.. الشمري حبّ الطلوع بدمّـــه ..

[مرزوق الرمالي]

السلام عليكم ورحمة الله وبركاته


اقدم لكم هذه القصيده الشعريه واتمنى ان تنال اعجابكم ..



بالقاف اسوي يابديت مهمه=اغوص واصل ياسبحت الجمّه

اخذ من المعنى الثمين ثمرته=واطلع بقافي في علوّ القمّه

اطلع واحب من الطلوع الاعلا=والشمري حبّ الطلوع بدمّه

وارجع ولكن الرجوع بدايه=موضوع شاعر والمحيط يهمّه

ماودي اطلع من محيط المعنى=راع المثل ينقاد لكبر همّه

زرع المزارع والحصاد الاول=واللي جمع حبّ الحصاد ولمّه

قصدي مزارع شمّر الفواحه=وانا زروع الارض ماني يمّه

زرع الوفا واحد وغيره ميّه=ومدح(ن)ينوشه ماينوش الذمّه

ماينفع الحاضر بليا ماضي=وان ضاع واحد صار اخوه مطمّه

وحنا لنا بين المنازل منزل=اسمه شرف ياقيل سمّ وسمّه

شمّر هل العادات طيب ونخوه=عزّ وشرف وامجاد بين الامّه

كبار الصحون موسعين الطعنه=الله عليهم كل خير يتمّه


وسلامت عيون من تابع


اخوكم الشاعر

مرزوق محمد الرمالي

[الدكتور غيم]

صح لسانك قصيده جميله

[المدمر]

صح لسانك أخوي مرزوق