الأعــــــــراس والـمنكرات التي تقع فيها

[فتى الحدود]

( السلام عليكم ورحمة الله )

اخواني الاعزاء تلاحضون كثرت المنكرات في الاعراس في هذا الزمان وانه والله لشي مؤسف جدا ومايقع

فيها من المعاصي التى لاترضي الله سبحانه ولا ترضي ابن ادم ومايقع اليوم في الاعـــراس من بذخ

وتبذير في المأكل والمشرب والاطعمه التى تطأها الاقدام وغيرها وكذالك ارتفاع أصوت المعازف والدفوف

حيث انه ظهر في هذا الوقت بجهاز يعرف الديجه وهذا يسبب الازعاج وارتفاع صوت المنكرات خاصة في القرى

التي لا توجد بها قصور افراح مما يسبب الازعاج للمسلمين فلما كل هذا التبذير ولما كل هذا الازعاج فهل العرس

صنع لتبذير في الاكل والشرب والازعاج ولما كل هذه التكاليف التى قد لايتحملها اهل المعرس.... انها فقط من

اجل الايقول الناس فلان بخيل اوعرسهم بايخ مافيه ديجيه او طقاقات . . . لاحول ولا قوة الا بالله

نرضي الناس ولانرضي رب الناس

[نجم]

شرايك نسوي ثلاث ذبايح نقلط اثنين ووحده ثلاجه


تصدق عاد يا اخ العرب

ان الديجي اللي تقول عنه .. والله ما اشوفه غير بعروس المطاوعه

ويا سألتهم ليه

يقول هذا فرح والأغاني اللي تم تشغيلها على الديجي هي اغاني اسلاميه :d

يعني قصده اغاني بالدف مو بموسيقى

[رفحاوي]

وعليكم السلام ورحمة الله وبركاته ...

موضوع مهم يابو تشليح وكنت ناوي اكتب عنه قبل ما تبدأ الاجازة لكن تكاسلت ...

واحد من الربع على قد حاله وسوى عرسه بقصر افراح وجايب طقاقة (بمبلغ وقدره) ... كنت ناوي اعطيه عنية بس يوم شفته يبذر قلت ما يستاهل ...

الموضوع يبي له اتفاق من كبار رفحاء ويمشون الباقين عليه ... لكن للاسف متروك للحريم واشباه الرجال

شكلي دخلت بموضوع المهر ...

مشكور يا سكراب (ما تبيع اسمك تشليح؟!!)...

[فتى الحدود]

شـــــــكـــــــرا عــــــلـــــى مــــــــــرور الاخــــــــــــوه الكـــــــــرام



ومثل ماتفضل الاخ الكريم رفحاوي السالفه صارت عند الحريم وبعض الرجال بس ديكور للاسف الشديد


وبعض خواتنا من النساء الله يهديهن لايبالين بشي

[نجم]

والله من الرباده

[نديم الشاشه]

اكيد ان الأمر كله عند الحبابات ومنهو اللي يقدر يعصاهن والله ليصير يومه اسود كلش ولا العرس
خلونا نسلم بالأمر ونترك الكلام اللي من عير فعل .

[هبوب الريح]

بالنسبة للدف للنساء هو جائز وما فيه شيء ..
قال عليه السلام ( أعلنوا النكاح واضربوا عليه بالدف ) ..
وبالنسبة للرجال هو موضع خلاف ..
والديجيه هو آله تسجيل ومعها مكبرات صوت وهو على حسب ما يوضع فيه من أشرطة ..
ويهرب المطاوعة وغيرهم إليه لأنه أرخص من الطقاقات هروبا من الغلاء والإسراف ويضعون أشرطة بالدفوف دون الموسيقى ..
ثم إني أعارض على فكرة أن يكون الزواج كأنه مأتم وعزاء كما أننا نحذر من التبذير وفي الدين فسحة والمشكلة أننا قد نضيق على الناس فيما هو مباح أو على الأقل مما هو مختلف فيه فنجبر الناس على الحرام ..
ولن يفلح قوم ولوا أمرهم امرأة والواجب أن تكون الكلمة للرجال مع النظر الثاقب والبعد عن التزمت الذي قد لا يبن على دليل في بعض الأحيان ..
وكل ماذكر وجهة نظر قد أكون مخطئا فيها ..

