المساعد الشخصي الرقمي

مشاهدة النسخة كاملة : مشكلة الزوج وين تلاقيه البنت


المرجوجه
09 Nov 2002, 02:20 PM
السلالالالالالالالالالالالالالالام

قريت الموضوع هذا وعجبني.....
بس علقت عليه ......


مشكلة الزوج وين تلاقيه البنت

لا حجازي ينفع...لانجدي ينفع....لا شرقاوي ينفع...لاشمالي ينفع والحللللللللللللللل

و قبل لا نتكلم ندري إن اللي بنقوله ماهو شي معمم على الجميع و إن فيه الطيب و الخبيث. لكن وش الغالب؟!!!

و الحين

أقول يا أختي إن خذيتي واحد من الرياض #و طلع منهم# الله يصبرك على خوياته
(( خوياته... ايه هين .... يرجعني بيت أهلي أصرف..))

و إن خذيتي واحد من بقية نجد الله يصبرك على خناقاته
عاد اتحملي الألفاظ و خذي منها
(( اذا كنت ما غلطت عليه وطول لسانه ... فلساني أطول... وأعض بعد.. بس اذا غلطت أستاهل.. ))

و إن خذيتي واحد من الشمال الله يصبرك على يباسة راساته
(( مثل ما هو عنادي.. انا أعند منه ... وراسي أيبس منه... واذا هو شر... أنا شرشبيل...... واذا هو طيب انا أطيب منه .. ))

و إن خذيتي من الجنوب الله يصبرك على مخاته
(( ما أقدر أعلق... ما أدري وش هي مخاته هذا .. ))

و إن أخدتي لك واحد حجازي الله يهنيكي بتدليعاته
بس عاد ماهو حاصل الأهل يبون يعييون يعني انسي الموضوع
(( أصلا انا ما ابي... كلامهم يشل بلد وربي.. ))

و إن أخذتي شرقاوي الله يعينك على بحريناته
(( رجلي على رجله .. يروح البحرين معاه يروح الهند ان شاء الله معاه... والا ما يروح.. واذا عارض.......... أسويه سلطه.. واذا ما عرفت أقطعه .. أرجع بيت أهلي ... أصرف لي... من قعدتي مع صايع.. ))

و إن أخذتي ملتزم بلشتي به مو بعيد يجيك و يقول لك اخطبي لي!!!
(( اما عاد يقول لي اخطبي لي... والله أسوي مناحه .. ))

و إن أخذتي عادي بلشتي بعد. بالبيت يقعد يطالعلك بهالقنوات و إنت طنااااااااش و لا كنك موجودة. و ان طلعتي معه برا يقعد يطالع بحريم خلق الله و مو محترم حتى وجودك؟
(( يطالع التلفزيون ... معاه .. لكن اذا طالت السالفه .. بكسر التلفزيون على راسه .. اما الحريم اللي بره ... بفقع عيونه .. هذا اللي ناقص بعد............... ))




والحل...؟؟؟؟
ننطلق ببيت أهلنا أحسن...



وبسسسسسسسسسسسسسسسسسسسسس...


منقول....
مع التعليق.....


تحياتي.....
كنت نايم
09 Nov 2002, 06:16 PM
اختي المرجوجة ...

صراحة استغرب من موضوعك وانك معجبة به خاصة وان به كلام غير لائقة مثل ( خوياته ... فلساني أطول ... انا أعند منه ) لكن زدتي الطين بلة باعجابك بـ ( و إن أخذتي ملتزم بلشتي به مو بعيد يجيك و يقول لك اخطبي لي!!! (( اما عاد يقول لي اخطبي لي... والله أسوي مناحه .. )) ) !!!! صراحة استغرب انك تشوهين صورة الملتزمين بهذه الصورة وحتى لو كان مو كلامك مو مفروض تنقلينه.

اختي ... في شباب ملتزم وفيهم خير ان شاء الله والحمد لله انهم كثير لكن للاسف ان بعض البنات ( وياخوفي يكون اكثرهم ) لهم علاقات مع شباب صايع تافه فاخذوا فكرة ان الشباب زي بعض.

اختي ... عندما ياتي شاب فيه خير ويخطب بنت ترفضه بدون سبب مقنع .. اما انها تدعي ان مستواه غير مناسب او شكله غلط ( على حد زعمها ) او لاسباب اتفه من ذلك . لكن لو انها تركت الاحتكاك بالشباب صدقيني انها ستوافق فورا على هذا الشاب الملتزم.

