خوفوا ربكم ياهل رفحاء واستحو من انفسكم والناس

[ابو اماني]

ياحول الله معقوله حنا يالبدو ياهل العادات والتقاليد نصير كذا

يحكى ان ليلة من الليالي يوجد زواج في احد قصور الاحتفالات برفحاء وكانت كثير من النساء عاريات كاسيات مائلات مميلات تظهر صدورهن ومؤخراتهن بكل قلة حياء نصف البطن السفلي بارز كما هي المسلسلات المكسيكيه ، عرض فاضح جارح للتقاليد الاسلامية دون خوف من الله ودون خوف من الازواج ودون خوف من الامهات .

اين ذهب الحياء اين ذهبت الغيره اين ذهب الاحتشام ؟؟

هل لدينا دور لعرض الازياء مكتوب عليها قصور للأفراح ؟؟

هل يحاسب صاحب قصر الافراح من الناحية الشرعية ؟ بمعنى اوضح هل عليه شيء من الناحية الدينية ؟؟

هل تسمح لزوجتك او اختك ان تذهب بتلك الالبسه ؟؟

هل لبسها امام النساء بهذه الفضاحة والفضاعة بسبب فتوى ( نص كم ) ؟؟

هل تشاهد ملابس زوجتك قبل ان تذهب للزفاف ؟؟


اخيرا يؤسفني كثيرا ان الزواج الذي سبب كتابة هذا الموضوع يحتوي على :

( تربويات ) يدرن مدارس وفي الحفله طالباتهن
( زوجات تربويين تخصصاتهم دينيه وشرعيه ) هل هذا نوع من ( وطية الخشم ) ؟؟

ارجو ان تناقشوا الموضوع بهدوء وارجو ان لايحذف الموضوع ، وادعو ربنا ان لايؤاخذنا بمافعل السفهاء منا
وارجو ان لانسمع يوما ( وقوع قصر افراح على نساء كاسيات عاريات )

[فارس العبدالله]

بسم الله
السلام عليكم اشكر اخي ابو اماني على طرح هذا الموضوع لانه بكل امانه يحتاج هذا الموضوع للتحدث عنه لاكن المشكله اي ذهبت عاداتنا وتقاليدنا (انا لا انسى الدين)لا كن اهل هذه البلد معروفون بتمسكهم بالعادات والتقاليدونحن ولله الحمد في مجتمع محافظ لله الحمد لاكن هذا من تقليد المجتمعات الاخرى.والمشكله ان بناتنتنا يشوفن زواجات الرياض يبن يسون زيهن
ارجو من الله انا يعفو عنهن ويصحي رجالهن من غفوتهم

[الجبل الأخضر]

لو كل واحد طق له اربع كان ماصار اللي صار
كان كل وحده تركد وتقضب بيتها
لأن الخامسه تدور له نمره
اذا تربويات وهالون وشلون لوهن طقاقات .

[صداع المنتدى]

الشرهة ماهي عليهن الشرهة على هالثور اللي مسوي أنه عنترة ويغزز روحه بين هالناس ,, ولا وين راحت الرجولة والقوامة

لالالالالالا تقولون أن القوامة الحين صارت بيد المرأة (( وليييييييييييييييييييييييييي)) كل شيء جايز

[الذروي]

إن لله وإن إليه راجعون

حسبنى الله ونعم الوكيل على من كان في سبب ذلك العمل الشنيع ...

[رفحاء 27]

والله إنك صادق أبو أماني

ولكن إذا صارن هن إلي ماسكات أمر البيت ،، وش أسوات ؟؟؟

شف الملابس البلاوي بأسواق العلاوي وكل محلات الحريم ،، بالله الملابس هذي يلبسنه الحريم العاقلات ؟؟

وأكيد لو ما للملابس هذي زباين كان ما جابوهن ..

أقول يا بوأماني الشق أكبر من الرقعة ،، والله يستر من الجاي .

[ابو اماني]

الشق اكبر من الرقعه ، فضيحه وين القوامه وين الرجوله وينكم ياخوان خوفوا ربكم بكرا يجينا ماجاء الكويت !!

كل هالخراب جانا من الكويت تخبرون حنا بدو ماعندنا هالسوالف عندنا رجال وحريم ونتبع قول الله تعالى الرجال قوامون على النساء

ياعيب العيب !!! مادام انه تسدد عنه بعض الاقصاد وتعطيه بطاقته حقت الصراف اذن ( تاطا على خشمه وطي )
وتلبس اللي تبي ( من وراء خشمه ) وتخليه ( يمشي وراه بالسوق لا ويشيل الوغد بعد والله يعزكم .......)

