رجم الوصال

[سهرانه]

رجم الوصال


هذا ثمر قلبي تدلى قبل .. يأتي موسمه
........................................مدي يدينك واجمعي فرقاك من عذق العتب

أنا ثملت من الفراق اللي خذا وجهي سمه
..............................................شوفي ملامح غيبتك تقرا قبل لاتنكتب

في وجهي الشاحب وفي آهات صدري ونسمه
.........................................في ناضر عيون ٍ هميل الوجد منها ينسكب

يا نور لحظات ٍ غدت من دون وجهك معتمه
........................................وينك؟بدا هذا الحنين بجوف صدري يحتطب

ياحب ٍ إجتاح الضلوع وفج قلبي وقسمه:
....................................نصفين..وأزريت اجمع النصفين وغيابك سبب!

حب ٍ بقى لو واقعه مره بحاليه.. صدمه
................................عشق ٍ حيا رغم العطش في روض روحي معتشب

ليت الغلا ذنب ٍ تجناه الخفوق ويندمه
......................................... وليت الصبر جرم ٍ اليا طاولت همي يرتكب!

إلى متى وأنا اهين الوقت وأرجع واحشمه
................................وأنا على رجم الوصال اشرف.. وأنادي.. وأرتقب

ياأم العيون الفاترات الناجلات المغرمه
.....................................يا من رموش عيونها تشكي سبب عكش الهدب

يامبسم ٍ له ضحكة ٍ تنطق بشي ٍ تبهمه
................................................. يانبرة ٍ لامن حكت كل المعاني تنقلب

ياللي خذيتي خافقي قبل اعرفك واقدمة
.............................................. ياللي غيابك لحن ٍ تغنيبه أعواد القصب

عودي على قلب ٍ طواه الهم والشوق هزمه
......................................قلب ٍ معك غنايمه ضاعت ولاادري وش كسب؟

أنا انتهيت وشوقي بصدري بدت له همهمه
........................................جمر انتظاري سَمدت ناره وانا صرت الحطب

حتى ثمر قلبي تدلى قبل ياتي موسمه
......................................هزي طرف جذعه تساقط لك من عذوقه عتب!




صالح السكيبي

[ليث]

صح لسااانك ولسان السكيبي



الحمد لله على السلامه سهرانه

[رفحاوي]

الحمد لله على السلامة ...

طالعة من الشر ان شاء الله ...

[سهرانه]

سلمت يداك ليث

والله يسلمك من الشر

[سهرانه]

سلمت يداك رفحاوي

الله يسلمك من كل شر

[همس شاعر]

حتى ثمر قلبي تدلى قبل ياتي موسمه
......................................هزي طرف جذعه تساقط لك من عذوقه عتب!




صالح السكيبي




مااجمل هذه الابيات


هذه من اجمل القصائد اللتي سمعتها في الشعر النبطي عامة هذا ماقاله الدكتور غسان


سلمت اناملك اخت سهرانه واختيار موفق

[ديكتاتوري]

يعطيك الف عافيه خيتووو .. وصح لسان قايلها

[سهرانه]

سلمت يداك همس المشاعر

قصيدة حلوه بالمرررررررة

[سهرانه]

سلمت يداك دكتاتور

وصح لسانك انت بعد

[القروي]

الحمدلله

مشكوره يالمثالي .

[سهرانه]

سلمت يداك القروي

[زين تصفيح]

عز الله ان السكيبي شاعر

بس ياخسارة طلع بسبب التصويت ورسائل الجوال ..

يمكن عشانو مانخا ربعو !!

[شمري قطري]

تسلم ايدك وصح لسان قايلها
شمــــــــــــــري قطــــــــــــــري

[سهرانه]

سلمت يداك زين تصفيح

حتى لو ما نخاهم ما يقصرون

لكن متى يكون التصويت للشعر كان ما طلع

[سهرانه]

سلمت يداك شمري قطري