اختي الكريمة ... عموما مشكلة شبابنا وبناتنا عموما انهم انساقوا وراء افكار هدامة ساقها لهم اعلامنا الفاشل ( لا ابالغ ان قلت الساقط ) فتجدين اراء يتمسك بها بعضها تمس عقيدته مثل قول ( ابي اامن مستقبلي!! ) وساذكر بعض الافكار الهدامة اللي شربها معظم شبابنا وشاباتنا حول موضوع تاخير الزواج :
1. قول تامين المستقبل مع ان المستقبل بيده اكرم الاكرمين سبحانه وتعالى
2. التعذر بالدراسة حتى يمر العمر ويحدث خلال فترة الدراسة العديد من المفاسد.

حقيقة الموضوع مهم وصعب حصره في مقال ولكن لنرجع لديننا وعلمائننا بدلا من قنوات السقوط.

اتمنى تقبل رائي بصدر رحب فالهدف والله مصلحة اخواني واخواتي الشباب.

والسلام عليكم ورحمة الله وبركاته.

اخوك / كنت نايم.
المرجوجه
09 Nov 2002, 10:11 PM
هلا اخوي كنت نايم...

أولا... بأول الموضوع انا قلت ان مو الكل كذه...
يعني الشي اللي مكتوب مو معمم على الكل..
ثانيا انت معترض على موضوع الملتزمين ... والكلام اللي انا علقت فيه وقلته ....
انا ما شوهت الملتزمين ولا قلت عليهم شي يهينهم او يصغر منهم او من شأنهم..
النقطه اللي كانت مكتوبه واللي كان عليها التعليق... هي مو ضوع انه يجي ويقول اخطبيلي..
ماقلت انه انسان سيء ...
اما تعليقي أسوي مناحه...
فأنا صادقه .. تخيل زوجي يجي يقول اخطبي لي.. مو أزعل..؟؟ ما أتنكد ..؟؟ ماأسوي مناحه..؟؟
غلط على الملتزمين ما اقدر أغلط أصلا... لأنهم ماشين على الطريق الصحيح .. وما يقدر أحد يعيبهم.. لا انا .. ولا انت.......
والكلام اللي نقلته ما يعيب أحد .. ولا يشوه أحد زي ما تفضلت وقلت ..
ومثل ما قلت لك بالأول الكلام ما كان معمم ..

اما الكلام الثاني اللي انت علقت عليه ...
مثل خوياته ..
انا أعند منه ..
لساني أطول..
ما أعتقد ان فيه شي يضايقك والا يضايق أحد...
أولا أنا أعند منه .. هذي ايش فيها..؟؟؟ العناد صفه موجوده بأغلب الناس... وما أعتقد اني غلطت بشي لما قلت الجمله هذي..
وبالنسبه لما قلت لساني أطول..
ليه ما اعترضت لما قلت انا انه طول لسانه..؟؟ ليه اعترضت لما انا قلت انا بطول لساني..؟؟

عموما........
مشكور لنقدك للموضوع.. وبصراحه ماني لاقيه سبب يخليك تتحامل علي وعلى الموضوع للدرجه هذي..
واللي على راسه بطحه يحسس عليها .. وكلن يرى الناس بعين طبعه ...


وعلى فكره .. انا كنت كاتبه موضوع قبل كذه.. كان عنوانه من وين تاخذ زوجتك.. يعني مره للزوج.. ومره للزوجه..

عموما...
مشكور.. ويعطيك الف عافيه .. ويا هلا فيك..
الحلوه أم قصه
09 Nov 2002, 10:31 PM
السلام اخوي كنت نايم اختي المرجوجه ما كانت تقصد يمكن انت فهمتها غلط اخوي انت كبرت الموضوع زياده عن اللزوم اختي المرجوجه احنا كلنا في المنتدى نحترمها وهي ابد ما كانت تقصد وبعدين هي ما تقصد كل الناس هي اكيد تقصد فئه من الناس مثل ما انت عرف الخير يخص والشر يعم عشان كذا ماله داعي انت تكبر الموضوع

