المساعد الشخصي الرقمي

مشاهدة النسخة كاملة : لماذا اعتذر مشرفنا (همّام) من اجراء لقاء مع قناة الاخبارية ؟!!


رفحاوي
23 Apr 2007, 11:00 AM
وعدت اهلي بأن نقوم بتمشية إلى مدينة الخرج يوم الخميس 2/4/1428 هـ ...

وفي عصيرة ذلك اليوم الذي يوافق اخر يوم لمعرض (جايتكس الرياض 2007) تلقت المعزبة (حفظها الله ورعاها) عزيمة من اهلها مما ادخل السرور في نفسي لوجود فرصة لزيارة المعرض ....

اتصلت على اخي الحبيب همّام وسألته ان كان يريد الذهاب معي فأبدى ترحيبه بذلك ...

مررت عليه بعد صلاة المغرب وذهبنا إلى المعرض انف الذكر ...



ما اطوله عليكم وخاصة اللي ما هم هاضمين الاسم ...



وحنا نتمشى داخل المعرض دخلت لي جناح ابي اسالهم عن نقطة ...

جاء مذيع بقناة الاخبارية وطلب من همّام يجري معه مقابلة ...

فسأله همّام ماهي مواضيع الأسألة ؟!

فأجابه المذيع الجهبذ حول مكاتب الاستقدام ...

فاعتذر همّام وقال ابي اشوف خويي يمكن تاخذون معه مقابلة ...

قال المذيع لا نبيك انت ... وراح



علمن همّام بالسالفة وابتسمت وقلت:

وش دخل مكاتب الاستقدام بالمعرض ؟!!

تلومونن اذا قلت المراسلين اغبياء ؟!!

لا وهذا بعد اعلى مستوى من حقين الصحف ....

هذا يعتبر قدوة لهم ...
القروي
23 Apr 2007, 12:10 PM
الحمدلله
ياليتك موافق على اجراء اللقاء نبي نشوف رفحاوي !!!!!

ياليتك امحّط بهم من تمحيطاتك التي بعضها بالريوس !!!

انا اعرف شلي خلى همام يعتذر !!!!!!!!!!!!!!!!!!!!!!!!!!!!!!!
هو كان مقدم على خدامه عندهم ولايبي يخرّبه معهم
هذا هو السبب يافلان !.
رفحاوي
23 Apr 2007, 12:53 PM
الحمدلله
ياليتك موافق على اجراء اللقاء نبي نشوف رفحاوي !!!!!

ياليتك امحّط بهم من تمحيطاتك التي بعضها بالريوس !!!

انا اعرف شلي خلى همام يعتذر !!!!!!!!!!!!!!!!!!!!!!!!!!!!!!!
هو كان مقدم على خدامه عندهم ولايبي يخرّبه معهم
هذا هو السبب يافلان !.


تهقاوه ؟!!

بعدين سهل تشوفن ...

بعد اسبوع يا صليت العشاء بحر بالسماء تلقى قمر 14 ... يا شفته عدك متحالين محاكيك ...

كانه على الشوفة ان شاء الله نتواجه برفحاء بهالصيف او امر عليك بالهباس ...

ياخوك ما تصدق لو قلت لك ما ارضى يجي واحد غبي يسألن سؤال سنع فما بالك بغبي يسأل سؤال غبي ؟!!


بيني وبينك اعجبن همّام يوم اعتذر ...

واعجبن واحد من طلاب جامعة القصيم ...

طلع من سوق ويلقى مذيع للرياضية وقال له نبي ناخذ معك مقابلة ...

قال : انتم التلفزيون ؟!!

قال المذيع: ايه ...

قال: تاخذون معي مقابلة واطلع بالتلفزيون ؟!!

قال: ايه ..

قال: ماني مصدق من الفرحة ممكن لحظة اروح للسيارة واجي بسرعة ؟!!

قال المذيع : بسرعة لا تأخر ...


وراح الطالب وركب سيارته ودقه سلف وروح لدروسه ...
ذيب حرض
23 Apr 2007, 02:53 PM
رفحاوي وتمر الخرج ولا تعلمنا ويمكن بعد مريت حرض ترى هذي بحق واشهد عليه ياقروي
رفحاوي
23 Apr 2007, 03:20 PM
رفحاوي وتمر الخرج ولا تعلمنا ويمكن بعد مريت حرض ترى هذي بحق واشهد عليه ياقروي

اخت ختات للخرج ماهو دايم ...

حرض مدري وينه اخوي ذيب حرض ؟!!

ابشر بالحق انت وذيب حرض ان بغيتوا بالرياض او رفحاء بهالعطلة ان شاء الله ...
القروي
23 Apr 2007, 05:06 PM
اخت ختات للخرج ماهو دايم ...

حرض مدري وينه اخوي ذيب حرض ؟!!

ابشر بالحق انت وذيب حرض ان بغيتوا بالرياض او رفحاء بهالعطلة ان شاء الله ...




