السلام الصعلوكي الشيطاني [الأرشيف] - موقع رفحاء منتديات رفحـاء

الوااايلي

25 Oct 2002, 03:05 PM

السلام .. الصعلوكي .. الشيطاني ..!!!
قصيدة تتسلق على أغصان ثمانين خريفاً

وتحتفل بعيد ميلادها العاشر0000

\

/

\

/

أمّي عطت كلّ الكرامات للغير

............. وشالت من اعماقي خيال الكرامة !

واسقت ظما ظلّي زلال وتباشير

................ وحروف شهدٍ من زهور السلامة

الشمس لاطالت عليها المشاوير

.................... رمتْ صميم أنوارها للظلامة

وانا جروحي لو سقتها المعاسير

............ غنّت على غصون السهر والعدامة

عجزت اقلّد بالخفا كفخة الطير

.......... وعجزت اسابق في دروب الشهامة

ملّيت من طعنة نصيب ومقادير

.............. ومليت من صيف العذاب وغمامه

لو كان صوتي مثل صوت العصافير

................. ماغردت فوق الأياكي حمامه

ولو تفهم النجمة غرام المساهير

................... ماهمّها صبحٍ تغنّى بْمرامه

لاشك اغنّي دام جرحي مشاوير

................والزاد ضيقٍ في ديار السلامة

لاضامني ليلٍ نخيت المسايير

........... ولاضامني صبحٍ جمعت الحطامه

أبسأل عيون اللقا والمعاذير

............ وابسأل حروف الشقا والندامه

ليه انْحنت للريح روس النواوير ؟

...........وليه انْحنت لليل شمس الكرامة ؟
------------------------------------------------------------
صالح الوايلي

القعـقاع

25 Oct 2002, 04:18 PM

من طووول الغيبات جاب الغنايم:)

هااااه بششششر وش جبت لي معك ؟؟؟:D :D

ليه انْحنت للريح روس النواوير ؟

...........وليه انْحنت لليل شمس الكرامة ؟

مشكووور على هالقصيده والله يعطيك العافيه ,,,