وش يسوي المعرس اول مايدخل على زوجته

[المحكمه]

وش يسوي المعرس اول مايدخل على زوجته

موقف مضحك والاجمل يوم تصير البسمة مقرونة بفايدة



درس في ايش تسوي اول ما تدخل على زوجتك
كثير من الشباب ما يدرون انه فيه سنن تستحب في تلك الليلة بعضها عن النبي اللهم صل وسلم عليه وآله


السنن ثلاث ....1- السلام

2 - صلاة ركعتين

3 - وضع اليد على ناصية الزوجة " جبهتها " وقول الدعاء المعروف
اللهم اني اسألك خيرها وخير ما جُبلت عليه واعوذ بك من شرها وشر ما جُبلت عليه


هالامور يتساهل فيها بعضنا وما يدرون انها سر من اسرار التوفيق في الحياة الزوجية
ونصيحة خلك طبيعي ولا تتحمس زيادة وانت تطبقها عشان ما يصير لك زي ما صارلصاحبنا هذا


هذا واحد ليلة زواجه دخل على زوجته متحمس يبي يطبق السنة .. دخل وسلم عالبنت
البنت مستحية ومنزله راسها ما ردت
سلام عليكم
ما ردت ؟؟
سلام
ما ردت ؟؟
قال في نفسه : اطبق السنه الثانية
راح لزاوية في الغرفة وكبّر
الله اكبر .....
ضحكت البنت ضحكة خفيفة
هو سمع الضحكة .. الرجال ما كذّب خبر .. على طول قطع صلاته وجاها
سلام عليكم
نزلت راسها البنت ؟؟
ردي يا عمري
سلام عليكم
ما ردت
قال في نفسه : اروح اصلي وارجع اوريها
راح لنفس الزاوية وكبّر
الله اكبر
ضحكت البنت مرة ثانية
قطع صلاته وجاها وهو معصب حمقان
يا بنت شفيك انتي ؟؟
تتمسخري فيني ؟؟
تستهزي ؟؟
ماني عاجبك ؟؟
اذا ما تبغيني قولي
ارجعك لاهلك الحين
رفعت البنت راسها وقالت بكل هدوء
يا حبيبي
انا راضية فيك كزوج
لكن الله يحييك

تراك مضيع .. القبلة من هنا ماهي من هناك

[المجهول]

خلك من العرس البلا العنايااااا

[برق الصواعق]

خوش قصه بس البلا مابعد تطبيق السنة وش تسوي

ومن وين تبدا ووشلون تنتهي

[الواثق]

>>>>>>>>


شكرا على الطرح



>>>>>>>>>>>>>>>>

[رفحاوي]

مشكور المحكمة على القصة الفكاهية ...

[أبو الطيب]

من قال لك أن (صلاة ركعتين ) سنة للمعرس إذا دخل غرفة النوم ؟؟ !!

بارك الله فيك

[المحكمه]

الله يعطيكم العافيه
بس ولا واحد ذكر لنا موقف مر معه
موقف محرج ليلة الزواج
ليس من الضروري انت او زوجتك
نبي موقف خارج الغرفه

[المتجولة]

خخخخخخخخخخخخخخخخخخخخخخ مضيع القبله

[المديرالسعودي]

المحكمه
شكرا لك
وفق الله جميع من سيقبل على ذلك

[ذويبان11]

في واحد وضع يده على ناصية زوجته
يبي يقول الدعاء المعروف قال سبحان الذي سخر لنا هذا........ دعاء السفر
قالت تراني ماني سيارة

[رفحاوي]

الله يعطيكم العافيه
بس ولا واحد ذكر لنا موقف مر معه
موقف محرج ليلة الزواج
ليس من الضروري انت او زوجتك
نبي موقف خارج الغرفه
لا تستحي حبيبي ...

تبينا نعلمك وش سوينا ليلة العرس ؟!!

[وحشتوني]

السلام عليكم

مع إحترامي للجميع أعتقد إن الموضوع غير لائق والحوار فيه لايتطور لإن ماحد راح يقول الحقيقة

ولأن هذه أمور شخصية وخاصة جداً وقد نهي عن الإباحة بها

تحيـــــــــــــــــــــــــــــــــــــــــــاتي

[وحشتوني]

السلام عليكم

مع إحترامي للجميع أعتقد إن الموضوع غير لائق والحوار فيه لايتطور لإن ماحد راح يقول الحقيقة

ولأن هذه أمور شخصية وخاصة جداً وقد نهي عن الإباحة بها

تحيـــــــــــــــــــــــــــــــــــــــــــاتي

[المحكمه]

وحشتوني
حبيبي الموضوع لائق ولا فيه شي
اذا انت مستحي
منت مغصوب على المشاركه
هو الغرض ان يعرف الشباب الي لهم والي عليهم ولتسليه فقط
وللمعلوميه ان بعض الشباب لايعرف شي عن الي ذكرته في الموضوع
وزبدة الموضوع هي كيف فعل الرسول صلى الله عليه وسلم
وكيف دخل على زوجاته
لحديث عند دخولك على زوجتك
واوضع اليد على ناصية الزوجة " جبهتها " وقول الدعاء المعروف
اللهم اني اسألك خيرها وخير ما جُبلت عليه واعوذ بك من شرها وشر ما جُبلت عليه