الحمدلله

اول شئ حرض هو مقر شركة المراعي وعندهم اجاويد الحقب !!! يعني امهات ثغوه يعني البقر !!!

واكيد بيذبحون لك منهن مادري انت تاكله ياشفت خشته والا لاء ؟!!!!
لكن انت تخاطب ذيب حرض وتقول ابشر بالحق انت وذيب حرض هو منهو انت ؟ ومنهو ذيب حرض ؟!
انت مثل ظابط كويتي بالستينيات من اصل ايراني جاه الجندي متأخر وقال له الظابط ليش متأخر ؟
قال النوم سلطان ياسيدي !!! قال هاتولي حق سلطان احاكمه !!!!
تقل تبي تجرّده من هالمعرّف عقب هالعزيمه والله مخطي يعزمك !!!
لأنك مثل الداب الي رأسه عند ذيله تكرم يعني ماتأمنه من الحشه وانت الي يحش بك ويعاكسك بالرأي افضل عندك من
الي يلمّع بك ويرفّعك ( مثل الدولاني الي جاه الاعرابي طبعاً من الجيش العثماني الي كان مستحل العراق ايام زمان
جاه الاعرابي يبي يتميلح عنده قال ( حصانك به طبع ياباشه ) قال تعال نظفه واخذت العرب تظرب به الامثال ( حصان الدولاني )!!!!!
يامريت من عند الهباس تر الطريق من امامهم مابه مطبات حط رجلك والله ماحنا محصلين كيلو لحم لبزاريننا
من الغلاء الفاحش وابشرك هلحين مايبيعون بربع مثل قبل اما نصف او صرّ خشمك فأعذرنا من المرّه عسى مايمر ريقك
ويامريت من عندنا يسهّل طريقك حتى ماتعطّل عندنا وتشره علينا تقول هو فيه احد من اعضاء منتدى رفحاء ؟!!!
ويالله من فضلك خوش هديه للعيال جايب رفحاوي تخيّل !!!!!!!
وهم يعرفون هالاسم من كثر تشتيم ابوهم له آخر الليل !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!
وعلى درب التآبلاين نلتقي .
الوسام
23 Apr 2007, 08:05 PM
تحياتي لصاحب الموضوع والمشاركين الاعضاء أخوي رفحاوي ياقمر14 آه متى يجي نص الشهر وأشوفك...تواجد قناة الاخباريه بهذا المعرض ليس للمعرض ولكن لستغلال كثرة الموجودين في هذا المعرض وسؤالهم باي موضوع مطروح للنقاش فقط ....أنا سالوني بعقارية حفرالباطن عن موضوع وأقعد أتفلسف عليهم لين طفشتهم...
همّام
23 Apr 2007, 10:47 PM
الأخ العزيز رفحاوي

أشكر لك دعوتك وكرم ضيافتك وليس بمستغرب منك ذلك يا قمر 14
كفيت ووفيت
رفحاوي
24 Apr 2007, 01:07 AM
الحمدلله

اول شئ حرض هو مقر شركة المراعي وعندهم اجاويد الحقب !!! يعني امهات ثغوه يعني البقر !!!

واكيد بيذبحون لك منهن مادري انت تاكله ياشفت خشته والا لاء ؟!!!!
لكن انت تخاطب ذيب حرض وتقول ابشر بالحق انت وذيب حرض هو منهو انت ؟ ومنهو ذيب حرض ؟!
انت مثل ظابط كويتي بالستينيات من اصل ايراني جاه الجندي متأخر وقال له الظابط ليش متأخر ؟
قال النوم سلطان ياسيدي !!! قال هاتولي حق سلطان احاكمه !!!!
تقل تبي تجرّده من هالمعرّف عقب هالعزيمه والله مخطي يعزمك !!!
لأنك مثل الداب الي رأسه عند ذيله تكرم يعني ماتأمنه من الحشه وانت الي يحش بك ويعاكسك بالرأي افضل عندك من
الي يلمّع بك ويرفّعك ( مثل الدولاني الي جاه الاعرابي طبعاً من الجيش العثماني الي كان مستحل العراق ايام زمان
جاه الاعرابي يبي يتميلح عنده قال ( حصانك به طبع ياباشه ) قال تعال نظفه واخذت العرب تظرب به الامثال ( حصان الدولاني )!!!!!
يامريت من عند الهباس تر الطريق من امامهم مابه مطبات حط رجلك والله ماحنا محصلين كيلو لحم لبزاريننا
من الغلاء الفاحش وابشرك هلحين مايبيعون بربع مثل قبل اما نصف او صرّ خشمك فأعذرنا من المرّه عسى مايمر ريقك
ويامريت من عندنا يسهّل طريقك حتى ماتعطّل عندنا وتشره علينا تقول هو فيه احد من اعضاء منتدى رفحاء ؟!!!
ويالله من فضلك خوش هديه للعيال جايب رفحاوي تخيّل !!!!!!!
وهم يعرفون هالاسم من كثر تشتيم ابوهم له آخر الليل !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!
وعلى درب التآبلاين نلتقي .