يمكن انت شايل عليها من الصيف عموما احنا هنا في المنتدى اخوان ولا نرضى على بعض


والسلام
الأصيله
09 Nov 2002, 11:34 PM
مشكورة اختي المرجوجة على الموضوع الزين والتعليقات الحلوه
واحسن شي بعد يوم كتبتي ببدايه الموضوع
و قبل لا نتكلم ندري إن اللي بنقوله ماهو شي معمم على الجميع و إن فيه الطيب و الخبيث
والملتزمين الله يخليهم ويوفقهم مثل ما قلتي ما احد يغلط عليهم
بس انه يقول اخطبي هذي عاد لا ملتزم ولا غيره
ورفض الملتزم صدقوني ما احد يرفض على شان دينه بالعكس البنات ودهم بالملتزم لكن الرفض يجي لاسباب اخرى
لكن ان البنات لهم علاقات مع الاولاد فهذا يعني ان الاولاد لهم علاقات مع البنات
وبالتالي الطيبون للطيبات والخبيثون للخبيثات هذا كلام الله
والي يعيش باجواء الفساد هو الي يحسب كل الناس كذا او اغلبهم ولاننسى ان الزنا دين والي يحسب نفسه يلعب بنات الناس
اختي ام قصة انتي دائما مبدعة ونبيله
كنت نايم
10 Nov 2002, 05:53 AM
مرجوجة ...
اولا مو ان الواحد يقول كلامي ما يعم معناه انه ياخذ راحته بالكلام بدون تدقيق.

انتي صورتي ان الملتزم انسان مغفل لدرجة انه مو بعيد يطلب من زوجته تخطب له !! ( و إن أخذتي ملتزم بلشتي به مو بعيد يجيك و يقول لك اخطبي لي!!! ) وهذي واضحة وضوح الشمس. وبالنسبة انك تنكدين او تزعلين فهذا شي طبيعي لكن انك تسوين مناحة فهذا غير مقبول من انسانة يفترض انها مسلمة.

قلتي ( ليه ما اعترضت لما قلت انا انه طول لسانه..؟؟) مانتقدت كل كلامك لكن اخذت امثلة منه واللي تخص ردة فعلك .

مدري وش قصدك بالبطحاء اللي احسس عليها !!!

ما اتحامل عليك لكن انتقد موضوعك وبشدة واتمنى ان لا يكون يعكس شخصيتك . عموما ليس عيبا ان يخطي الانسان ولكن العيب ان يستمر بالخطا.

الاخت / الحلوه أم قصه

وعليكم السلام ورحمة الله وبركاته

اول شي اعجبني انك سلمتي الله لا يحرمنا من تحية الاسلام ويحرمنا من هاي اللي طايحين فيها مثقفين الغفلة.

اختي المحترمة اتمنى والله انها ما كانت تقصد واني فهمتها غلط وان تفكير بناتنا اكبر لانهم امهات للجيل القادم. اتمنى قريتي ردي لها.

من قال اني شايل عليها من الصيف ؟؟!! بالعكس الا اشارك معها ومع غيرها وانتقدها وانتقد غيرها . وعلى فكرة انا اخر واحد يزعل وخاصة من بنت لانه يجب يكون شي داخلنا يمنع الرجال يغلط على البنت والعكس اشد واحس انه ضعف الغلط على البنت لانها اصلا ضعيفة حتى لو لقت رجال تمشيه على كيفها.

والسلام عليكم ورحمة الله وبركاته.

الاصيلة ...

صدقتي والله ( الطيبون للطيبات والخبيثون للخبيثات) فعلا هذي ملاحظها من زواجات الناس ، الاحظ رجال فيه خير يتزوج بنت عاقلة والعكس.

ابي انصحكم نصيحة ... اذا تعزون احد صارحوه وعلموه بعيوبه قبل مميزاته.

وسلامتكم.
المرجوجه
10 Nov 2002, 03:05 PM
هلا فيك اخوي كنت نايم..
ماراح أعلق على شي من اللي انت قلته..
لأنك قاعد تسوي سالفه من لا شيء...
الا اخر جمله ليس عيبا ان يخطي الانسان ولكن العيب ان يستمر بالخطا.
انا ما أخطأت..............
ومشكور ويعطيك العافيه ..

مشكوره اختي ام قصه واختي الاصيله ..
ويعطيكم العافيه ...
كنت نايم
12 Nov 2002, 03:16 AM
مرجوجة منتدى موقع الضباب...

اذا كان تشويه صورة امل هذه الامة الاسلامية وهم الشباب الملتزم لا يعتبر خطأ اجل وشو الخطا برايك؟؟!!