[*العنا*]

وعليكم السلآم ورحمة اللـه وبركآته ..

شي حلوو أن الواحد يحآول يطلع ليلة الحفلة مميزة ..، بس كل وآحد وعلى قد الأستطاعة ..،

واللي يحطون ديجي وطقاقات ==> مثل ما تقولون ..، تلاقي كل هذا من فرحتهم لولدهم وإلا

بنتهم ..، بس اللي يصير أن أوقات يصير الشي مبآلغ فيه ..، كل هآي علشآن يقولوا عرس فلان

صآر فيه كذا وكذا ..، بس بعد الأعتدال أحسن ..، مثلاً البعض يأخذ قروض علشان يطلع زفافه فخم ..،

ولازم تكون الحفلة في أفخم صالة أعراس ولازم على مستوى ..، من دون ما يحآول أنه يلتفت لأمكانياته ..

مشكـــووور سكــراب ..،

وينطيكـ العآفية ..

[الدب الداشر]

رفحاوي كلامك سليم ..

تصدق .. قبل فترة لقيت عند أمي دعوة بأسمها ومكتوب الداعية / أم فلان ..

طبعاً الوالدة غالية بس ما لقت أحد يوديها للعرس :d ..


صارت دعوة للرجال ودعوة للحريم ...

يدعون حرمتك وتروح وأنت بارد ويهك رايح جاي ..

[عروووبة]

شكرا اخي لأثارة هذا الموضوع .............. ولو انه جاء متأخر

اما الدجيه زي ماقال اخي هبوب الريح .. ان حبية تحط شريط دفوف فقط ... او البرتقالة وشلته انت واختيارك ..

لكن والله ماهي هنا المشكلة ...

شاهدو معي
..................>>>> ستة بنات لايتجاوز اعمارهن 17 سنة
اللباس عباة كتف ( وانا اشهد ) انه عباة كتف لأنه مكتفتهن بطريق تثير الإشمئزاز
وصف كامل لمفاتن الجسم ...
اللباس تحة العباة ...!!!
انواع البطلوناة بشتى الألوان
البلوزة شى يثير الفتن ...
البرقع نصف الوجنتين طالعه ...
الجوالاة كل وحدة تحمل جوالها بكل بساطة ....
المشية (( يعنى مشيتهن )) بكل لامبالاة لمن حولهن حتى انه تناظرلك بكل استهزاء ويده مشبكة بيد وحد اخرى
وكأنه تقول (( خير ان شاء الله وش تبين ))
رقص على المدرجاة وصيحاة ولا مسارح ...........!!
............................
هنا أخي رفحاوى يكونون اشباه الرجال اللى مالهم فايده !!
هذولى كيف طلعن من بيوتهن والأهل وينهم !!

كنة مره جالسة في عرس مرة من قدامي خمسه على نفس الشكل السابق وكانة قدامهن وحده تركض وتلتفة لهن تقول يالله بسرعه (( كنت ناوية امد رجلى )) و(( اجيب فيها العيد )) بس الله هداني
وحسية انه راح يغمى عليه من (( الخرعه )) وتركض وتناظر للجوال واللى وراه يركضن ....
الظاهر فيه احد من اهلهن اتصل وقال .. وينكن ...
هذا دليل على ان الأب والأم ...نايمممممممممممممممممن!!!!!!!!!

نوم العوافيييييييييييييييييييي!!!!!!!!!!!!!

شكرا اخي سكرا ب مرة اخرى