ابوحاتم2
06 Aug 2006, 09:28 AM
في مجلس أبو محمد ، وفي شبة بعد العشاء اليومية ، اجتمع رواد المجالس والشباة ، سكوتا صامتون فلم يبق موضوع الا وتكلموا فيه ،،،اكتتاب ،،،اسهم،،، فضايح،،،، حقوق على هذا وذاك ،،، . وفجأة طلع عليهم فيصل القاسم بسؤال حرك بحار صمتهم الراكدة :هل لاسرائيل حق فيما تفعله في فلسطين ولبنان ..؟؟
وهنا بدأ حوار لاأصفه بل أدعه لكم لتحكموا .....
أبومحمد : والله هاليهود انهم خربوها ، وش يبون من لبنان وعندهم فلسطين ؟ ما هي كافيتهم ؟
واحد مرتكي ( يحب المخالفة والمغالطة ) : يا أخي بعذرهم بهم ، أوذوهم حزب الله بالصواريخ والمغابش ، والاهم ماهم فاضين ويدرون ان لبنان ماهي لهم .
واحد توه مطوع : أجل وش اللي لهم ، انت صاج ، لاتقول ان فلسطين لهم ، تبيني أرميك ..!!!!
واحد مرتكي : لحظة ياابن الحلال لا تزعل وخلني اقنعك أنها لهم قبل الدنيا يوم كل شىء يحكي . انت تدري من اين طلعوا وليه اسمهم بني اسرائيل ..؟
أبومحمد : شكلك عاروفة طيب هم قبل الهلالاة وابوزيد ..؟؟؟
واحد مرتكي ( وقد تأبط المركى وتحمس ) وش قاعد تقول ياأبومحمد والله لو أنك ما تضبط القهوة كان ما سيرت عليك أنت وربعك ما انتوا بمستواي وثجافتي ، طيب اللحين ابي احكي وتلايصوا ولا أحد يقاطعن أبد ...
الرواد : سم خذ راحتك زين لقينا سالفة .
واحد مرتكي : احممم اسرائيل هو جدهم يعقوب ( عليه السلام ) وبعد ما ادخله هو وعياله ( الأسباط ) يوسف ( عليه السلام ) مصر وسكنوا ، ومرت السنين وكانوا قليلين وكان الفراعنه هم الحكام وكانوا طغاة مثل ما قال الله عنهم في القرآن الكريم وتسلطوا على بني اسرائيل ذبحوا عيالهم ونيكوا حريمهم و....
واحد توه مطوع : وش تقول اتق الله لا تتقول على القرآن بهذا الكلام البذيء .
واحد مرتكي : ياجماعة اذا ماسكتوا هذا ترا انا أبي أرميه ، وبعدين تعال انت ما تعرف اسلوب التعريض والكناية هذا موجود كثير في القرآن وكلام العرب مثل لامستم النساء أي جامعتم ولا كان كل من لمس مرته وجبه الوضوء والغسل ، وكذا معنى الاستحياء اللذي كان يفعله فرعون وملأه في بني اسرائيل ، والا ما كان ذكره موسى ( عليه السلام ) في مقام الامتنان عندما انجاهم الله من فرعون وملأه ...
المهم ان الله اختارهم وهم ابناء انبياء وفضلهم على العالمين (في وقتهم طبعا) واختارلهم الأرض المقدسة وهذا كله في القرآن الكريم ، وصحيح انهم آذوا موسى ( عليه السلام ) وقتلوا أنبيائهم ، وحرفوا توراتهم طمعا في الدنيا ، بس مع كل هذا أشوف معهم صك على فلسطين مذكور بالقرآن ( أدخلوا الأرض المقدسة التي كتب الله لكم ... الآية ) .
واحد فيه دين : طيب والمسجد الأقصى لايكون لهم بعد ....؟؟؟
واحد مرتكي : أبي اسألك من بنى المسجد الأقصى ..؟؟؟
واحد فيه دين : طبعا الوليد ....
واحد فاهي : أيه الوليد بن طلال اللي في المحمدية بس أنامستغرب أن ماله سور...؟؟؟
واحد فيه دين : أقصد الوليد بن عبد الملك يافاهي .
