أبو الفوارس يزعل ويكتب قصيده.... الله يستر!!

[فارس بلا جواد]

اخوكم فارس (اللي مضيع فرسوه) بلا جواد غثوه الشباب خوياه وشبلاك متغير؟؟ وش بك زعلان؟؟

عسى ما شر يا فارس؟؟ وش علمك يا ملا الغنيمه مكتم؟؟

الوكاد محسوبكم ابو الفوارس كتب له كم بيت يعاتب خوياه ويعبر عن مشاعره..... يقول ابو الفوارس:
تو تسئل عن جروح ن غايره=وين حرصك يوم انا منها طريح
انت دقق فالعيون الحايره=تعرف المكنون ويجيك الصحيح
تخبرك عنّي امورن صايره=تخبرك عن واقع الشخص الجريح
صحت انا من جور ناسن جايره=لي عذر من جورهم اني اصيح
ما دروا ان الليالي دايره= والظلوم يطيح لو طوّل يطيح
البنادق من جهتنا ثايره= لين يغلق باب جتنا منه ريح
يا طلال عروق قلبي فايره= ما لقيت بدنيتي شئ ن يريح

وسلامتن تسلمكم..... وللعلم ابو الفوارس يطقق بالشعر اذا اشتهى.......


ابو الفوارس

[فديت شمر]

صح لسانك وعلى شانك

الله يعطيك العافيه يابو الفوارس

[القروي]

الحمدلله
هلا بفارس على جواد !
الحقيقه قصيده تستحقّ المليون لأنها قليله في ابياتها كثيره في معانيها !
القصيده كما يقولون ( من عين ماء ) !!!
سلملنا على ابوالفوارس .

[البندق]

يعطيك العافيه



وصح لسان الشاعر

[ذيب حرض]

يعطيك العافية

[كان هناك]

تحيه مع رسالة ود , محمله بإيحاءات الرضا
إلى كل الذين ألهموك هذه المقطوعه النادره

أدامهم الله لك غاثين ... حتى يخرجوا مكنونات مشاعرك الجياشه ...
((( امــــزح لاتــــارم علمتــــك )))

لفتـــــــــــــــــــــــــــــــه :::

حق لك أن تترجل من جوادك ... في عصر تغير معه كل شئ
حتى الجياد الأصيله ماتت من الضيم حينما رأت جيلا من الكديش
مسلوب الأصاله يقودها إلى منطقة الهلاك بإراده من كديش
البشر , ففضلت الموت على الحياه حينما صار الموت
رمزا للعزه وللحفاظ على الأصاله ...


دمت مبدعا .... وللأصالة رائدا....

[الشمري ..]

صح لسانك ...

[فارس بلا جواد]

فديت شمر صح بدنك
عافاك الله وتشرفت بالمرور

القروي هلا بك اكثر
وانا كسبت المليون بكلماتك الرائعه والمرور المشرف

بس ما فهمت (من عين ماء) !!

البندق صح بدنك وعافاك الله

ذيب حرض الله يعافيك


عاشق الصحراء الله يسلمك على هالكلمات اللي والله انه تشرفن

الله يعزك ويرفع قدرك

وتسلم والله على هاللفتات الرائعه اللي تغطي على الابيات بحسن كلماتها ودقت تعابيرها

والتي تخبئ ورائها اديبا فذا والله اعلم.........

الشمري صح بدنك

وتقبلوا تحيات ابا الفوارس

[القروي]

فديت شمر صح بدنك
عافاك الله وتشرفت بالمرور

القروي هلا بك اكثر
وانا كسبت المليون بكلماتك الرائعه والمرور المشرف

بس ما فهمت (من عين ماء) !!البندق صح بدنك وعافاك الله

ذيب حرض الله يعافيك


عاشق الصحراء الله يسلمك على هالكلمات اللي والله انه تشرفن

الله يعزك ويرفع قدرك

وتسلم والله على هاللفتات الرائعه اللي تغطي على الابيات بحسن كلماتها ودقت تعابيرها

والتي تخبئ ورائها اديبا فذا والله اعلم.........

الشمري صح بدنك

وتقبلوا تحيات ابا الفوارس

هلا ابو الفوارس ( من عين ماء ) يعني من شاعر ماهي من متعلّم ولك تقديري !

[فارس بلا جواد]

تسلم والله يا بعدي

تشرفت بالتوضيح والمرور

ابا الفوارس.......