معجب من حفرالباطن برفحاء

[الوسام]

أنا من الحفر وذهبت الى محافظة رفحاء الجميلة يوم من الايام اول مره في حياتي اشوف رفحاء فذهلت من التطور من الاسواق وخاصة العلاوي والشوارع النظيفه وكتابة الاحياء والاشارات الرقمية وغير ذلك كثيركثير وسكانها كلهم كرماء والنععععععععععععععععععم فيهم ومن بينم الجروان من شمر تقهويت عندهم بس سالت وعرفوا اني ماني من المنطقه أمسكويني غصب وتقهويت وامسكوني على العشاء وتخلصت منهم بالروح التاسعه.....سراحه أهنيكم ياأهل رفحاء في منطقتكم وفي مجتمعكم المتماسك :typ

[القروي]

الحمدلله
جزاك الله خير هذا من رد الجميل
اهلاً بك في وطنك الصغير المنتمي للوطن الكبير وحياك الله .

[أمير الشمال]

ماعليك زود ,,

وحياك الله بأي وقت ..

[فـروان]

من الناحية الأجتماعية
أهل رفحاء ما يحتاج إذا كنت بينهم ما تحس بالغربة
أما من ناحية التطور
لا رفحاء متأخره كثير

[طير % شمر]

حياك الله عند اهلك يا ابو الليد
قال الشاعر : حي الضيف لاجاك زاير :::::::::: واضحك بوجهه ولا تكون عبيس
الاجواد مثل الروض يزهولندى::::والانذال صم ومحل وقطيعه ويبيس

[الشريهي]

أهلا وسهلا بمن زار ومن سيزور.

[الشقردي]

دعايه حلوه وباسلوب جديد للجروان مانسبهم ونقول والنعم بالطيب من وين ماكان بس فيه كرماء واجد مو بس الجروان من شمر او قبيله بعينها
واقول حاول مرتآ اخرى بشكل افضل

[الوسام]

لا تزعل يالشقردي أنا عميت بالمدح كل أهل رفحاءوقلة والنعم فيهم وخصية الجروان لما حصل منهم من موقف معاي والله مالي اي صله فيهم وانا ماني من قبيلة شمر لكن الحق ينقال والطيب مثل الين ينذكر وأنا اخوك,,,,,

[الوسام]

أرحب بكل أخواني اللي رحبو فيني من الاعضاء وكلهم على راسي القروي وأميرالشمال وفروان وطير شمر والشريهي والشقردي أحبـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــكم

[مشاكس]

حياك الله اخا وضيفا على رؤوسنا ويا اخي الشقردي المدح مباح وليس من مانع لذلك والجري رجال فيهم من الخير فيما فيك والثاني والثالث فلا توبخ اخينا على حلو كلامه
يالوسام كلامك تاج على الرؤوس بارك الله فيك

[قناص الشمال]

تسلم أخوى على المديح المفرط لمدينه رفحاء والعيوب كثيرة اهمها
أين المجمعات وليس فى رفحاء سوي مجمع واحد وهو العلاوى اليتيم ولا يصح اصلاً ان نطلق علية اسم مجمع بل أنه صغير جداً مقارنتا فى مجمعات حفر الباطن وثانياً الكتابات الموجودة فى الشوارع والجدران البيوت والمدارس ولم تسلم المؤسسات الحكومية من الكتابات عليها وأين الشوارع الجيدة بل انها كلها حفر واذا اردت ان تقوم بأصلاح سيارتك تبحث عن ورشة سنعه مافية الا ورشه او اثنتان وأين الفنادق وأين وأين وأين وأخيراً اقول لك أخى العزيز تسلم على المديح المبالغ فية كثيراً لمدينه رفحاء








( قناص الشمال )

[ابونايف]

اهلآ وسهلآ بمحافظة رفحاء لجميع الزوار
مشكور اخي الزائر لهذا التشجيع للمحافظه واهلها !

[شامي الدهيمان]

هــــــــــــــــلا وسهـــــــلا

أخي بين اهلك وربعك وشكراً لرد الثناء ويستاهلون الشيخ/ عيد الجروان وأخوانه كل خير

[الوسام]

اولا ياقناص الشمال لاتذم رفحاء أنا غريب وفوق هذا ماأرضى عليها لاني كنت أضن رفحاء صغيره وماهي متطوره لكن شاهد قفزه طيبه لكن أنت منت حاس وهذا طبيعي ونشاءالله للاحسن يارب
ثانيآ مشكور يامشاكس وأنت والله فوق رأسي والجري كلهم بعدوغيرهم كل من سكن رفحاء
ثالثا السلهومي يعطيك العافيه وفعلا أنا بين أهلي وربعي وأنا من الحفر ومن حبكم دخلت منتداكم العامر
أخوكــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــم
الوســــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــام

[ابو رنومه]

بصراحه كلامك 100%
وانا من الناس اللي جربت
كنت ابحث عن منزل للايجار خارج المكاتب وربي وكيلك كل ماجيت اسال اي واحد
يقد يحلف الا اتقوه او اتعشاء ومطارح علشان يفكني
وصرت اسأل من بعيد لبعيد ؟stp :p :p stp

[ابو فيصل الشيحي]

شكل المدينه ما يهم.

اهم شئ كرم اهل الديره.

والله لو كانوا ساكنين ببيت شعر.

اهل رفحاء عالي صيتهم.ولا يحتاجون شهاده مني.

>>مطلوب امنيا من قبل منتديات رفحاء, لذلك لن اخرج من حفر الباطن.


.


.

[الاميرة الوردية]

مشكورة اختى ................................

[ذويبان11]

حياك ربي ولا يهون اهل الحفر

[هديل]

حياك الله بينا

[رايح بس راجع]

يالله انت حيه ...وانا اقول ليه رفحاء منوره هالايام اللي مضت .
يالشقردي وان مدح بناس قامو بالواجب عنك تجاه ظيوف ديرتك وش يغيضك؟

الطيب عمره مايضيع عند الطيبين وليتك دوم تبدي محاسن النيه على مساوئه يا الشقردي

صحيح ان المقوله (كلن يرى الناس بعين طبعه) ماقيلت عبث .