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههه


يمل العافية اللي تعافيك على الشرشحة الحلوة ...

المهم جايك جايك الله لا يعوق بشر ...

انشد عن مدرسة البنات واشوف الجدار اللي مكتوب عليه ابو بسام اللي مقابل بيتك ...


السموحة منك ومن اخوي ذيب حرض ...

قصدت ذيب حرض والقروي ...
رفحاوي
24 Apr 2007, 01:21 AM
تحياتي لصاحب الموضوع والمشاركين الاعضاء أخوي رفحاوي ياقمر14 آه متى يجي نص الشهر وأشوفك...تواجد قناة الاخباريه بهذا المعرض ليس للمعرض ولكن لستغلال كثرة الموجودين في هذا المعرض وسؤالهم باي موضوع مطروح للنقاش فقط ....أنا سالوني بعقارية حفرالباطن عن موضوع وأقعد أتفلسف عليهم لين طفشتهم...


خلاص هانت باقي كم يوم وتشوف القمر ان شاء الله ...

بس ياخوك ماهو معقول تجي لمعرض جايتكس وبوسط الاجنحة والخلفيات وتسأل عن موضوع ثاني ...

كثرة الناس تلقاهم بأسواق كثيرة ووقته معهم حق يسألون اللي يبون ...

يا ليت تفصل لنا فلسفتك مع الاخبارية ...
رفحاوي
24 Apr 2007, 01:31 AM
الأخ العزيز رفحاوي

أشكر لك دعوتك وكرم ضيافتك وليس بمستغرب منك ذلك يا قمر 14
كفيت ووفيت


هلا وغلا بمشرفنا الغالي همّام ...

اسعدتن بشوفتك والحديث معك ...

معرفة امثالك اتشرف به ...
عجائب رفحاء
24 Apr 2007, 06:20 AM
الله يجمعنا على خير ونشوفك ونشوف هالوجيه الطيبه بخير
ليث
24 Apr 2007, 07:27 AM
ياكثر ماينقلون كمرتهم هالقناه


دلو ذباذب نوب للما ونوب للجاذب>> تأثر بابو بسام


احيانا تغطياتهم قويه واحيانا ماعندهم سالفه ماغير يطنطنون حول الحريم
اسد المحمدية
24 Apr 2007, 07:58 PM
بانتظار الاخبارية
الوسام
24 Apr 2007, 09:29 PM
رفحاوي قمر14 أبشرفي فلسفتي مع الاخباريه بالعقاريه كان الموضوع عن ظاهرة معاكسات الشباب للبنات ولاخ فازع للبنات وحاط نسبه مروريه 75على الشباب 25 على البنات وحطيت الخطأ 100%100 على البنات بالبراهين والادله وحاول يفر ويقنع ماقدروباالاخير قام يسكتني باالابتسامات الكذابه والشكر...وأنتظرت أطلع باالتلفزيون لا والله الرجال حاذفني من برنامجه ولا لي طاري نها ئي وتحسفت ليتني فازع مع البنات لانهن وجه رزق ...تحياتي
رفحاوي
25 Apr 2007, 12:12 AM
الله يجمعنا على خير ونشوفك ونشوف هالوجيه الطيبه بخير
الله والعالم اني رديت بس مدري وين راح ؟!!

اللهم امين ...

الله يسلمك هذا من طيبك ...

ان شاء الله نجتمع ...
رفحاوي
25 Apr 2007, 12:15 AM
ياكثر ماينقلون كمرتهم هالقناه


دلو ذباذب نوب للما ونوب للجاذب>> تأثر بابو بسام


احيانا تغطياتهم قويه واحيانا ماعندهم سالفه ماغير يطنطنون حول الحريم

الاخبارية سميته النسائية لكثر الحريم به ...

ابو بسام مزاجه هاليومين ماش ...

يمكن منقطع عنه التتن والقهوة ...
رفحاوي
25 Apr 2007, 12:19 AM
بانتظار الاخبارية

تنتظره وين خالي ؟!!
رفحاوي
25 Apr 2007, 12:23 AM
رفحاوي قمر14 أبشرفي فلسفتي مع الاخباريه بالعقاريه كان الموضوع عن ظاهرة معاكسات الشباب للبنات ولاخ فازع للبنات وحاط نسبه مروريه 75على الشباب 25 على البنات وحطيت الخطأ 100%100 على البنات بالبراهين والادله وحاول يفر ويقنع ماقدروباالاخير قام يسكتني باالابتسامات الكذابه والشكر...وأنتظرت أطلع باالتلفزيون لا والله الرجال حاذفني من برنامجه ولا لي طاري نها ئي وتحسفت ليتني فازع مع البنات لانهن وجه رزق ...تحياتي


مقرووووووووووود

ما لقيت تنتقد البنات الا بالاخبارية ؟!!

هالحين الحريم غير ...

المرة صارت مثل الرجال ...