ياواثق الخطوه ترى مانت بملك..!!!!!

[فديتك يمه]

ما أجمل الحكمة التي تقول ( واثق الخطوة يمشي ملكا ) ولكن ليس كل خطوه....!!
هناك خطا تجرف صاحبها الى الضياع...
قد يكون واثقا ولكن ليس ملكا .......لا أطيل عليكم .....فاليكم النص ....







يا واثق الخطوه ترى منـت بملـك
ولا تظن شرواك يالخايـن مليـك

أنت منهـو مـا يعرفـك يجهلـك
ومن سمع هرجك نطق لا فضّ فيك

اهتويتـك صـادقٍِِِ مـن منهـلـك
واتضح لي عكس ما كنت أهتويـك

كـل أوصـاف الخيانـه والكلـك
نابعه منّـك وهـي منّـك وفيـك

يـا خسـاره خنـت منهـو دلّلـك
ياخسـاره بعـت قلـبٍ مشتريـك

كنت حتـى فـي منامـي أتخيّلـك
وأرسمك صـوره وورده تعتليـك

كنت أسابق مـن يحـاول ياصلـك
وأخسر الغالـي عشانـك وأفتديـك

كم لي أتحمـل وكـم لـي أمهلـك
وكم لي أدعي ياعسى ربي يهديـك

من عرف مصدر نجاتـه ماهلـك
وراحتي فرقاك يرحـم لـي أبيـك

وكان قصدك تنتضرنـي مخبلـك
لأقطع رجولـي ولا أفكـر أجيـك

وان نويت أجيـك جيتـك بسألـك
كم قلـبٍ خنـت قبلـي مرتجيـك

وبعدها برضيك وأرجـع وأزعلـك
وأتركك مابيـن ذي وبيـن ذيـك

الله أكبـر يـا مـدارات الفـلـك
من بعد مرضيك صرت أقسى عليك

انتبـه للفـرق واذكــر أولــك
عافك الخاطر بعـد ماهـو يبيـك

يـا نهايـة هالبـدايـه مسهـلـك
ابتديتك صعب وبالسهـل أنتهيـك

رح نسيتـك وان لفيتـك بسـألـك
بس ما وااالله تفـرح بـي واجيـك

[الدكتور غيم]

قصيده جميله لكن منو شاعرها

[القروي]

وكان قصدك تنتضرنـي مخبلـك
لأقطع رجولـي ولا أفكـر أجيـك

الحمدلله


الله اكبر وش ذالقطاعه ياملك = ارحم الله يرحم ابو والديك
ادمح الزلات للي بك هلك= واعرف ان القلب دايم يهتويك
واستخر رب البريه بمثلك = والامل بالله انه لي يهديك
جعل ربي يسعدك ويحللك = ويكذب الي قال انه مايبيك
كلمات من قلب حاقد جداً خليتيها على الصلي
الله يهديك ارحم من في الوطى يرحمك من في السماء !
كلام شاعر متمكن يصوغ البيت على مايريد (لا) على سياق البيت
يسلم قلب قالها ويد خطتها .

[هاجس]

صح لسانك

ابيات رائعه............؟؟؟

[المديرالسعودي]

فديتك يمه
رائع ماذكرت ولك الشكر والتقدير

[قهر]

فديتك يمة
مشكورة على نقل النص
فالكلمات قاسيه حتى على من يسحقها ..
أبيات للحق جميلة
لك ودي ؛؛؛