بنت تقصد باليلة زواج حبيبها .. آآآه

[ديكتاتوري]

السلام عليكم ورحمة الله وبركاته

ابيات اعجبتني وحبيت انقلها لكم .. من جد حزنتني ذي القصيده .. واتمنى ان تعجبكم


هذه قصيدة بنت حضرت حفل زواج حبيبها وقالت هذه الابيات

جاني الخبر ياصاحبي واظلم الكون .... قدام عيني ثـم نطقـت الشهـاده

علي العموم اقولها الـف مليـون .... مبروك من قلـب شكالـي ابعـاده

مبروك لايهمك سواليف واضنـون .... من عاشق يهديـك فرحـة فـؤاده

سو الفرح اليوم وابليـس ملعـون .... اللي يشب النـار يجنـئ رمـاده

انااول العالم علي القصـر يلفـون .... اول معازيـم الفـرح والـحـداده

ابشر انابرقص علي العرس بالهون .... كـل يعبـر فرحتـه باجتـهـاده

لو البلا رقصي يقولـون مزيـون .... المشكلـة القلـب يفـضـح وداده

يوم العذاري في دخولهن يغنـون .... وعروستك باحلي ثواني السعـاده

كنت اتمنـي بدالهـا والله اكـون .... واحط انا كفي تحت راسك وسـاده

واشلون ابكتم صرختي يوم تمشون .... تكفى .. خذنـي للعروسـه قـلاده

تحياتي

دكتاتوري

[هديل]

كنت اتمنـي بدالهـا والله اكـون .... واحط انا كفي تحت راسك وسـاده

واشلون ابكتم صرختي يوم تمشون .... تكفى .. خذنـي للعروسـه قـلاده

مسكينه تقطع القلب

الله لايبلاااااااااا؟؟؟؟؟؟؟؟؟؟؟؟؟؟؟


مشكوووووووووور دكتاتوري على القصيده

[زين تصفيح]

وانا من جد حزنتني (ذي) القصيدة

ياليت يوم نقلت القصيدة كمان نقلت الموضوع

باليله ؟؟؟ بليلة قصدك

اخبر الباليله >>> حبات الحمص !!!

[ديكتاتوري]

هديل .. العفوووو

مشكور على المرور

[ديكتاتوري]

زين تصفيح .. مشكور على المرور ياظريف

[تلسكوب]

القصيدة جميله وحزينه جدا
مشكور على النقل اخوي دكتاتوري

[شمري قطري]

تقطع القلب صراحه
مشكورين على النقل والله يعطيك العافيه
شمـــــــري قطــــــــــــري

[ليث]

تكسر الخااااااااطر وتحزن


مشكوووووووووووور

[ديكتاتوري]

تلسكوب .. العفو يابعدي .. وعاش من شافك

مشكور على المرور

[ديكتاتوري]

شمري قطري .. العفو

مشكور على المرور

[ديكتاتوري]

ليث .. العفو

مشكور على المرور

[الوسام]

صاحبة هذي القصيده وحده أسمه منيره وراح أكملكم الابيات الاخيره
حتى معازيم الفرح قاموا يمشون....وأصبحت أنا وحدي بدون استفاده
وأطفوا علي النورمن غير يدرون...قصرالفرح ياقير(منيره)ومهاده
وصيتي لوجاك بنت وأنا عليك أمون...تكفى سمها(منيره)قبل الولاده

[! حلم العمى !]

جبتها عالجرح وكنك مادريت
يعطيك العافيه

[رفحاوي]

باكر تاخذ له رجل وتنساه ...

مشكور دكتاتوري ...

[ديكتاتوري]

الوسام .. لله درك على اكمال ماتبقى من القصيده

مشكور على المرور

[ديكتاتوري]

حلم العمى .. إيه والله مادريت :^

مشكور على المرور ياجدي

[ديكتاتوري]

رفحاوي .. لو تزوجت .. بس ماالحبيب الا حبيب الاولي


العفوو .. ومشكور على المرور

[الوسام]

لاشكر على واجب في مروري عليك كلنا أخوان نكمل بعض.....تحياتي

[رفحاوي]

رفحاوي .. لو تزوجت .. بس ماالحبيب الا حبيب الاولي


العفوو .. ومشكور على المرور

مالحب الا للحبيب الاول طلع كلام جرايد يعني ماهو صز ...

مالحب الا للزوج الحنون ...

[ديكتاتوري]

الوسام كفووو يابعدي . عز الاخو والله

[ديكتاتوري]

مالحب الا للحبيب الاول طلع كلام جرايد يعني ماهو صز ...