واحد مرتكي : سلامتك اللي بناه داوود ( عليه السلام ) وهو من أنبياء بني اسرائيل ، وجاء بعده سليمان ( عليه السلام ) وبنى مسجد يسمونه( الهيكل) . والوليد بنى مسجد قبة الصخرة
واحد مطوع جد:اتق الله تدري انهم يبون يهدمون الحرم القدسي ويبنون الهيكل مكانه .
واحد مرتكي : أولا: ماهو حرم ،،،، الحرم المسجد المكي والمدني بس هو مكان مقدس عندنا وعندهم وعند النصارى بعد ،،،، ثانيا: لو هدموه وش يبون يحطون بمكانه ؟ طبعا مكان عبادة ما هم حاطين تماثيل بوذا ...!!!!!ياخي كيفهم الأرض لهم ،،،ولهم دينهم ولنا ديننا وش نبي بهم ؟
ثم تعال ياخي عندنا حرمين ماهي كافيتنا..!!! ومثل ما قلت ماهو حرم بعد ياخذونه ويكفونا شرهم .
أبو محمد : طيب والشعب الفلسطيني وين يروحون ..؟؟
واحد مرتكي : هاه ،،، أحممم ،،،، سهلة يوزعون على دول الخليج ويجنسون ويندمجون معانا ويكون يدوطنية عاملة بدل هالهنود والبنجالية .
واحد بطرف المجلس : والله ان سوالفك يهالمرتكي خطيرة ، حتى أمريكا واسرائيل ماجابوا هالحلول اللي عندك ..!!!
طيب وش تقول : بأسامة بن لادن واللي يحدث بالعراق ؟؟؟
واحد مرتكي (وعلامات الاعتزاز على محياه ) : هذي بشبة العصر عند أبوعمر باكر تبي مخمخة وعشر فناجيل وخمس كاسات ، الوعد باكر تمسون على خير.
وينفض المجلس ......
تعليقي أنا الناقل لما جرى : ............لا تعليق.......
بعض البشر طبعه مقدر ومحشوم ***** وبعض البشر عيبٍ عليك احترامه
واللي ستر عيبه عن الناس بهدوم ***** وش يستره لا صار عيبه كلامه
تحياتي : ابوحاتم
وهنا بدأ حوار لاأصفه بل أدعه لكم لتحكموا .....
أبومحمد : والله هاليهود انهم خربوها ، وش يبون من لبنان وعندهم فلسطين ؟ ما هي كافيتهم ؟
واحد مرتكي ( يحب المخالفة والمغالطة ) : يا أخي بعذرهم بهم ، أوذوهم حزب الله بالصواريخ والمغابش ، والاهم ماهم فاضين ويدرون ان لبنان ماهي لهم .
واحد توه مطوع : أجل وش اللي لهم ، انت صاج ، لاتقول ان فلسطين لهم ، تبيني أرميك ..!!!!
واحد مرتكي : لحظة ياابن الحلال لا تزعل وخلني اقنعك أنها لهم قبل الدنيا يوم كل شىء يحكي . انت تدري من اين طلعوا وليه اسمهم بني اسرائيل ..؟
أبومحمد : شكلك عاروفة طيب هم قبل الهلالاة وابوزيد ..؟؟؟
واحد مرتكي ( وقد تأبط المركى وتحمس ) وش قاعد تقول ياأبومحمد والله لو أنك ما تضبط القهوة كان ما سيرت عليك أنت وربعك ما انتوا بمستواي وثجافتي ، طيب اللحين ابي احكي وتلايصوا ولا أحد يقاطعن أبد ...
الرواد : سم خذ راحتك زين لقينا سالفة .
واحد مرتكي : احممم اسرائيل هو جدهم يعقوب ( عليه السلام ) وبعد ما ادخله هو وعياله ( الأسباط ) يوسف ( عليه السلام ) مصر وسكنوا ، ومرت السنين وكانوا قليلين وكان الفراعنه هم الحكام وكانوا طغاة مثل ما قال الله عنهم في القرآن الكريم وتسلطوا على بني اسرائيل ذبحوا عيالهم ونيكوا حريمهم و....
