وين العروبه وين ذاك الأمانا..؟؟

[شمـــاليه]

السلام عليكم ورحمة الله وبركاته..


وضعت هذه الصوره في احد المنتديات وكانت دعوه

من كاتبها لمجاراتها..

ولهذه الصوره ..

كتبت..


http://www.7c7.com/vb/uploaded/11353_01182653059.jpg



لبيـّه يا اللي بالقصايد نخانا=قرمٍ يهزه منظر الطفل والجوع
هزت اشعوري يوم شفته مـُهانا = وعروق راسي من سبايبه مصدوع
منظر طفل هزيل يرجي حنانا=يعتاش من باقي زبايله ويزوع
وين العروبه وين ذاك الأمانا= وين الحقوق اللي يقولون مشروع
وين العروبه كانه اظلم سمانا= ياويل حالي القهر صار مشيوع
سهم ٍ خطير ٍ وألتوى في حشانا=مالها عذر بعيونهم ماله اشفوع
وش ذنبهم اطفال عانو زمانا = وبأعماقهم يبقى الامل دوم مزروع



وسلامتكم..

شماليه

[الدب الداشر]

حجز ولي عوووووودة

[شمـــاليه]

حياك يالدب

وفي انتظار عودتك..

[الزعيم]

وش ذنبهم اطفـال عانـو زمانـا.......وبأعماقهم يبقى الامل دوم مزروع


ايو الله وشذنبهم


رائعة يالشمالية قصيدة حزينه وصورة معبره


اللهم أعز الإسلام والمسلمين في كل مكان

[شمـــاليه]

الزعيم

حياك الله وبياك

صح بدنك ولاهنت على حضورك ومرورك

[الدب الداشر]

صح لسانك يا شـمالية .. وهذي مجاراة للطلب .. على جوانب إجتماعية وغيرهـا ..

,

تـمـطـــر هـمـالـيـل الـخـطــا مـــِـن سـمــانـا
على أرضنا والناس شامت وموجوع

يـحـكــي لـنـا الــــتـاريــخ قــصــــة وفـانـــا
من ليلة الأحزاب لا كون مـيـقـوع

نـكـشـف عـن العـووورة وشـــارون جـانـا
في وسطنا والخط واضح ومقطوع

تــظــهــر لــنـا زلـــــة وتــكــشـــف خـفـانـا
لا مــانـخـاف الله ونـخــاف جربوع

نـمـشــي وظـــل الــعــار يــمـشـي مـعــانـا
متلازمينه ضبط بالكم والنـوووع

سـقـنـا عـلى جــرف الأمـانـــي لـــــقـــانــا
حـتى الأماني لازم تصير بالطوع

بـالـكـ تــطوووول الــحـلـم وأتـبـع عـمـانـا
وأحذر ترى التفكير واضح ومسموع ؟؟

عـلـى الــطـريــق نـدور نـتـبع خـُـطــانــــا
جموع لكن مالــنا راي مجمووع

فـي آخــر الــعـالــم ولأحـــــدٍ ورانـــــــــا
حملٍ على هالقاع نآكل ولا نجوووع

اللي بـنـا فــاهـــم وفــــكّـــــر رقـــانـــــا
وأكــبـر طـمـوحة بس فله ومشروع

حــرام بــأن الـــذل خــضــّــب لـِـحـــانــا
وحرام بأن النصر من حبــّة الكوع

إلا لـــيـــامــن الـ مــحـمـّـد لــفـــــانــــــا
هو الوحيد اللي له الصبر مطبوع


"كون ميقوع" معركة بين الرولة وبني صخر وقال فيها الشيخ خلف الأذن " أبا الشيوخ " ..


الله ياكون جرى عند ميقوع
كونٍ ينشر به غيارات واقماش
يوم التهينا نلبس الجوخ ودروع
واعرض لنا الطابور من دون الادباش
المنع ياركّابه الخيل مرفوع
من نيش باطراف المزاريج ماعاش
كم راس شيخٍ عن تراقيه مشلوع
واول سعدنا وطيه الحمر لشلاش

ومحمد المقصود به محمد بن عبدالله .. اللي هو المهدي المنتظر

[العشبي]

بيض الله وجهك ورحم والديك

[أبو هيا]

صح لسانك واعتلا شانك

دبدوب

صح لسانك ولاهنت على هالمجاراة الطيبه

[الدب الداشر]

صح بدنك حجي حموووود .. ولا هان غاليك ..

[القروي]

الحمدلله
شـــــــــــــــــــــــماليه
الدب الشــــــــــــاعر
روائع كالدرر حضرت لتحكي عن معانات بعض المسلمين العائشين تحت احتلال الذل والخيبه
ولاشك هذا مقدّر وسيأتي اليوم الذي يقتصّ المظلوم من الظالم ويرفع الذل عن المسلمين وترتفع كلمة لااله الا الله في انحاء المعموره بأذن الباري
مشكورين على هالروائع .

[المديرالسعودي]

شماليه
سطرت فأبدعت
صح لسانك
منظر مؤلم
اعان الله ونصر الاسلام والمسلمين

[سام شمر]

رائعة يالشمالية قصيدة حزينه وصورة معبره
الله يعطيك العافية

[شمـــاليه]

الدب الداشر

صح لسانك واعتلى شانك مجاراه ولا اروع

لله دررررك .. لاهنت

شرفني حضورك

[شمـــاليه]

العشبي

حياك الله وبياك لاهنت على مرورك

[شمـــاليه]

حمود 18

صح بدنك

حياك الله وبياك ولاهنت

[شمـــاليه]

القروي

شكرا لكلماتك الرائعه

يعطيك العافيه لاهنت على مرورك

[شمـــاليه]

المدير السعودي

صح بدنك لاهنت اخوي

شاكره لك مرورك

[شمـــاليه]

سام شمر

الرائع حضورك لاهنت على المرور

[ابوحلا]

حضور لتاييد

حملة الفقراء بالسعودية

[شمـــاليه]

ابو حلا

حياك الله .. شاكره لك مرورك

لاهنت

[اسيربلاقيود]

حطمتينا بالقصيده الرائعه

واضهرتي مانخفيه من نقص في جوف الامة العربيه

يعطيك العافيه

تحياتي لك

[شمـــاليه]

اسير بلاقيود

حياك الله وبياك

نوّرت المتصفح لاهنت