((لا قلت حايل ترقص السامريه&& ولا قلت شمر قال بحر الندى سم))

[شمريه قطريه]

قلبـي يحـب العـزوة الشمريـه
ومن قال أنا من حايل ٍ لي ولد عم

شاب الزمان وتـوّ حايـل صبيـه
لو ما حكت ما احدٍ على عمرها نم

لا قلت حايـل ترقـص السامريـه
ولا قلت شمر قال بحر الندى سـم

بين المدايـن مـا لحايـل سميـه
ومثل الطنايا بين كل العرب كـم ؟!

وان وردوا السناعيس حوض المنيه
شعّت بروق سيوفهم وامطـرت دم

حنـا معازيـب السنيـن الرديـه
لا صارت الشيمة على غيرنا هم


للشاعر والكاتب: احمد العريفي

[القروي]

الحمدلله

سلمت يد خطته وقلب حفظه وروح تعلّقة بحائل
وصح لسان الشاعر العريفي الذي قال فأجاد

[فارس بلا جواد]

صح لسان الشاعر والناقل

[الـوايـلـي]

[

اهداء الى كل من يحب حايل العزيزه من اعضاء وزوار المنتدى الغالي ارجوا ان تنال اعجابكم ردا على الاخت شمريه قطريه ونقلها عن احمد العريفي الشاعر المعروف من اهل حايل اهديكم هذه الابيات المتواضعه



كلن يحـب العـزوه الشمريه = كود الحسود اللي على كبده السم
واخص حايل والجبال العـذيه = اجا وسلمى شوفها يجـلي الهـم
ذكرتني وديانها والشغـيه= ومـشـار والعـدوه وبرزان يسلم
ياشمريه ياخـتنا ياقطريه= نقـلك عن احمد ليته اليوم ماتـم
حايل ابحبه ماتبيله وصيه= اللي عرفها عقب فرقاه يندم
الله يحقق رجعتي يم حيه= لاومابها ليه مصالح ولاعم
اما الطنايا نعم ذيك السميه= مثله مثل وايل بعيده عن الذم

[شمريه قطريه]

الأخ القروي
صح بدنك وشكراا لمرورك الكريم واتشرف بحضورك بمتصفحي..
كل التقدير لك..

[شمريه قطريه]

فارس بلا جواد
صح بدنك وشكرا لمرورك الكريم
كل التقدير لك...

[شمريه قطريه]

الاخ العزيز الوايلي
صح لسانك وعلا شانك رد جميل منك.. وابيات جزلة تستحق الثناء
شكرا لبوحك وشكرا لشخصك الكريم ومو غريبه على شاعر من الويلان يرد بهذه السرعه والجزاله
ولكن لو تحط القصيده منفرده بمنتدى الشعر افضل لان ردك لي هو بمثابة قصيده
اشكرك مرة اخرى وكل ما يخطه بوح قلمك يعجب الجميع...
كل التقدير والاحترام لك يا بن الاجواد....

[ذويبان11]

كلن يطري عزوتن له من الناس*********وانا اطري عزوة الشمريه

[شمريه قطريه]

ذويبان11
شكراا لمرورك الكريم اخي الفاضل...

[رفحاوي]

[

اهداء الى كل من يحب حايل العزيزه من اعضاء وزوار المنتدى الغالي ارجوا ان تنال اعجابكم ردا على الاخت شمريه قطريه ونقلها عن احمد العريفي الشاعر المعروف من اهل حايل اهديكم هذه الابيات المتواضعه



كلن يحـب العـزوه الشمريه = كود الحسود اللي على كبده السم
واخص حايل والجبال العـذيه = اجا وسلمى شوفها يجـلي الهـم
ذكرتني وديانها والشغـيه= ومـشـار والعـدوه وبرزان يسلم
ياشمريه ياخـتنا ياقطريه= نقـلك عن احمد ليته اليوم ماتـم
حايل ابحبه ماتبيله وصيه= اللي عرفها عقب فرقاه يندم
الله يحقق رجعتي يم حيه= لاومابها ليه مصالح ولاعم
اما الطنايا نعم ذيك السميه= مثله مثل وايل بعيده عن الذم



صح لسانك يا محبوبي ...

كلمات رائعة وراقية وشعر قوي وغزير ...

أفضل بكثير من الشعر اللي خلى حايل ترقص ... وكلمات مجمعة تجميع تايوان ...

[الـوايـلـي]

اخي ومحبوبي رفحاوي شكرا جزيلا على المرور والرد الجميل ....... لاتعليق