مالحب الا للزوج الحنون ...


عاد انت يارفحاوي العالم بوادي وانت بوادي ثاني .. الحاجه اللي براسك مسويها مسويها الله لايعوق بشر

اعتقد لو انزل اسمي في الكامل تغالطني < قمة الدكتاتوريه :^

للمره الثانيه على التوالي اشكرك على المرور الكريم وتعقيبك

[هديل]

انا قريتها بمجله باسم شوق الشقا

وطفوا علي النورمن غير يدرون...قصرالفرح ياقبر(شوق)ومهاده
وصيتي لوجاك بنت انا أمون...سميتها لك(شوق)قبل الولاده

اصلا اسم منيره يكسر البيت

وشكرا

[ديكتاتوري]

مشكوره اختي هديل على التوضيع وأكمال ماتبقى من القصيده


وإشكرك للمره الثانيه على المرور

[ذويبان11]

والله محزنه

[ديكتاتوري]

ذويبان .. مشكور على المرور يالغالي

[همس شاعر]

دكتاتوري مااملك على هالقصيده الا اني اقول

فديتك....... على ماقال الشاعر عبدالرحمن الشمري

شوف هالقصيده مجارات على القصيده اللي نزلتها

بس ؟؟ اللي قاصدها رجال مو مره واليك القصيده

أبد .. ما جيت ابارك ولكن جيـت باوصّيـك
على الله ناوي ٍ تدخل بهـا الليلـه .. مُعذّبْتـي

ترى لولا الظروف اللي عطتْك وحدّت محاكيك
قسم بالله ما تدخل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي

كذا شاءت بنا الأقدار تحرمني لجـل تعطيـك
كذا لازم عشان تفوز إنت .. أخسر بتجربْتـي

تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيـهـا مصاحبْـتـي

أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـا يرضيـك
لذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي

فداعبها شوي شـوي حتـى تشتهـي طاريـك
وشاغبها إلين تقـول لـك: بطّـل مشاغبْتـي

واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك
ما يحتاج اورّي لك بفـن الضـرب موهبْتـي

صحيح انك بتملكها ومعـك الصـك بالتمليـك
وانا عارف حدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك
يقول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك
تغطّي ذكرياتي في هواها.. وربْـع تجربْتـي

أحس اني تماديت بكلامي.. والغضب حاديـك
ولو انّك في مكاني ما تفكّـر فـي محاسبْتـي

كفاك اني تركت الليله اشغالي عشـان اجيـك
دخلت القاعه برجلي ولا ادري ويش عاقبْتـي

وانا ما جيت اخرّب عرسك الليلـه ولا أذّيـك
أنا جيتك عشان اخاطبـك واسمـع مخاطبْتـي

توصّى..وانتبه..واحرص عليهـا والله يهنّيـك
ترى كل الكلام اللي طلَع من ضيقـيَ وكبْتـي

ولكن ما قدرت انّي أقوله وانـت مـا يخفيـك
أخاف انّـي إذا قلتـه تقـوم وتقطـع رْقبْتـي



ودمت بود

[ديكتاتوري]

أنا من كثر ما اغليها أحس اني بديـت اغليـك .. ولا تسـأل بأيّـة حـق ولا ّ وش مناسبْـتـي

همس شاعر ،،، فداك اللاش يابعدهم

لله درك على القصيدة الحزينه

مشكور خيووو على مرورك الكريم واضافاتك

[الوسام]

حاضرين للغالين وعسى الله يعوض منيره خيرآ منه

[هديل]

همس شاعر

خيااااااااااااااال هالقصيده

وتقطع القلب ......الله لايحطنا بهالمواقف

[فلسطينى وافتخر]

جاني الخبر ياصاحبي واظلم الكون .... قدام عيني ثـم نطقـت الشهـاده

علي العموم اقولها الـف مليـون .... مبروك من قلـب شكالـي ابعـاده

صح لسنك ودمت تحياتى لك

[ديكتاتوري]

صح بدنك

نورت الموضوع يااستاذي .. وعاش من شافك

مشكور على المرور الكريم

[همس شاعر]

هديل والله انك صادقه تقطع القلب انشالله ماتمر على صديق

[عذب القوافي]

واشلون ابكتم صرختي يوم تمشون .... تكفى .. خذنـي للعروسـه قـلاده




الله على هالبيت


اشكرك على امتعانا بهذا النقل المميز


وتقبل مني خالص الود والتقدير

[ديكتاتوري]

عذب القوافي

العفو يالغالي .. مشكور على المرور

[رائد العجل]

دكتاتوري صح لسلناك