـي ماجـيـت ســوق الـعــلاوي

الأبيات السابقة فيها كسر وليست على وزن القصيدة

تحياتي لك واعتذر لك إذا كنت ضايقتك بكلامي

بس الهدف والله أننا نستفيد من بعضنا بها المنتدى خاصة بعض الشعراء ألي مبتدئين بالشعر من واجبنا أننا

نوجههم للأفضل والشكر للجميع

[شمـــاليه]

.. الدمار الشامل ..

صح لسانك وكما قال احد الاخوان عليك بعض الملاحظات بالوزن
البيتين الولى وزنها كويس بس الباقي مو موزونه على المسحوب



فــي ســوق ياسـيـن الـعـلاوي لقيـتـه = ياليتـنـي مـاجـيـت ســـوق الـعــلاوي
أرسـل سهـام المـوت والـروح ميـتـه = نظـرة تصيـب القلـب ونظـرة تــداوي

بس كلمة نظرة << تكسر ولو تكتب نظره بالهاء يزبط اللحن
الباقي تحتاج للوزن كما ذكرت

ولكن بدايه موفقه وجميله وحاول تستمر وانشاءالله تتحسن كتابتك
يعطيك العافيه

[منجاوي]

صح لسانك يا الدمار الشامل

[ليث]

رهيب دمار الشاااامل




صح لساااااااانك ولاهنت

[البشتوني]

أخاف انك انت الي مدمر العراق؟؟؟

يقولون دمار شامل ومالقوا غير ؟؟؟

على ألأقل اسمك يخوف الأمريكان...........

تعجبني والله ياالدمار الشامل..........

[الباز2222]

الاخوه المشرفين ... شكرا للاخ محاولته ولكن لو تحولونها الى قسم اخر يكون افضل .
فحسب علمي ان القسم هذا للشعر والادب . وليس للسوالف .
شكرا لك الدمار الشامل .

[الدمار الشامل]

أشكر لللجميع مداخلاتهم اللطيفة..


أبو الطيب..أين الابيات الموزونة؟؟!!

أرجو التعديل للفائدة..
(دقوا عليه..)<< واضح الخلل..ولكني تجاوزته متعمدا..
أرجو مادمت تأخذ بيد المواهب..
أن تذكر البيت المكسور ووزنه..


أما الاخت اللي تقول( نظرة) المفروض بالهاء..نعم هكذا انتشرت بالبلوتوث ..بالهاء..
في الكتابة ظهرت بالتاء المربوطة..!





ماننحرم...

[الدمار الشامل]

طبعا (دقوا عليه اخوانه..وفز ونخيته)..الصيغه للمذكر..أي ذاك الغزال..

[Al97eed]

صح لسانك الدمار الشامل
ويعطيك العافيه على هذي القصيدة

[الوتر الحساس]

انت وش مقردك يوم انك تروح للعلاوي

السهم بغى يفضخ عينك >> يامل العافية <<

[الدب الداشر]

صح لساانك حجي دمار شاامل ..

<<<<<<<<< يبي ينكبك بيذكرك بأيام العزوبية يا متأهل ..