يامدير الاحوال انا سعودي من مواليد رفحاء!!!

[ابو زياد]

السلام م عليكم

اخواني احب اتكلم عن موضوع عقد الجميع وذلك اعتبره سؤ إدارة مدير احوال مدنية رفحاء

المشكله هي عندما تريد ان تضيف ابن لك او تاخذ بطاقة احوال او تضيف زوجه ومن هذا

القبيل نتفاجئ برد الموظف جبلي فاتورة كهرب باسمك ياصاحب الطلب او عقد اجار او ورقة

من العمده او فاتورة جوال طيب يامدير الاحوال حسبي الله عليك اذا كنت انا ساكن مع ابوي

وتلفون باسمي ابوي والبيت باسم ابوي ونا من مواليد رفحا ليش التعقيد تخليني اخذ لي عقد

اجار على شان التعقيد حراااام وخااااف الله في نفسك اصلاَ يكفي اني سعودي بغض النظر عن

رفحاءصراااحه انا من الناااااااااس اتقد اذا كانت لي مراجعه للاحوال المدنيه برفحااااء ودي

اراجع المخدرات او وزير الداخليه براااسه ولاراجع مدير احوال رفحاء وموظفينه الي الواحد

نفسه براس خشمه وكلمه ونص ولا اطلع برى هذي تعليمات نمشي ياناس خوفو الله فينى

حنى غلابا مانرجعكم الا لحاجه مو حب بكم بعض الداوائر عندهم سمو اخلاق وذلك يعكسون

انطباع مسئوليهم بالعمل لانهم على خلق جميل يساعدون النا س ولايزيدوهم تعقيد


تنووووووووووووووويه

في احد الشباب راجع قبل ثلاث اسابيع الاحوال وقابل من زملائه بالدراسه انا عرف اسم

الموظف بس ماني ذاكر اسمه احترام للتشهير لعل وعسى ان المدير وزمرته ترجع لهم

سمو الاخلاق والتواضع بمساعدة الناس المهم قابل موضف الاحوال الذي معه بالدراسه

قال ياخي ابي اضيف قال جب اثبات انك من رفحاء قاله ياخي انا زميلك فلان بالدراسه

ماتذكرني اني من اهل رفحاء رد عليه الموظف بكل بررود ادري انك فلان ومن اهل رفحاء

بس هذي تعليمات المدير وراااح الرجال وجابله ورقه من العمده طولوها وهي قصير

لاحول ولاقوة الا باااالله حسبنى الله والنعم الوكيل

اسف على الاطاااااله وامانة ليس حقداً على هذه الدائره ولا علىموظفينه انما حقداً

على الطلبات التعجيزيه للمواطن واعتبره بوجهة نظري الشخصيه (تخلف)


دمتم بود

[القنـــــاص]

كلام صحيح 100%

بس من اللي يسمع
تحياااااااتي لك

[ضرار]

الله يهدي الجميع ;;)

[المديرالسعودي]

ابو زياد
اذكر مره انتهت بطاقة احد الشياب
وجاهم علشان يجددون فبدت الطلبات تنهال على ذلك العجوز:
أحضر عقدأو فاتورة هاتف ـ عب النموذج هذا ـ احضر البطاقه القديمه وصوره منها ـ رح وصور صورتين شخصيه ـ اكتب معروض طلب تجديد ـ وتعب المسكين وقالوا اخيرا
اجلس هنا الى بعد الظهر للتصوير ويقول ولده زين اللي ماقالوا جب ثنين شهود
في مكاتب الاحوال الاخرى فقط(( أحضر البطاقه القديمه )) وانت واقف تخلص

وفقنا الله لخدمة الوطن

[سـمـاء رفـحـاء]

هههههههههههههههههه

[القروي]

الحمدلله
ياجماعه اخشى ان تكون التعليمات عليا لاتظلموا احوال رفحاء
تأكدوا ان الطلبات بس برفحاء وعندي وانا ابو هندي والله لأمرمطهم
لكن الوقاعه زينه والموظفين راجعتهم اخلاقهم طيبه الله يستر على الجميع .

[اسد المحمدية]

اتصل احد الاصدقاء بمدير احوال عرعر واشتكى من طلبات المدير برفحاء والرد من مدير عرعر انها من ضمن تعليمات وزارة الداخلية ولدية تعميم بذالك ليس لمدير الاحوال برفحاء اي دخل فيها وعلى فكرة اذهب الى احوال الخبر او الدمام او اي مكان في مملكة الخير سيطلبون منك فواتير او اي شئ يثبت السكن او بطاقة العمل .....

