الهدايا والورق .. إهداء من مشاعر الدب الداشر لكم

[الدب الداشر]

ليست إلا محاولة خيالية كالعادة , أهديها إلى قلوبكم الطاهرة , وأتمنى من الله أن تحوز على رضاكم







يحدك وقـتك القاسي وعدنا بآخر المشوار=إلى من جابتك يمي ظروفك بأسوأ أقدارك

تذكر وقتك الخاين تذكر والزمن دوار=وربي غيرها تعزف حسايف نغمة أوتارك

كذا وألا كذا تبقى الهدايا والورق للنار=وأنا ماني ترى مثلك وبكتم كل أسرارك

تحملتك سهر ياليل ./. كفاية عنها أعذار=كفى مني وفى وألا كفاية ضاع مشوارك

بكمل // أيه .. من دونه بكمل وأشتعل إصرار=أعرفك لانويت الشي يقلبي وأعرف إصرارك

بدينا هـجرها يالله // وذا درب الجفا مضمار=تسابق عنها بعد القلوب وقطعة أنظارك

هنا راحت .. هنا ماتت .. هنا مدري أنا وش صار=وكاد اني أحس بشي موّدع حبّها تارك

هنا كانت نهايتنا / هنا راحت مع التذكار=هنا عدّت .. بنا .. عمر السنين وماتت أفكارك

هنا جتني .. على مركب أمل // ضايعٍ منهار=هنا ردت بنا طول السنين وردّ تذكارك

هنا وان جات سيرتها غيوم وقدرها الأمطار=زبنت القلب يسعفني ملاذي ليلة امطارك

بزغ صبح التعب منك وراسي والجمر سهّار=على نغمات ماضينا سهرتكـ بآخر أدوارك

تذكرت الغلا كله تذكرتك غيوم أشعار=سبب في عرضة إحساسي لـ سكينك ومنشارك

تذكرتك تناديني حياتي وأسألك للجار ؟=تردين وتقولي أنا وش جابني لـ جارك

تذكرتك تقولي لي وش اللي يجذبك وتغار=وأرد عيونك الحلوة وخلي باقي أسحارك

تذكرتك مع عيوبك وزاحت عنها الأستار=تذكرتك مع ذنـوبك تذكرتك مع اوزارك

تذكرت الأنانية وحبك دوم جذب المار=تذكرتك على الماضي / على لبسك / على عارك

تذكرتك على حب الفلوس وعملة الدولار=تذكرتك على شحّك على نفسك بدولارك

تذكرتك على ذنبك وأنا أصنع للعذر أنهار=خلاص العذر ما ينفع وجفّت كل أنهارك

تذكرتك تذكرتك تذكرتك وحان الثار=بلاش الكره والشكه بلاش أتدور لثارك

خلاص أسمع ابكتب لك عبارة فوق باب الدار=كتبت الشعر في خطي اذا تقراه بجدارك

تذكر يومني قلت الملاقى بآخر المشوار؟؟=وهذي جابتك يمي ظروفك بأسوأ أقدارك

خلاص أنسى وأنا بنسى ولابأسمع وراك اخبار=وربي ما يسليني سوا الفرقى عن أخبارك

هنا صديت خليته مع همومه وهو منهار=هنا أيقنت في قلبي مودع حبها تارك


وسلامتكم ..

وأكرر بأنها خيالية , ومجرد محاولة ..

أتمنى أن تحوز على رضاكم ..

[يونس رعد الربع]

.
.

والله منت هين أخوي / الدب


صح لسانك والله لايهينك


.
.

أحتراماتي
,‘
‘,
,‘

يونس بن رعد
//
..
\\
..
//
..
\\

[العالمي]

صح لسااااااااااااااااانك

[جرواني]

صح لسانك دبدوووووب

ومشكور على الأهداء

بس من هو هذا اللي مشيب بك ؟؟

[أبو هيا]

رائعه يادبدوووووب ياشاعرنا الغالي
مشكور على الاهداء بس كثر منها سالفة الخيال هذي

[الدب الداشر]

أبورعد صح بدنك ..


مجرد محاولة ..


وقصيدة أبرار جاهزة بس ياويلك تردني ..


صح بدنك وشكراً على المرور ..

[الدب الداشر]

العالمي ..

صح أبداااااااااااااانك ..


شكراً لمرورك ..

[الدب الداشر]

جرووووواني ..

صح بدنك الغالي ..

واللي مشيب بي هو أني خيالي ..

وأنا والله صادق .. قصيدة من أرض خيالية ..

[الدب الداشر]

حجي حمووووووود ..

صح بدنك ..

وتخبر رفيقك يحب الخيال ..

