خلصوا من التحويلة وما زالت المطبات موجودة

[عبد العزيز]

السلام عليكم ورحمة الله وبركاته


دام التحويلة والسريع اللي لكم مدري كم عليه خلص ليه ما تشيلون المطبات اللي بنهاية الشارع الأصفر إذا كنت متجه لحفر الباطن ولا بس حب تكسير سيارات خلق الله الظاهر لكم نسبة مع اللي يبيعون مساعدات سيارات ففتي ففتي .



شيلوا مطباتكم اللي مالها داعي فضلاً لا أمراً



والله يعيننا على بعض الأمور .

[o_l_ll l_i_l]

أخــوي مشاريع وصيانــة الطرق سرقة في سرقة مثل عين الشمس

مثلا : لو نزلت مناقصة صيانة طريق معين بخمسة مليون يتفق الي عنده المناقصة مع مقاول

بثلاثة مليون ومليونين في جيبه والمقاول يكتب قيمة العقد معه فعلا بخمسة مليون

والمقاول ينفذ المشروع بمليون واثنين في جيبه وينفذه أي كلام عشان يسوي له صيانة فيما بعد

ويتقاسم كعكة الصيانة مع الحرامي الاول

ومين المتضرر الاول والاخير طبعا المواطن

وياكثر الحرامية والي ماعندهم ضمير هالاياام

طيب وين المراقبين وين المتابعة ( قصو يدي انهم مشاركينهم الكعكة )

مانقدر نقول إلا

حسبنا الله ونعم الوكيل

[عبد العزيز]

مشكور اخوي لنا الله على مرورك الكريم


من ناحية الأكل ما لنا شغل فيهم لهم رب يحاسبهم لكن هالمطبات اللي مخلينها هنا المشكلة ياخي كسرت سياراتنا وسيارات خلق الله ولا لها أي داعي لا فيه تقاطع ولا فيه تحويلة ما ادري وش عليه تاركين هالمطبات .

[ليث]

من عيوني.... ابشر خلال هالاسبوع ماتلقى اي مطبه