المشكلة اننا برفحاء نبي كل شئ بسرعة الدنيا تغيرت ومشاكل الناس مستمرة ؟؟؟

.................................................. .................................................. .....................................

[ابونايف]

لاتعليييييييييييييييييييق
النظام عندنا كل واحد يجيب من عنده

[ابو نواف]

الله يكون بعونكم ... الحقيقة شي عجيب وطلبات غريبة !

[ابو زياد]

القناص

الضرار

المدير السعودي

سما رفحا

القروي

اسد المحمديه

ابو نايف

ابو نواف


شاكر مروركم وتعليقكم الجميل ويشهد الله اني لاتربطني

علاقه باحد من الاحوال وليس بيني وبين احد منهم عداوه

انما يمكن عندهم نظام بهذا الشكل لكن الانظمه من وقت

لوقت تتغير لاتبقى على وضع واحد ونا سامع ان بعض

المدن ليس عندهم هذي التعقيدات تكمن المشكله زي ماقلت

بالاول اذا كنت مثلا ساكن ابوك ولا فيه شي باسمك ماذاتعمل

لازم تروح للعمده وثاني شي يكفي مصدر البطاقه وملفك يكون

من نفس رفحاء هذا بحد ذاته اثبااات وانتم اكيد مرت عليكم

الطلابات هذي انا ليس ضد النظام الذي يخدم الصالح العام

انا ضد الطلبات الي ماله داعي

دمتم بووووووووووووود ولكم احلى تحياتي

[ليث]

الله يعين بس...


كل نظام ممكن يعقد وممكن يسهل

[الوسام]

تعال أخوي أبو زيادعندنا بالحفر ولك اللي يرضيك المدير برأسه كل عصر محضر عندنا يتقهوا
لا أثبات سكن ولا فاتوره ولا بطيخ مبسمر

[ابو زياد]

ليث

والوساااام

شاكر مروركم وتعليقكم ومثل ماقلت يالوسااام ربعنا

متجودين بالاول وبعدين عندهم هواية التعقيد

نوع من انواع الرياضه

عسى الله يهديهم ويسهلون امورنا

انا عندي اضافه بعد كم يووم وبلشاان

مادري انا اروح لحد المكاتب اطلع

عقد اجار او اطلع جوال ثابت على حساب

مدير احوال رفحاااء والا اقلب بيت الوالد باسمي

ولا ماااااااااااااادري شسوي خلوه على الله

بصراااحه مشكلتهم مشكله

[F-16]

قمة التخلف

[ذيب حرض]

فقط أردت أن ابين بأن كل إدارة أحوال لها نظام خاص وكل مدير يمشي القانون على مايحب

[ابو زياد]

قمة التخلف

ذيب حرض

شاكر مروركم وتعليقكم

لاهنتم

[أمير نفسه]

اشتر منه مره وحلتيته وعنزروت

وتضبط اموركـ

[رفحاوي]

وعليكم السلام ورحمة الله وبركاته ...

اخبر مدير احوال رفحاء قبل 3 سنين كان استقباله سيء وعنده واحد يتملق ...

مدري هو اللي هالحين ماسك الاحوال لو لا ؟!!

[رعد الشمال]

احلا ابو زياد تراني ما اداني المطيري الابرص مديرهم

[ذيب سلمى]

لا ما شفت موظفهم (سعود)؟؟؟
أنواع الكبره؟؟؟؟ ياربي لا تضلنا بعد أذ هديتنا,,,,,

[ابو زياد]

اشتر منه مره وحلتيته وعنزروت

وتضبط اموركـ

أمير نفسه شاكر مرورك بعدين كان عنده محل دلنا عليه

[ابو زياد]

وعليكم السلام ورحمة الله وبركاته ...

اخبر مدير احوال رفحاء قبل 3 سنين كان استقباله سيء وعنده واحد يتملق ...

مدري هو اللي هالحين ماسك الاحوال لو لا ؟!!




