بدهان الشمري ينخا القبايل.....

[عروووبة]

سميت بسم منـزل النـور بكتـاب
............................ كشاف سر اللـي غريـب وغايـب
علام دورات الكواكب والأوجـاب
.............................محيي هشيم القاع عقـب الجدايـب
رب خلقنـا للمصايـب والأسبـاب
.............................نعيش بالأقـدار هـي والمصايـب
يالله يافـارج غثـا كـل منصـاب
.............................يارب يا تايـب علـى كـل تايـب
عبد طلب رحمتك يارب مـا خـاب
............................وليا طلب غيـر عنـك رد خايـب
ياعل شي نطلبه يـا عسـا مجـاب
............................يا فارج الضيقات هـي والكرايـب
شي كتب باللوح من رب الأربـاب
...........................دنيـاك يابـن آدم زمانـه عجايـب
يالله احس بداخل القلـب مشهـاب
..........................نار بجوفي وسطها القلـب ذايـب
عيني قزت والجفن بالنوم ماطـاب
........................تذرف دموعه فوق خـدي سكايـب
اصيح وانخا ملوكنا من ورا البـاب
........................انخـا السعـود محلليـن النشايـب
انخا ابو متعب بالملازيـم ماهـاب
........................بوجه قبل ذرع الكفـن والنصايـب
ياخـادم البيتيـن يانـزه الأشنـاب
........................ياسيـدي قفـوي عجـوز وشايـب
انخا ملكنـا مالنـا عنـه مجنـاب
.......................غيث على كـل القبايـل سحايـب
وانخا ولي العهد سلطـان لـولاب
.......................حلال عسرات الأمـور الصعايـب
يا ذيب ياحر علـى راس مرقـاب
.......................يا سيدي وجهي بـه الـدم رايـب
حكم نفذ أنخاك به قطـع الأرقـاب
.....................انخاك فكن يـا عريـب النسايـب
وانخاك يا مشعل قمر دنيتي غـاب
.....................انخاك فكـن ياعطيـب الضرايـب
من قبل حد السيف يسحب بالأنصاب
.....................والراس يقطع مع عروق الترايـب
انـا دخيلـك قافـي ديـن طـلاب
.....................العمـر ملفـاه الفنـا والذهـايـب
انخا بها مقرن سبع غـاب ويهـاب
...................زبن الذي عمـره همـوم وكآيـب
كم واحد فكه عقب عـد واحسـاب
..................فرح به امه عقـب ماكـان غايـب
انخـا واثنـي للقبايـل والاجنـاب
...................شيوخ نجد انخاه حاضـر وغايـب
انخا عتيبه روق سبعـان واشيـاب
...................وانخا بني وايل رجـال الحرايـب
وانخا بني مره وقحطـان ياذيـاب
...................وانخا الدواسـر متعبيـن الركايـب
وحرب الحريبه للمعاديـن حـراب
...................ومطير مع قحطان ربعـن قرايـب
وبني عطيه يا حصل فيه ضبضـاب
..................وبني صخر يا محتميـن النجايـب
أنخا ابي فزعة بني يام الاصحـاب
.................وجهينه انخاهـم صغيـر وشايـب
ودي بفزعتكم عن السيـف قصـاب
.................تسببـو عسـا تصيـب السبـايـب
توجهـو يـم الشـرارات طـلاب
.................وعند الشرارات اظن ماهو بخايـب
قبيلـة للطيـب والعـز شــراب
...............هل الصخا يـوم المعيشـة نهايـب
يا جاهم العاني خذو هدف الارقابا
................للـي عطاياهـم نيـاق حـلايـب
سلام ما ذعذع من الغرب خنيـاب
................وماناحت الورقا بـروس الجذايـب

[الصقر]

اللهم يارب فك اسره ، وكن عونا مع الساعين للخير على ( قبلان الشراري ) ليعفوا عنه

[flower]

اللهم فك رقبته

ابيات مؤثره جدا" ... اتمنى ان يعفى عنه

[همس شاعر]

اللهم فك رقبته


اللهم لين قلب قبلان الشراري ليتنازل


قصيده محزنه وصادقة

[القروي]

الحمدلله

قصيدمؤّثره الله يهدي قبلان .

[عاشقةالفردوس]

الله يجزاك خير
ابيات مؤثره جدا" ... اتمنى ان يعفى عنه

[الشاعر/ المقتنع]

الله يعين

واللي كاتبه الله بيصير

مشكور أخوي على تجاوبك مع هالحدث

احترامي لك

[عبيد عويد]

عسى الله يهدي قبلااااااااااااااااااااااااان لعتق رقبة بدهااااااااااااااااااااااااااااااااااااااااااااااا ااااان


اميييييييييييييييييييييييين يلرب العالمين

[ضاحي الغاوي]

والله مؤثره جدا


اسأل الله ان يفك اسره وان يعفى عنه


(( قل لن يصيبنا الا ماكتبه الله لنا ))

ودمتم

ضاحي الغاوي

[عروووبة]

جزاكم الله خير على المرور والدعاااء الصادق

ولا أقول إلا يارب تفك كربت بدهااان

وتكفى يقبلان تكفون ياشرارات

[رعب رفحاء]

مايرجع المقتول فـي قتـل بدهـان=ووالله لـو يرجـع لاقـول إقتلونـي
وتكفى وأنامديون لك وإنـت ديـان=غمض عليهـا وأعتقـن لا تهونـي


الله يكتب له الفرج


ويعطيك العافية اخوي عروووبة
على نقل القصيدة

[عجائب رفحاء]

الله يعتقه ان شاء الله واللي كاتبه الله بيصير

[رفحاوي]

بدون زعل


وش سالفته هالبطل ؟!!

[ليث]

قصيده رائعه عروبه

[عروووبة]

جزاكم الله خير على المرور وأمين إن شاء الله يستجيب منكم

أخي رفحاوي لازعل ولا شي ؟!!!!

كما تواترت لنا الأخبار إن بدهان الشمري تشاجر مع الشراري وبساعة غضب وحضور الشيطان قتل الشراري والظاهر من قصيدته في اخر الأبيات أن فيه من تسبب بالمشاجرة وكذلك واضح من كلام المشايخ جزاهم الله خير...

لاكن اللى جعلنا نتعاطف معه
1- أن السالفه سعى بها مشايخ كرام ولو كانت السالفه فيها شي ماسعوا فيها أمثال الشيخ عائض القرني والشيخ على المالكي والشيخ سلمان العوده

2- أختصرها في بيتين
لعيون شايب قال تكفى يقبلان ... لاترملً العــام ماتــو عيالى
وللشمري اللى نخا كل طنيان ... ولدمعة عجوز اللى تبكي الجبالي

3- نسعى بالخير عسى ربي يكتب لنا الأجر.. ويحزنني إن هذا اللى أقدر عليه