وين الرجوله استحوا والله الحريم بعد كل عرس يجلسن مع رجالهن ويقلن ( مرة فلان لابسه كذا ) ومرة ( الاستاذ فلان مطلعة 00000) مع العلم هالاستاذ ( ماينزل على خشمه الذباب مطلع عيون الطلاب !!!) بس ( المره واطيته وطي )

انا ماقول خذ ( قناتك ولزخه ليل ونهار ) لا وكلا وحاشا بس اقول ( استر مرتك الله يستر عليك )

وش حلاته وهي ( مستوره ) وياشينه وهي ( مصلوخه )

(وربي ) يالعجز اللي بالقصر ميتات من القهر لا وبعضهن ( تغشا ) يوم تشوف وحده ( عاريه )

ياعيب العيب يوم ( مرتك او اختك ) تروح ( لليمني ) وتقول عطني ( عاري )

يااخوان تكفون الحل بيديكم والله لو تقول للمره خوفي الله وتهدده باللي يزعله وتهدده بالله وبالعذاب وبالحساب وبالآخره والله ( انه تعض القاع ) واذا مانفع ( لمح له انك معك كرت آخر يمكن تجربه بأي لحظه )

استح يامن ( تستعرض ) بجسد ( زوجتك ) أمام النساء ( يقولون قدام الحريم عادي ) من يقولك ومن ( يضمن لك ) انه ( الحضور كله نسائي ) ومن ( يضمن لك انه بكرا ( زوجتك ببلوتوث ) وش تنفعك به بطاقة الصراف

تكفون ياخوان الحريم ناقصات عقل ودين ( هجدوهن ) ( اهجروهن ) ( تروهن مايصبرن !!! )
تكفون وترى ( تكفون تهز الرجاجيل )

احتراماتي للنساء المحتشمات واللعنة على العاريات !!!!!!!!!!

[جرواني]

هل تشاهد ملابس زوجتك قبل ان تذهب للزفاف ؟؟

الباب اللي يجي منه ريح سده و .....

[ابو اماني]

اكيد عزوبي جرواني الله يجوزك ان شاء الله

[الباحث عن الحق]

أظنك أرفع - أخي - من سالفة ( يُحكى أنّ ... ) !

[جرواني]

اكيد عزوبي جرواني الله يجوزك ان شاء الله
I- شخبارك

[ولـــد رفـــحاى]

السلام عليكم ورحمة الله وبركاته


أبو أماني



كيف الحال


ترأ أنا بالحيل صدقتك


حريم يلبسن كذا



لا وبعد برفحاء



هههههههههههههههههههههههههههههه




أبو أماني شي ماشفته بعينك لا تحكيه



وإذا أنت شايفه



عطني الدليل




والرجاء من الأخوه الأعضاء



لايصدقون كل كلام يجي في المنتدى






واذا كان الكلام صحيح أروني الدليل




فو الله لو كان صحيحآ



لفجرت في قصور الأفراح كلها



وسوف ترون




فأتوا لي بالدليل




تحياتي

[ابوعهـــد]

عزيزي ......... ولد رفحــــــاوي

انت يوم تكتب مافكــــرت وانت تكــــتب وشلون الرجال تبيه يجيبلك الدليل وافرض لو فيه دليل هل من المعقول

ينزله في المنتدى سالفه مثل كذا ليس لها دليل نصي يااخي العزيز

حنا سمعنا الكثير عن السوالف مثل النوعيه واذا تبي الدليل لاتقولي إسأل أهلك هم أدرى مما يرونه بهذه القصور

ولاتبي ابو اماني يلبس عباه ويدخل ويصورلك نص سالفه هذه

تبي الدليل ............. إسأل من له صله بالموضوع ويقدر يفيدك

وإذا تبي دليل عقلي شف الاسواق وش فيها من ملابس عاريه وانت تحكم بعقلك هذه الملابس لها زبائن ام لا

وإذا مالها زبائن لماذا كل صيفيه تأتي هذه الملابس بأشكال وأنواع

هذه دليل قطعي لوجود ماقاله ابو أماني

ومن ناحيه التفجير اللي تبي تفجر فجر المحلات التي تصوغ لك هذا المنكر وتنشره بين أفراد مدينتنا الغاليه


* المعذره على الاسلوب ............ واعلم ان الاختلاف في الرأي لايفسد للود قضيه

[ولـــد رفـــحاى]

والله ماتنصدق



تقولون الملابس بالمحلات


لي كم شهر وأنا اشوفهن عارضينهم بس ما حد يشريهن


وش فيكم أنتم مجنن


لو أنتم قايلين بالرياض أو بجده


معقوله



تحياتي





المعذره اذا أخطأت

[ابوعهـــد]

عزيزي .......... ولـــد رفحاوي


وشرايك ........ عطني وش الدليل اللي تبي ابو أماني يجيبه

مثل إيش وش اللي يعجبك

[ولـــد رفـــحاى]

أبو عهد



كيف الحال



أول شي : أبي دليل واضح مو أسأل أهلك وشف الملابس الي بالأسواق وقصور الأفراح


طيب أبو أماني يقول أنهن يضهرن مؤخرتهن وما فوق السر


هل هو الشاهد في ذالك

أم ماذا




وثاني شي : ماودك تنام

[ابو اماني]