شاكر مرورك رفحاوي


بالنسبه مدير الاحوال برفحاء الاداره بصوب وهو بصوب

يسولف لي احد الاخوان ان قريب له عنده تعديل مهنه

وبنفس الوقت اضاافه جابله الخطاب وفكه المدير

بعد مافكه وقراه قال جبلي معرف عليك انك من المنطقه

الرجال جابله معرف بعد ماكتب اقرار على المعرف قاله

صاحب الخطاب خلصن قااال لا8O

الخطاب يمكن انه مزيف بالله هذا كلام مسئول يمثل دائره :-/

المهم الحاطات الشايله حسب الكلام الي جاني قال حنى نردلك

خبر وصار مشاد كلام بينه وبين المدير يقول الشخص الي

روى علي القصه من لسان صاحبها ان الساعه قرب الثنيتين ظهراُ

اتصل المدير على المعرف حتى صاحب الشان ماكلمه قال خله يجي

يكمل اجراءت معاملته .

المشكله حتى اسلوبه مع المراجعين المواطنين بدفاشيه

يتهم مواطن بالتزييف ولا هو واثق المعرف الي يعمل بجه رسميه

ولاهو واثق بالجهة التي ارسلت الخطاب

للتنووووووويه الشخص الي راجع المدير

وصاحب المعامله ماعرف بس شخص

نقلها لي وهو ثقه ونسأل الله الصلاح للجميع

مدير الاحوااال يمكن مجتهد لكن ماهو بشكل

هذا والطلبااات الي ماله داعي ماله داعي

الله اعرف بالعقل لكن ماشفناه شخص مصدر

شخص مصدربطاقته رفحاء وميلاده رفحاء

وميلاد اطفال رفحاء وعندما يريد يضيف

طفل ثاني جبلنا طلبات فواتير او ماغيرها

[ابو زياد]

احلا ابو زياد تراني ما اداني المطيري الابرص مديرهم


هلابك رعد الشمال ومروك الكريم بس احب اقول لمدير الاحوال


والله لونفتح جميع الملفااااااااات=== تزعل عليك وزارة الداخليه

[رفحاوي]

احلا ابو زياد تراني ما اداني المطيري الابرص مديرهم


شكله هو ابو نفس خايسة اللي جيته ...


بالرياض تضيف ولدك او تطلع له بطاقة بنفس اليوم وما ابالغ اذا قلت خلال ساعة ...

يعني هو اعرف للنظام من احوال الرياض ؟!!

اكيد لا ...

اللي بالرياض عيال ناس ويحسون بغيرهم ...

المهم وين المحافظ عن هالمدير ؟!!

[ابو زياد]

ذيب سلمى شاااااااااااكر

مرورك الكريم

لاهنت

[الواثق]

بعض المدراء يعتقد ان النظام فقط ما يراه هو

[ابو زياد]

بعض المدراء يعتقد ان النظام فقط ما يراه هو


الواثق الشرقاوي

شاكر مروك وتعليقك الجميل

لاهنت

[الشوق؟؟]

تحياتي للجميع :
هذا شي متعارف عليه ان مدير الاحوال مش ولا بد!!!!!
وانا ماراجعته إلى مره واحده ولا صار بيني وبينه اي نقاش . بس كلنا عيال قرييييييييه ونعرف بعض ونسمع من بعض والاخبار تتناقل بين المجالس سواء مدح او ذم ...
.................................................. .......................
.................................................. ......................

اقوووول يااهل رفحااااااااااااااااااااااااااء
الله يخليلنا العمري مدير البلديه
والله يكثر من امثاله


تحياتي للجميع

الشوق ؟؟

[الوسام]

مدير الاحوال المدنيه برفحاء والموظفين شفتوا شلون أنتقادات الناس عليكم وعلى رأسهم صاحب الموضوع اللي تشرشح عندكم وبعدين وبعدين تبوني أجي من الحفر وأقحط على أدارتكم بسيارتي وأنحاش؟؟؟ حسو شوي باالمواطنين وين التيسير على المسلمين لكم عند ربكم أتركوا بعض الانظمه التعقيديه وين قاعدين كله رفحاء لقمه ومعروفين مايحتاج جيب وجيب وجيب.... خلاص ياجماعه سكرو الموضوع

[ابو زياد]

تحياتي للجميع :
هذا شي متعارف عليه ان مدير الاحوال مش ولا بد!!!!!
وانا ماراجعته إلى مره واحده ولا صار بيني وبينه اي نقاش . بس كلنا عيال قرييييييييه ونعرف بعض ونسمع من بعض والاخبار تتناقل بين المجالس سواء مدح او ذم ...
.................................................. .......................
.................................................. ......................