يا بنتي ما دورت اخطائك وزي ما مدحتك بمشاركات انتقدتك بمشاركات الا اذا كنتي تقبلين المدح وترفضين الانتقاد . ابي اكلمك بصراحة وشي ملاحظة خاصة باكثر البنات وبعض الشباب وهو ان الواحد يحب يمدحونه الناس حتى لو كان كذب ... يعني يستانس اذا ضحكوا عليه . وشكلك تبين ردود من هالنوع :
1. كلام كبير
2. ذوقك رفيع
3. اسلوبك رائع
الخ ومن هالكلام اللي صار ينقال بدون حساب !!!

وبعدين ابي اسالك ... ترضين ان احد يمدحك بشي مو فيك؟

قبل ما اخلص كلامي ... نهاية حلوة يوم قلتي(ماراح أعلق على شي من اللي انت قلته ) اللي يسمعك يقول ان عندك رد !!! مع انك شوهتي صورة الملتزمين بانهم ( بلشة ومغفلين !!!! ).

كنت نايم .
salah
12 Nov 2002, 04:12 AM
تحيات طيّبات اختي المرجوجة
اشكرك شكرا جمّا على اختيارك الجميل وتعليقاتك التي زادت الموضوع بهاءا , فلقد دفعني موضوعك الى كتابة بضعة تعليقات على الألفاظ التي وردت فيه , ستجديها في المنتدى انشاء الله .

ادعو الله انّ يمنّ عليك وعلى اخواني في المنتدى في هذا الشهر المبارك موفور الصحّة والعافية

صلاح
الأصيله
12 Nov 2002, 01:46 PM
اذا كان تشويه صورة امل هذه الامة الاسلامية وهم الشباب الملتزم لا يعتبر خطأ اجل وشو الخطا برايك؟؟!!

يا كنت نايم
الله يرحم والديك وش التشويه
هي ما قالت ارهابيين مثل الاذاعات والجرايد والخنيفر وش رديت عليهم

المعذره الي خلاني اكتب يمكن بقسوة
قبل شوي شفت الفلم الي حاطه اخوي الشمال المنسي
رح شف التشويه رح شف الفعل رح رد على الموضوع رح سو شي
ادع بقيام وبصلاتك
يا ناس تقولون تشويه شباب الامة بعد:confused: :confused: :confused:
اي امه هذي يا شباب الامة
ولو قال لزوجته اخطبي لي ليش تعتبرونه مغفل بالعكس هذا شي زين احسن من الي ما تدري الا ويقول تراني ملكت او يجيها الخبر من صديقاتها على القليل يكون لها مجال للتفكير ويمكن تنجح برده عن الزواج
ولكن هذا ماهو معناه ان المراه لو طلب منها زوجها انها تضحك وتستانس الا ان كانت انسانه غير عاديه باحتساب الاجر
اكيد بتزعل وتتضايق وتسوي الي تقدر عليه
يمكن انت ما تتخيل الشئ لانك رجال وتحسب الامور عاديه
على اعتكاف بالمسجد ماذا قال الرسول صلى الله عليه وسلم
الحلوه أم قصه
12 Nov 2002, 09:00 PM
يا اخواني انتو كبرتو الموضوع زياده عن اللزم اختي المرجوجه ما كانت تقصد وهي ابد ما ترضى انه تقول كذا على الملتزمين ما يصير يا اخوي كنت نايم تظن فيها والله حرام انه بعضالظن اثم وماله داعي يكبر الموضوع زياده عن كذا

واتمنى انه ما احد يزعل

والسلام عليكم :)
المشرف العام
13 Nov 2002, 11:21 AM
الأخ كنت نايم (( m9looo"7 سابقا ))

لقد أعطيناك الفرصة تلو الفرصة تلو الفرصة

وكنا نرجوا برجاء اليائسين أن تتحسن أمورك وأن تكتب مواضيع هادفة وبحكم بعدك عنا فقد كنا نحاول ان لانمنعك من الكتابة

والآن

هل لديك ماتقدمه لهذا الموقع غير اثارة البلبلة والمشاكل ومحاولاتك الغير مجدية ؟؟؟؟
العفريت
13 Nov 2002, 04:42 PM
===


عساماشر ياشباب00 وش السالفه

تبون فزعه00 ماسنجرونى هههههه

المرجوجه موضوع جمييييييييييل مره

ولا عليك من احد او سبت ههههه

واصلى وننتظر المزيد


لك تحياتى

العفريت