هداء خاص (ابو زياد)

[وراد]

بديت بنظم القيل وبالله سميت ......الخالق المعبود عز الجلالي

ياراكاب اللي تو غير له الزيت ....... جمس مورد من جديد الشمالي

متوجه يم ابو زياد بتوقيت .......... وصل سلامي واخبره عن احوالي

وجرح قلبي للدكاتر تشكويت .......... من بعد فراق الزين حلو الدلالي

ياما وياما من هوى الزين ونيت ...... واجاذب الونات عزي لحالي

الى ذكرت الزين يالقرم فزيت .......... انا وخلي فرقتنا الليالي

ومن بعد فرقا صاحبي ماتهنيت ,,,,,,, والله يعلم يالزميل ابحوالي

ورقيت رجم عالي ثم ناديت ،،،،،،،،،، اندب بعالي الصوت ما احد درالي

[ابو زياد]

ورااااد صح لسان وابشر بالي تبي تراني قطيت الشماغ

دلن عليه اذاكان موجود على الارض راح اصله واجيبه لك

لي عوده انتظرني

[وراد]

كفووووووووووووووووووووووووووووووووووووووووووووووو
والله انك قدها

كفو كفو يابو زيادو قدها ياذيب عنك الذيابه تخافي

[القروي]

الحمدلله

انت وراد !!!
وابو زياد قط الشماغ وانتخى بالولد !!!
يعني لاحول ولا قوّة الا بالله ! ان كان بها نصيب ماتروح !!!
ان شاءالله اذا هي بالقرى ابشر بالفزعه ياوراد دمت بسعاده .

[ليث]

هاه يابو زيااد؟


تقول لك رجعه


ننتظر

[ابو زياد]

تحياتي وراد وتحياتي للجميع واسف للتأخير وذلك لانشغالي

واخي وراد اسف على التأخير لانشغالي واعبر لك بهذه

الابيات مجارات لقصيدتك أتمنى ان تقبلها لوهي بسيطه


وراد دام إنـــك مــن البـيض حـبيـت == حب الشـرف يـبـقى على دوم عالي

وكــانك مـن دروب الـمـحبه تـوذيـت == وعانيت من هجر إنقطاع الوصالي

يـاصاحـبـي أبـشـر بـمـنـهو تهقويت == بـالـي عـلـيـه أقـدر وازيد الحمالي

إن كـانـهـا بالـجـاه يـاذايع الـصـيت == أبـشـر بجاهي وجاه قروم الرجالي

وإن كـانها بالـمال ماملك لك اعطيت == مـن شـان تـنـعـم مـع حسين الدلالي

ويـلتـم شـمـل اقلوب واحباب في بيت == بـالشـرع وصـافي جوكم باعتدالي

ومنك السموحه كان قصرت واخطيت == يخوننـي الـتـعـبـير ولا انت غالي

ادري علــيـك إني تـأخـرت وابطيت == لـكـن ظـروفـي هـي سبب إنشغالي

[ابو زياد]

إن كـانـهـا بالـجـاه يـاذايع الـصـيت == أبـشـر بجاهي وجاه قروم الرجالي

تعديل خطا كتابي للشطر الثاني والتعديل كالاتي

إن كانها بالجاه ياذايع الصيت == أبشر بجاهي مع قروم الرجالي