شمر ليا قلت الحيلة...

[زين تصفيح]

أعضاء المنتدى الكرام

تحي طيبة

قصيدة ملطلعها يقول :


يافاطري وان جفاك منيف .. تردين عذفا على ليلة

وجهك على مكرمين الضيف .. شمر ليا قلت الحيلة


بحثت عن مناسبة وتتمة القصيدة فلم أجدها

وأعتقد انها موجوده في صدور الرواة وخصوصا من عاش بالقرب من (عذفا) يعني حول الجوف


ودمتم ,,,

[zezfon]

يابكرتي ون جفاك منيف======تردين عذفا على اليله
وجهك على مكرمين الضيف====شمر ليا قلة الحيله
عند الجبيلي يطيب الكيف===ونتي تريحين ياشعيله
عدك على بركتنً بالصيف===من مزنة زايدن سيله
لو ندي ابا الصلب ما يخيف=====من دونه كف(ن) وترزيله
مار البلا اللي وراه يخيف====كل المخاليق تقنيله
يقطع رقبة الرجل بالسيف====وعقبان شمر تراعيله



عذراً اخي القصيده بالغة العاميه

[شدقم]

ومنيف ( هو أحد خدام الشنيفي حاكم حائل في وقته )

وقيلت عندما طرد صاحب الذلول عن الماء

وسلامتكم

[زين تصفيح]

زيزفون

شكرا لك ع المرور وكمالة القصيدة

واكيد القصيد باللهجه العامية..


شدقم

يعطيك العافية على ذكر المناسبه


واكرر الشكر للجميع...

[نجم]

السالفه حدثت ابان حكم الملك عبد العزيز
وكانت بداية حكم الملك غير مالوفه لاهل الباديه
لانوه منع المغازي
وطبق الشرع على القاتل والغازي يعتبر سارق
فصارت من حض "الطقوع"
يعني اللاش غدى شيخ ماتقدر تقولوه شي
ان لمستوه طبق عليك الشرع سواء حد قتل او سرقه

كان فيه واحد عتيبي جاي من نجد لديار الشمال لحاله على ذلوله

المهم وهو يطب على "الدويد" وهذي هجره بالشمال عند رفحاء
وكانوا نازلين عليه الصلبه ولهم شيخ يقال له "منيف"
المهم ان عتيبي تعبان من الطريق وبكرتوه له مده ماشربت

يوم اقبل على منيف وهو يطردوه منيف>>>> "وهذ اللي انا اقصدوه بمقدمتي"
لاهو اللي اكرموه ولا خلى بكرتوه ترد مع النياق
زعل العتيبي ومشى

وهو يطب على "عذفا" وهذي ديرة عند سكاكا واهله هم الشمروخ

يامار هذا نزل الشمروخ من الزميل من سنجاره من شمر
وشيخهم "الجبيلي"
وهم يكرمونوه ويقدرونوه
ويقدمون بكرتوه على النياق ويخلونه ترد
لانه بالسابق تقديم البل عند الورد يعتبر جماله من قلّ الماء والرزق

المهم ان العتيبي يوم مشى قال هالهجينيه وهي على فكره
من الهجينيات المشهورات بالشمال وعند شمر خاصه
يقول


يابكرتي وان جفاك "منيف"=تردين عذفا على ليله
وجهك على مكرمين الضيف=شمر اليا قلّت الحيله
عند "الجبيلي" يطيب الكيف=وانتي تريحين ياشعيله
عدك على بركة(ن) بالصيف=من مزنة(ن) زايد(ن) سيله
لو ندي شيخ الصلب مايخيف=وراه سطه وترزيله
مار البلا اللي حكم بالسيف=عقبان نجد تراعيله

وهذا اللي اقصدوه بالبيتين الاخيره

يقول لو قصدي منيف اسطوه وارزلوه
مار البلا الملك عبد العزيز


.
.

ويحكى ان القصيده للشاعر حماد المظيبري

[الرخيص خوالي]

القصيده للشاعر حماد عتيق الرخيص
والمظيبري لقب له وليس اسم او فخذ
ودمتم بخير

[الدب الداشر]

لا أعلم شيء ...

وكل الشكر للأخ الملقع نجم ..