النخوة الوايلية....>>>>ردا على الوايلي<<<<

[فارس بلا جواد]

هذا رد على الاخ الوايلي على قصيدته اللتي رد بها هو ايضا على الشمريه القطريه

وهو من باب رد الجميل كما قال الشاعر راكان ابن حثلين مخاطبا ورادا على الامير حمود العبيد ال رشيد

حيث قال :
الاحسان يا ابن عبيد يجزى بالاحسان=والشر تنطحه الوجيه الشريره
الذم مايهفي للاجواد ميزان=والمدح مايرفع يدينن قصيره
ماقل دل وزبدة الهرج نيشان=والهرج يكفي صامله عن كثيره
حي الذي يمدح و حيه و حيه=حيه وحبه فوق راسه وسلم
حنا نجازي من مدحنا بزيه=ونغليه لو ما هو قريب ولد عم
نعمين ياهل النخوة الوايليه=عيال وايل كاسبين المكارم
اهل الوفاء والطيب واهل الحميه=ولا جاء نهار الكون انعم واكرم
قلته وانا من لابة شمريه=من روس شمر وانتخي بالضياغم
من قبل وقت الشرك والجاهليه=حامين حايل بالسيوف الصيارم
اشكرك انا والشكر واجب عليه=يالوايلي تسلم وتسلم وتسلم

ارجو انها وفت وكفت يالوايلي
وايضا ارجو اني رديت ردا موفقا عنكم ياشمر

[الـوايـلـي]

اشكرك انا والشكر واجب عليـه
يالوايلي تسلـم وتسلـم وتسلـم

شكرا اخي (فارس بلا جواد) هذا وشلون لوعندك جواد اخي كفيت ووفيت وصح لسانك ونحن اخوه في الدين والدم واللغه والعادات دمت بود واقبل هذا البيت المتواضع



يافارس بليا جواد *** تحيتك وصلت لنا
شمر هل افعولن وكاد= بالطيب والا بالطنا
يوم المغازي والشداد= والسيف ورماح القنا
واليوم نعمه بالبلاد= الله يعز ملوكنا

[شمريه قطريه]

فارس بلا جواد
صح لسانك وعلا شانك
لله درك ..قصيده جزله ويستاهلون الويلان المدح والثناء
تسلم يمينك وكل تقديري لك....

[رفحاوي]

صح لسانك اخوي فارس بلا جواد انت والوايلي ...

مشكورين على الشعر الراقي النظيف ...

اغسلوا كبودنا من شعر الرديين واذنابهم ...

[فارس بلا جواد]

حياك الله يالوايلي وصح بدنك

صدقت نحن قبل كل شئ اخوة في الدين واخوة في الوطن

وتسلم والله وصح لسانك ولاهو زود عليك وكل شئ مقبول منك ..

واشكرك مرة ثانيه وعلى الرحب والسعه

فارس

[فارس بلا جواد]

الاخت القطريه الشمريه صح بدنك

وحياك الله وعيال وايل يستاهلون اكثر

تسلمين والله وعلى الرحب والسعه

فارس

[فارس بلا جواد]

رفحاوي.. صح بدنك

وتسلم والله وهذا هو المطلوب اللي نسعى وراه

حياك الله

فارس

[القروي]

الحمدلله:

صح لسانك يأبن ظيغم ولسان الوايلي
مشكورين على تسابق الطيب ورد الثناءmic
والشكر للبادي شمريه قطريه بارك الله فيكم وفي مسعاكم ومغزاكم وحسن نواياكم .

[الـوايـلـي]

الاخ ـ رفحاوي الغالي انت الراقي بكلماتك الراقيه التي تنم عن اخلاقك الطيبه وابشر بعزك
اختي شمريه قطريه /تستاهلين العافيه
اخي وعزيزي فارس بلا جواد مدام كل شي مني مقبول فاقبل مني تحياتي واشواقي يافارس الكلمه وعلى الود نلتقي
اخي القروي الشكر لله ثم لمثلك وشرواك الذين يشجعون مثلنا على التسابق لفعل الطيب وقوله


دمتم جميعا برعاية الله وحفظه من كل مكروه

[فارس بلا جواد]

القروي صح بدنك يابعد حي

الله يبارك فيك وعلى الرحب والسعة

فارس

[فارس بلا جواد]

الوايلي حياك الله

تسلم والله يابعد كبدي

حياك الله ورفع الله قدرك

فارس

[كان هناك]

كفو يالضيغمي
مررت على عجل لأسجل لك شكري

[فارس بلا جواد]

العفو يا عاشق الصحراء

دايم مستعجل بس لا تحرمنا من هالطلات

حياك الله

[ذويبان11]

خوووووووووووش قصيده

[فارس بلا جواد]

ذويبان مشكور على المرور

[هديل]

صح لسانك ولسان الوايلي

[فارس بلا جواد]

صح بدنك هديل

تشرفت بالمرور