واحد توه مطوع : وش تقول اتق الله لا تتقول على القرآن بهذا الكلام البذيء .
واحد مرتكي : ياجماعة اذا ماسكتوا هذا ترا انا أبي أرميه ، وبعدين تعال انت ما تعرف اسلوب التعريض والكناية هذا موجود كثير في القرآن وكلام العرب مثل لامستم النساء أي جامعتم ولا كان كل من لمس مرته وجبه الوضوء والغسل ، وكذا معنى الاستحياء اللذي كان يفعله فرعون وملأه في بني اسرائيل ، والا ما كان ذكره موسى ( عليه السلام ) في مقام الامتنان عندما انجاهم الله من فرعون وملأه ...
المهم ان الله اختارهم وهم ابناء انبياء وفضلهم على العالمين (في وقتهم طبعا) واختارلهم الأرض المقدسة وهذا كله في القرآن الكريم ، وصحيح انهم آذوا موسى ( عليه السلام ) وقتلوا أنبيائهم ، وحرفوا توراتهم طمعا في الدنيا ، بس مع كل هذا أشوف معهم صك على فلسطين مذكور بالقرآن ( أدخلوا الأرض المقدسة التي كتب الله لكم ... الآية ) .
واحد فيه دين : طيب والمسجد الأقصى لايكون لهم بعد ....؟؟؟
واحد مرتكي : أبي اسألك من بنى المسجد الأقصى ..؟؟؟
واحد فيه دين : طبعا الوليد ....
واحد فاهي : أيه الوليد بن طلال اللي في المحمدية بس أنامستغرب أن ماله سور...؟؟؟
واحد فيه دين : أقصد الوليد بن عبد الملك يافاهي .
واحد مرتكي : سلامتك اللي بناه داوود ( عليه السلام ) وهو من أنبياء بني اسرائيل ، وجاء بعده سليمان ( عليه السلام ) وبنى مسجد يسمونه( الهيكل) . والوليد بنى مسجد قبة الصخرة
واحد مطوع جد:اتق الله تدري انهم يبون يهدمون الحرم القدسي ويبنون الهيكل مكانه .
واحد مرتكي : أولا: ماهو حرم ،،،، الحرم المسجد المكي والمدني بس هو مكان مقدس عندنا وعندهم وعند النصارى بعد ،،،، ثانيا: لو هدموه وش يبون يحطون بمكانه ؟ طبعا مكان عبادة ما هم حاطين تماثيل بوذا ...!!!!!ياخي كيفهم الأرض لهم ،،،ولهم دينهم ولنا ديننا وش نبي بهم ؟
ثم تعال ياخي عندنا حرمين ماهي كافيتنا..!!! ومثل ما قلت ماهو حرم بعد ياخذونه ويكفونا شرهم .
أبو محمد : طيب والشعب الفلسطيني وين يروحون ..؟؟
واحد مرتكي : هاه ،،، أحممم ،،،، سهلة يوزعون على دول الخليج ويجنسون ويندمجون معانا ويكون يدوطنية عاملة بدل هالهنود والبنجالية .
واحد بطرف المجلس : والله ان سوالفك يهالمرتكي خطيرة ، حتى أمريكا واسرائيل ماجابوا هالحلول اللي عندك ..!!!
طيب وش تقول : بأسامة بن لادن واللي يحدث بالعراق ؟؟؟
واحد مرتكي (وعلامات الاعتزاز على محياه ) : هذي بشبة العصر عند أبوعمر باكر تبي مخمخة وعشر فناجيل وخمس كاسات ، الوعد باكر تمسون على خير.
وينفض المجلس ......
تعليقي أنا الناقل لما جرى : ............لا تعليق.......
بعض البشر طبعه مقدر ومحشوم ***** وبعض البشر عيبٍ عليك احترامه
واللي ستر عيبه عن الناس بهدوم ***** وش يستره لا صار عيبه كلامه
تحياتي : ابوحاتم