ولا تجني علي أنت وجرواني .. ياناس والله خيال ..

( على فكرة أخوي الكبير متابع المنتدى .. بكرة يصدق كلامكم بعدني ..... يصرعني .. )



شكراً لمرورك حجي ...

[سيف الاسلام]

صح لسانك


شكرا على الاهداء

[الوتر الحساس]

يسلم لسانك على هالقصه

>> عفواً << قصدي القصيدة :)

[القروي]

له له له له !!!
اثرك ارهابي؟!!! يالدب ال .....!

[الدب الداشر]

صح بدنك حجي الماضي الجميل ..


شكراً لمرورك ..

[رعد الشمال]

صح لسانك هب يالدب اثريك مانت هين

[الدب الداشر]

حجي وتر ..

باين وصلتك الرسالة ..

صح بدنك ..

[دار السناعيس]

صح لسااااااااااااااااانك

[منجاوي]

صــــــــح لسانك

يا الدب مليوووووووووووووووون

ويا ليت تستمر كذا

لانك تحث الكل على الابداع والمنافسه

[رفحاوي]

صح لسانك ...

الله يرزقك ببنت الحلال اللي تضفك وتهتم بك وتوكلك وتغسل هدومك الخ الخ

[شدقم]

دبوب

أنا ما قـــــــــــــــولك خلنا بالعزوبية

صح لسانك

مبدع

[الدب الداشر]

حجي قروووي ..


إرهابي قلوب يمكن :) ..



شكراً لمروووركـ ...

[الدب الداشر]

حجي رعد الخير ..

صح بدنك ..

هذا من ذووقك ..

أتمنى أنها نالت إستحسانك ..

[الدب الداشر]

دار السناعيس ..

صح أبدانك ..

شكراً لمروركـ ..

[شامي الدهيمان]

صح لسانك

رائع

العقبى ما يعنونك بسامطة وتوصف لنا معاناتك وانت حاط شجرة على راسك ومعك شبرية وترقص

تحياتي

[المسكين]

رائعة أيها الدب الحنون وعلى قولت أخوانا المصريين بتاع كله لكن كلمة أخوي [ يصـرعني ] تدل على إنك من سكان شارع ؟؟؟؟؟؟؟؟؟؟؟؟؟؟؟؟ فهل هذا صحيح

[زين تصفيح]

كـذا وألا كـذا تبقـى الهدايـا والـورق للنـار
وأنا ماني تـرى مثلـك وبكتـم كـل أسـرارك

(صح لسانك يادبنا العزيز)

خلاص أنسى وأنا بنسى ولابأسمـع وراك اخبـار
وربي ما يسليني سـوا الفرقـى عـن أخبـارك

وبصراحه البيتين السابقين اجمل مافي القصيدة

ومايقولهم الا شاعر ...

[ابو مشعل]

ماشاء الله
واثريك بلية ابو نسب

[الدب الداشر]

حجي منجاوي ..

صح بدنك ..


ولولا الله ثم لولاكم لما وضعتها بين أيديكم ..



شكراً لمرورك ..

[الدب الداشر]

حجي رفحاوي صح أبدانك ..


أدري أنك ودك تولع بي :) ..


بس والله أنها خيالية ..


وقصيدة ضمن سلسلة فضاويات ...



شكراً لمرورك أستاذنا ..

[بنت الخليج]

صح لسانك الدب الدشر، عجبتني هالأبيات طبعا المحاولة الخيالية كلها عجبتني بس أخص هالأبيات بالأعجاب الشديد:



1. تذكرتك على ذنبـك وأنـا أصنـع للعـذر أنهـار = خلاص العذر مـا ينفـع وجفّـت كـل أنهـارك
2. خلاص أنسى وأنا بنسى ولابأسمـع وراك اخبـار = وربي ما يسليني سـوا الفرقـى عـن أخبـاركبس عندي سؤال ليش تأكد أكثر من مرةعلى إنك خيالي،و إنها محاولة خيالية!! كأنك تبرر
اللي أشوفه إنها محاولة ملموسة واقعية مو خيالية إلا إذا قصدك فكرة القصيدة من وحي الخيال و بعيدة عن الواقع و ما نحاول نربطها بشي

[الدب الداشر]

شدقم ..

صح بدنك حبيبي ..


كانت محاولة لسرقة السعادة من جعبة الخيال ..


شكراً لمرورك ..

[الدب الداشر]

الحجي .. سلهوووووومي ..

يجيب الله مطر ..

ترى أكتب فيك قصيدة هجاء ..

<<=== عصب عليك ..

صح بدنك ..

وشكراً لمرورك ..

