الجرح ينزف والخطاوي سفينه

[مركد الجن]

جارت مشاوير التعب واردف الليل=الجرح ينزف والخطاوي سفينه
يفوح صدري بالقهر فوحة الهيل=مع هجعة العربان تسمع ونينه
ترمح بصدري يازمن ضمر الخيل=اقول طيب? لكن الحال طينه
جريت يا حدب الضلوع المواويل=ردي على صوت الصدى ياحزينه
مات الامل في وجه سود المقابيل=مافيك رحمه يالطعون الدفينه
ماللصبر قدره على جاير الويل=لا خانته حمر الدموع اللعينه
وش عاد با قي يا زمان الغرابيل=بنيت لي باقصى الضماير مدينه
الله حسيبي يالقلوب المغاليل=ياهل الحسد يا مالكين الضغينه
ا ن ماكبرت بعين روس الرجاجيل=موتي ولا قولت رضى بالغبينه

[الذروي]

صــــــــح لسانك


اخوووي مركد الجن...

[السلطه الخامسه]

صح لسانك

مركد الجن

ونطمع بالمزيد من الابداع

[أبو الطيب]

ا ن ماكبرت بعين روس الرجاجيل
موتي ولا قولت رضـى بالغبينـه

صح لسانك سيدي مركد الجن

لا تحرمنا من إبداعاتك وجديدك

[شمـــاليه]

ا ن ماكبرت بعين روس الرجاجيل = موتي ولا قولت رضـى بالغبينـه


بيت عن الف قصيده
صح لسانك اخوي ودامت جزالتك
تحياتي

[الجبل الأخضر]

مركد الجن
صح لسانك

[الدب الداشر]

صح لسانك حجي مركد الجن ..

قصيدة ولا أحلا ..