ولد رفحاي

انت يابعدي ماتشوف ملابس سوق العلاوي ماتشوف المحلات بدلت الهنود باليمانيه

لا اقول انشد اقرب الناس عن لبس بعض حاضرات القصور

[نديم الشاشه]

(وربي ) يالعجز اللي بالقصر ميتات من القهر لا وبعضهن ( تغشا ) يوم تشوف وحده ( عاريه )


اقول الضاهر حنا بلانا هالعجز ...... حتى العجز صارن يتفاخرن بلبس بناتهن العاري

اقول : الطـــــــــاسة ضــــــــــــــــايعة

[البشتوني]

هذا هو الواقع نساءونا متبرجات وعاريات في القصور وفي المناسبات 00000


أين الخوف من الله 000


في زمن انتشرت فيه الفتن وكثرت المحن0000 والنساء يعلمون جيدآ أن لهم اخوانا لايستطيعون أن يستروا عوراتهم00



وهم في كل مناسبة لابد أن يكون هذا الفستان غير الفستان الذي لبسته في المناسبه الماضيه0000



وليس فستان فقط ولكنه عاري ويظهر الخصر والبطن 000أين الحياء والحشمه000



وهذا مايريده أعداء الأسلام ويشجعونه في بلادنا عبر وسائل الأعلام الفاسده المخله بالأدب الأسلامي00000



والذي يقول هذا غير معقول في مجتمعاتنا اسأل أحد أخواتك عند ذهابك الى أحد المناسبات كيف حال النساء000



سوف تسمع كلامآ لو سمعه الجبال لتهدم وتكسر0000000

[zezfon]

كتبنا قبل الصيف موضوع نحذر من شي يجلب اشياء وخيمه على هذا الرابط

http://www.rafha.com/vb/showthread.php?t=14282&highlight=%C7%E1%D5%ED%DD

[الدب الداشر]

قبل فترة كنا معزومين على عرس ..

وطالع أنا ومعاي أهلي ..


المهم وقفت عن باب القصر وكان قدامي راعي جيب وتنزل منها ذيك الصبية اللي على كيف كيفك .. أنفتحت عباتها بمجرد نزولها وبان ما كانت تلبس .. والله يا ناس أني شفت سيقانها طالعات (( عاد الركب ما تقدر تطلعهم لأنها سعودية 100% )) ..


وما أدري ليش هالتفسخ ...

هذا غير البنطرونات والمصلخه والمزلخه ..

[هاجس]

اولا: انصحك يا اخي صاحب الموضوع ان تحذر نساءك من فضح وكشف ستر المسلمات

قل لها ان الرسول اتته زانيه وامرها بأن تستر على نفسها ولم يفضحها

قل لها ان الرسول يقول (من ستر عورة مسلم ستر الله عورته يوم القيامه)

قل لها لايجوز وحرام ان تذكر وصف المرأه وتفضحها وتذكر اسمها واسم زوجها

قديكون ذنبها اعظم من هذه العاريه..............والله ماقلت ذلك الا حرصا على صون عورات المسلمين


وانبه على نقطه مهمه ن النساء يبالغن وخاصة اذا كرهن اوحقدن على امرأه فانهن لايتركن شي من حرام او

حلال الا فعلنه لمجرد اغاضتها وتشويه سمعتها




ثانيا _ادري اني طولت باولا بس ابختصر ثانيا_

انا ضد النساء العاريات وضد متبعات الموضه الغربيه واتمنى ان يهديهن الله وعلى اولياء الامور تحمل المسؤوليه

[رفحاوي]

ابو اماني

جزاك الله على هالموضوع ...

الله يعين اللي عنده بنات ...

المدرسة طلباتهن كل اسبوع ...

وصعب تلقى لهن ملابس مستورة ...

اذا جيت لاسواق الرياض اشتري اقول لهم

ما عندكم ملابس للمسلمين ... يقول وهذي مهي للمسلمين ؟!! (يحسب انه احرجن) ... اقول لا هذي ما يلبسه المسلم اللي بوجهه حياء وشرف .... طبعا كلامي مسموع

او اساله ما عندك ملابس زينة ؟! انا ماني من اهل الرياض عشان نلبس هالملابس ...


البارح ... طلعت امشي المعزبة ومرينا (كون زون) وشرينا عسكريم وجلسنا نتمشى على رفحاء وندور الشوارع المظلمة منشان ناكل العسكريم ... المهم مرينا من جنب خياط ورجال معه مرته ... المرة تكلم الخياط مع فتحة المحل والرجال بجنبه تقل سفيه



اتوقع بعضهم مسحورين ...

وبعضهم ديووووووووووووووووووووث

[ابو اماني]

وجهة نظر قد تستحق التصفيق او التكذيب

ربما يقال هي موجوده وربما يقال هي ليست في رفحاء بل هي في باريس وكازا

شكرا لكل من مر من هنا وشكرا لكل رجل غيور على محارمه