[الدب الداشر]

حجي المسكين ..

صح بدنك ..

وكلمة يصرعني كلمة عربية فصحى ..


وهذا ما يعني أني مو من ذاك الشارع .. :)

[الدب الداشر]

زين التصفيح ..

صح بدنك ..

وهذا من ذوووووووووقك ..

مرورك شرّف القصيدة ..

شكراًُ لك ..

[الدب الداشر]

أبونسب ..

لا تزعل ..

للمرة الألف ترى نسيبك خيالي حيل :) ..

يعني لا تشيل بخاطرك شي ..

[شامي الدهيمان]

الله كريم

حجي دبوب
وإن شاء الله بتتعين ويجي المطر والربيع ونلقط فقع

[الدب الداشر]

صح بدنك بنت الخلج , وشكراً على الإطراء.


.


وبالنسبة للخيال .. فأنا كررت ذلك ولا زلت أكرر لكي لا أفهم خطأ ..

هناك ناس أحترمهم وأكن لهم تقدير في قلبي وأخشى أن ينظر لي نظرة أخرى ..


لذا أقسمت على أن هذه القصيدة خيالية قصة ووقائع وتسلسل وووو ..



شكراً لمرورك وإعجابك :) ..

[الدب الداشر]

حجي السلهووووووووووومي ....


اللهم آمين ..


بس بيني وبينك .. السنه هذي أكون برفحاء أحسن من أني أتعين .. لظروووف خاصة ولحب القمري .. والفطور برمضان وووو ..


ولا أعتقد بأن بيجيني تعيين لأن فيه دفعات قبلي ولا تعينوا ..

وأنا أبن آخيك يقولون فيه ووظيفة نائب ثاني .. فيها رقم شاغر .. الله والعالم أني بصير فيها ..

هاهاهاهااا

[القنـــــاص]

صــــح لسانك يالدب


صـــراحه ابداااااااع

[أنا والليل؟]

صح لسانك أخي : ((( الدب الداشر ))) ..

دائما في علو ............ بالتوفيق .

[ياليتني همك]

هنا راحت .. هنا ماتت .. هنا مدري أنا وش صار
وكاد انـي أحـس بشـي مـوّدع حبّهـا تـارك ....!!


حتى في الخيال (( تموت )) ...
.
.
صح لسانك يادب الداشر ...

قصيدة رائعة و(( خيال جميل )) ..

واصل عطائك وابداعك ..

وأسأل الله ان يجعل التوفيق حليفك ..

ودمت بحفظ المولى ,,

×?° يـالــيــتــ هـــمــــك ـــنـــي ×?°

[الدب الداشر]

حجي قناص .. صح بدنك ..


الإبداع وجووووووووووودك ..


شكراً لتواجدك ..

[الدب الداشر]

حجي أنا والليل .. صح بدنك ..


شكراً لمرورك ..

[الدب الداشر]

حجي ياليتني همك ..


صح بدنك ..


وشكراً لتواجدك ..

[شمـــاليه]

تذكر يومني قلـت الملاقـى بآخـر المشـوار؟؟=وهذي جابتـك يمـي ظروفـك بأسـوأ أقـدارك
خلاص أنسى وأنا بنسى ولابأسمـع وراك اخبـار=وربي ما يسليني سـوا الفرقـى عـن أخبـارك
هنا صديت خليته مـع همومـه وهـو منهـار=هنـا أيقنـت فـي قلبـي مـودع حبهـا تـارك



0


0


0


برأيي [ محاوله ] تستحق الرفع

ولو ان مابين القوسين لم يفيها حقها

مبدع يالدب صح لسانك حتى ترضى

لاهنت

[الدب الداشر]

تذكر يومني قلـت الملاقـى بآخـر المشـوار؟؟=وهذي جابتـك يمـي ظروفـك بأسـوأ أقـدارك
خلاص أنسى وأنا بنسى ولابأسمـع وراك اخبـار=وربي ما يسليني سـوا الفرقـى عـن أخبـارك
هنا صديت خليته مـع همومـه وهـو منهـار=هنـا أيقنـت فـي قلبـي مـودع حبهـا تـارك



0


0


0


برأيي [ محاوله ] تستحق الرفع

ولو ان مابين القوسين لم يفيها حقها

مبدع يالدب صح لسانك حتى ترضى

لاهنت



.
.
.

شمــااليـه .. مرورك عذب وعــابق بالذكرى ...

كم أكل الدهر وشرب على ذاتي وخيــاالي ووحيه .. إلى أني أجد هذه القصيدة شيء نابع من عمق الخيــاال .. بل إنها تعيش بأمل ٍ تكررت نبضـااته ..

