قصيــ بالوالدين ـــده

[رعب رفحاء]

قصيدتـي زاد بعيونـي جمالـهـا
واخذت أنقـي بالمعانـي جزالهـا

واكتب معانيها من الشوق والغـلا
لأمي وأنا اصغر شاعر ٍمن عيالها


كتبتها في غربتـي يـوم رحلتـي
لمـا طرالـي بالسفـر ماطرالهـا

امي وانا بوصف لهـا زود حبهـا
وان ماحكيت لها قصيدي حكالهـا

امي لها بالقلب والجـوف منزلـه
مكانـة ماكـل محبـوب نالـهـا

اقرب من ظلالي وانا وسط غربتي
وانا تراي اقرب لها مـن ظلالهـا

ماشافت اعيوني من الناس غيرها
ولا خلـق رب الخلايـق مثالهـا

اغلا بشر في جملة النـاس كلهـم
واكرم من ايدين المزون وهمالهـا

اتبع رضاها ورتجـي زود قربهـا
واللي طلبته من حياتـي وصالهـا

الصدق مرساها والاشواق بحرهـا
والعطف واحساس الغلا راس مالها

اهيم فيهـا وابتسـم يـوم قلبهـا
يسأل وانا قلبي يجـاوب سؤالهـا

وان اطلبتني شـي فزيـت مندفـع
اموت أنا واحمـل تعبهـا بدالهـا

واصبر على الدنيا والاحزان والتعب
واحمل على متني فطاحل جبالهـا

واسهر اعذب راحة القلب بالشقـا
واعيش اعاني بس يرتـاح بالهـا

تربية ابوي اللي على الطيب بذكرة
اللـي وهبنـي الحيـاه ومجالهـا

نور لي ادروبي وانا طفل مبتـدي
حتى تركني واحـد مـن رجالهـا

الوالدين اولى بالاحسـان لجلهـم
وأولى بتكريـم النفـوس وعدلهـا

اقولهـا وانـا علـى الله متـكـل
والله عليـم بقدرتـي واحتمالهـا

ياكلمة اغلى مـن النـاس كلهـم
ياشمـس بقلبـي بعيـد زوالهـا

يافرحة تملي لي الكـون باكملـه
ياشجـرة تكبـر ويكبـر ظلالهـا

تضحك لي الدنيا ليا شفت زولهـا
مثل السما تزهـا بطلـة هلالهـا

والبعد عنها ياهل العـرف ماقـدره
لاشـك نـاري زايـدة بشتعالهـا

ماعيش ببلاد ولاهيـب بأرضاهـا
ولابي عيوني كان ماهـي قبالهـا

أرض ٍ تدوس امي بالاقدام رملهـا
اموت فيها واندفـن فـي رمالهـا

[الخمساني]

قصيدة رائعة
دائما مبدع يا رعب رفحاء
يعطيك العافية

[رعب رفحاء]

انورت الصفحة بمرووووورك

[هاوي رفحاء]

يعطيك العافية

القصيده رائعه واتمنى لك الافضل دومآ يارعب رفحاء

[رعب رفحاء]

مشكور على مرورك العطر

[القروي]

بسم الله الرحمن الرحيم
الحمدلله
والله لم ار قصيدة في حياتي اروع من هذه القصيده
من حيث المعاني والتفعيله والمضمون زد على ذلك انها بأعز الناس واكرمهم عند الله وهم الوالدين
بارك الله فيك يارعب رفحاء وصح لسان الشاعر الذي قال فأجاد
وكل عام وانتم بخير .:typ

[رعب رفحاء]

مشكور على مرورك العطر