اقوووول يااهل رفحااااااااااااااااااااااااااء
الله يخليلنا العمري مدير البلديه
والله يكثر من امثاله


تحياتي للجميع

الشوق ؟؟

الشوق شاكر مرورك وتعليقك

الكريم بصراحه مدير بلدية رفحاااااء

أستفادة المنطقه منه انا ماقبلته

بس باين من ادراته

اذكر قبل فتره راجعتهم كان توزيع اراضي

بحي الورود كانت اللجنه منسقه ولافي تعقيدات

مثل الي ناسي بطاقته او شي وقهوه وشاي

للمواطنين ونفس مرحه بيض الله وجه اللجنه

وبيض الله وجه مدير بلدية رفحاء

ونقول الى الاماااااام وزيدونا

من حركتكم الي كله خير وبركه

على المنطقه

مار الاحوال وش الحيله فيها

[ابو زياد]

مدير الاحوال المدنيه برفحاء والموظفين شفتوا شلون أنتقادات الناس عليكم وعلى رأسهم صاحب الموضوع اللي تشرشح عندكم وبعدين وبعدين تبوني أجي من الحفر وأقحط على أدارتكم بسيارتي وأنحاش؟؟؟ حسو شوي باالمواطنين وين التيسير على المسلمين لكم عند ربكم أتركوا بعض الانظمه التعقيديه وين قاعدين كله رفحاء لقمه ومعروفين مايحتاج جيب وجيب وجيب.... خلاص ياجماعه سكرو الموضوع


الوسام شاكر مروك الكريم وتعليقك

لاهنت

[رداري]

احلا ابو زياد حيلمبوا شيبنا من مديرهم ههههههههه

[B52]

سلموا لي على النظام

لقيت انا النظام مغيط باليد يضيق بي ويتسع بحمود

دمت بود يابو زياد

[كتيران]

اناء من سكان المنطقه الشرقيه كلامك غير صحيح ضفت ولدي ماطلبو اي شي طلبو كرت التطعيم بس

[ابو زياد]

احلا ابو زياد حيلمبوا شيبنا من مديرهم ههههههههه




أصبر ماشفت شي ياأنا ياهو برفحاااااااااااء

ياااااء يتعدل ويصير خوش رجال ويسهل امور المسلمين

[ابو زياد]

سلموا لي على النظام

لقيت انا النظام مغيط باليد يضيق بي ويتسع بحمود

دمت بود يابو زياد


والله ماندري متى يتسع مغيط مدير الاحوال

كل ماله يمشي بضيق


الوكاد سلملي على مدير بلدية رفحااااء

نفساً حلوووه ومجهوووادت جباره

لخدمة المواطنين ومغيط وسيع ههههههه

[ابو زياد]

اناء من سكان المنطقه الشرقيه كلامك غير صحيح ضفت ولدي ماطلبو اي شي طلبو كرت التطعيم بس


هذا بالشرقيه عندكم ام عندنا لازم تجيب طلبات تعقيديه

ارجع طال عمرك الى المواضيع واقرأه زين حنا لو على كرت

التطعيم كان ماقلنا شي عادي نجيبه كرت التطعيم بس السالفه

وانا اخوك اكبر من التطعيم وكرته والسالفه مغيط النظام عندهم

مصدي مادري شقصده مدير احوال رفحاء خايف ان ينقطع مغيطه اذا مغطه

تحياتي لك

[شخصيه مستهدفه]

ياشباب احسنو الضن يمكن عندهم ميزانيه خاصه مصروفه لهم عشان يسددون فواتير المواطنين :D


شي يحز في النفس في عصر العولمه والحكومات الالكترونيه جميع الدوائر الحكوميه مازالت تعمل بعقلية السبعينات الميلادية

والشي الاهم ان المواطن في اي دائره للاحوال المدنيه يحق له ان ينجز جميع معاملاته لانه في النهايه مواطن في موطنه ولكن هذا الشي غير ملموس في الواقع .. هناك اعذار واهيه واكل عليها الدهر وشرب مثل ان ملف الوالد الاصلي موجود في منطقة الجوف على سبيل المثال فيستغرق الامر عدة اسابيع لجلب صوره من الملف مع ان ادارات الاحوال المدنيه تستخدم الحاسب الالي من مايربو على العشرين سنه ولكن الملاحض ان جميع دوائرنا الحكوميه تفضل الطريقه البدائيه مثلها مثل المنتخب الوطني لكرة القدم( تعودنا على الثمانيات والسبعات) :D

[ابن الملز]

الفرق واضح بين العمري (البلديه) والمطيري(الاحوال)