شمــااليـه .. رفع الله قــدرك .. وعلـّـى شــأنــك ..

.
.
.

[فديتك يمه]

أعجبتني هذه الكلمات التي اوردتها في ردودك ...
**سلسلة فضاويات
**سرقة سعاده من جعبة الخيال



أخي//

مهما عشنا على أمل...طال مقامه بين أضلعنا إلا اننا كثيراً مانستمتع به مهما رافقه من ألم وعذاب
أحياناً الرضى بالخيال والعيش به أفضل بكثير من واقع لانريده ولانرتضيه بل تفرضه الأقدار
لذلك وحدنا من يستطيع سماع نبضات الأمل الساكن أعماقنا..

أخي الكريم// الدب الداشر
لكلماتك وقعها..ولقصيدتك معناها بغض النظر عن كونها مستوحاة من خيالك او واقعك...
لايهم ذلك بقدر مايهمنا ويهمك بأن الإهداء تم قبوله من جميع إخوتك وأخواتك هنا... فقد لامست مشاعرنا وهكذا هي القصيدة الحقه ,,,

أخـــــــــــتك//

[بــحــار]

مـــــــدخلـ ....
كـذا وألا كـذا تبقـى الهدايـا والـورق للنـار
وأنا مانـي تـرى مثلـك وبكتـم كـل أسـرارك

وقــــفــــــه

هنا جتني .. على مركب أمـل // ضايـعٍ منهـار
هنـا ردت بنـا طـول السنـيـن وردّ تـذكـارك

مخـــــــــرج
تذكر يومنـي قلـت الملاقـى بآخـر المشـوار؟؟
وهـذي جابتـك يمـي ظروفـك بأسـوأ أقـدارك

قمــــــــــة الروعه اخوي الدب

تحياتي

[الدب الداشر]

أعجبتني هذه الكلمات التي اوردتها في ردودك ...
**سلسلة فضاويات
**سرقة سعاده من جعبة الخيال



أخي//

مهما عشنا على أمل...طال مقامه بين أضلعنا إلا اننا كثيراً مانستمتع به مهما رافقه من ألم وعذاب
أحياناً الرضى بالخيال والعيش به أفضل بكثير من واقع لانريده ولانرتضيه بل تفرضه الأقدار
لذلك وحدنا من يستطيع سماع نبضات الأمل الساكن أعماقنا..

أخي الكريم// الدب الداشر
لكلماتك وقعها..ولقصيدتك معناها بغض النظر عن كونها مستوحاة من خيالك او واقعك...
لايهم ذلك بقدر مايهمنا ويهمك بأن الإهداء تم قبوله من جميع إخوتك وأخواتك هنا... فقد لامست مشاعرنا وهكذا هي القصيدة الحقه ,,,

أخـــــــــــتك//






أختي فديتك يمه .. صح بدنك .. وسلم قلمك الذي سال على أطراف القصيدة وطرزها .. ليكون ردك شاعريا ً رائعا ً ..

أحسنتي أنتي متذوقة الشعر فقط الشعر ..


شكراً لمرورك الجميل .. وسلم مرورك ووحدانيتك في التفكير ..

[الدب الداشر]

مـــــــدخلـ ....
كـذا وألا كـذا تبقـى الهدايـا والـورق للنـار
وأنا مانـي تـرى مثلـك وبكتـم كـل أسـرارك

وقــــفــــــه

هنا جتني .. على مركب أمـل // ضايـعٍ منهـار
هنـا ردت بنـا طـول السنـيـن وردّ تـذكـارك

مخـــــــــرج
تذكر يومنـي قلـت الملاقـى بآخـر المشـوار؟؟
وهـذي جابتـك يمـي ظروفـك بأسـوأ أقـدارك

قمــــــــــة الروعه اخوي الدب

تحياتي







القمة مرورك حجي بحـــآر ..

سلمت وسلم وجودك وحروفك الجميلة بجمال الصور القديمة ..

لا أعلم ما أقول لك .. لكن .. شكــرا ً ..

[تربوي]

صـــح لسانكــ قصيدة رائعة ..
وإذا هالقصيدة المميزة مجرد محاولة ,, أجل أكيد نبي نقرا لكـ إبداعات قادمة ..
نحن بإنتظارها دبدوووب ...

[الدب الداشر]

صـــح لسانكــ قصيدة رائعة ..
وإذا هالقصيدة المميزة مجرد محاولة ,, أجل أكيد نبي نقرا لكـ إبداعات قادمة ..
نحن بإنتظارها دبدوووب ...



صح بدنك حجي تربوي تك ..

تسلم .. هذي ايام العطالة :lol
أشكر مرورك ..