الفرق بين مكاتب البنات ومكاتب العيال

[شمـــاليه]

هذي صور للـ الفرق بين مكاتب البنات ومكاتب العيال


اولا.. صور مكاتب البنوتات :shy

http://www.lail-alsahara.com/2007/03/157.jpg

http://www.21za.com/pic/welcome002_files/20.gif

ثانيا .. صور مكاتب الشباب :p

http://www.lail-alsahara.com/2007/03/158.jpg

مهملين هالتماسيح شوي :-/

[البندق]

العيال مبهذلين دايم

[شمـــاليه]

البندق..

شكرا لمرورك .. لاهنت

[الدب الداشر]

شمالية .. هذا دليل أنكن تدخلون النت للهسترة .. وألا حنا نقوم بالبحوث والأعمال :)


مشكورة يالشاعرة

[شمـــاليه]

اما هستره.. الله يصلحك بس

شاكره لك مرورك .. لاهنت

[المديرالسعودي]

دائما اغلب الشباب مكاتبهم هكذا
واذا بحثت عن موضوعك او معاملتك قلما ونادرا ماتجدها
ولكن هناك القله من النوع المرتب

[سام شمر]

ههههههههههههههههههههههههههههههههههه
مشكورةاختي شماليه

[شمـــاليه]

المدير السعودي

" وشهد شاهد من اهلها"

حياك الله ..شاكره لك مرورك

[شمـــاليه]

سام شمر

حياك الله اشكرك على مرورك

[أبو هيا]

يا اختي انا اشوف مكتب البنت فاضي ماعليه ولامعامله بينما الاسد على طاولته انواع المعاملات...متى بس يساوون بييننا وبينكم...انا مايغثني الا حاجتين..الانتدابات في ارامكوا,,,والصراف,,,الانتداب الى شيبه يرسلون الشباب يقولون مايصير نرسل الحريم..طيب ارسلوهن خلوا الشمس تصلاهن شوي...الحاجه الثانيه الصراف وخصوصا في رفحا,,,تمسك السرى وفجأه تجي مره ويخلونها قدام العالم..قهر

[الدب الداشر]

حمود .. لازم تتفلسف عند البنات .,. وتخثرق لا أرسل تبليغ عن مشاركة مخالفة لرفحاوي .. أترك اللقافة ..

ما عليش حجية شاعرة .. حمود يآكل علاج وأحياناً ينسى ويقعد يخبص ..


أمش فضحتنا ..

[الدب الداشر]

شمالية هذي صورة لحمود .. في بعد زواجة بشهر ..


http://www.3roba.net/7ber/pic/img/3RoBa.NeT30_11_2006_08_39_14_PM.jpg

[شمـــاليه]

حمود 18

بعذرك والله عشان الصرافات

اجل ديره وش كبرها مافيها بنك نسائي ياخي قلق

اذا بغيت اجدد بطاقتي الصراف اطق مشوار للحفر

شاكره لك مرورك .. لاهنت

[شمـــاليه]

هههههههههههههههه

الرجال مغبون من زحمة الصراف بعذره

الدب شاكره لك مرورك

[أبو هيا]

حمود .. لازم تتفلسف عند البنات .,. وتخثرق لا أرسل تبليغ عن مشاركة مخالفة لرفحاوي .. أترك اللقافة ..

ما عليش حجية شاعرة .. حمود يآكل علاج وأحياناً ينسى ويقعد يخبص ..


أمش فضحتنا ..

هههههههههههههههههههههههههههه

الله يرجك احرجتني..ياخي اسمها شماليه يعني بدويه بكرتونها...فوق هذا شاعره يعني يبيلك شبك طليان لانها كل يوم بتمسكك بحق هههههههههههههه

وش بعد...سعوديه..ماتعرف الا كبسه وبيض مقلي...


يعني مافيه امل اتميلح عندها...اذا تخبر امريكيه بالمنتدى خلني اتميلح عندها ولو ترسل تبليغ لامي ماعندي مشكله:d

[شمـــاليه]

ماقد جرحني من يقول ابدويه
........ اصلي تعلى فوق وارفع به الراس

ماعيروني بالعلوم الرديه
........ ولا مشيت بدرب تمشيه الانجاس


حجي حمّود خل الامريكيه تنفعك ( الله يقنيك ابركتها)

ما رمم عظامك الا الكبسه بس لا تفلسف علينا

خبز بر " وجمريه " وتخب عليك

شاكره لك مرورك

[الدب الداشر]

ههههههههههههههههههههههههههههههههههههاااي


حمود .. فك حالك الحين ..
وحط تحت الشطر الأخير خطين حمر .. ياهي فيك ياهي في الأمريكية ..
شمالية فالك المليوووون ...

[ابن روما المدلل]

عقب الابياات الاخيييرة من الشمالية ..بنطم خاايف تلحقني حموووود ...



شمالية مكتبكن حلوووو بس سؤال يا ترى يدوور في خلجاات المخيخ الوسطي ...


مادام مكتبكن بهالترتيب هذا حرااام انكن تحطن عليه معاملة وحده ...


ولا يهمكن اجل حنااا موجوودين ليه كل معااملة تعقدك ولا ما لك نفس فيهاا


دزيهااا لناا حنا وش شغلتنااا نكد كد الحمييير ...




وبخصوص بطااقتك الصرااف لا تطقي مشواار ولا شي ء ... الله مكثر شبااب رفحااء اقرب واحد عطيه صراافتك وبيخلصهاا لك ..


وترى فزززعه ما يبي فلوووس ...بس وهو جاي لرفحاء بيجرررب البطاقة الجديدة وبيسحب كل المبلغ ..ويعطيكي البطاااقة ..


وترى ما يآآخذ منك فلووووس ..علمتك >>> ماا يآآخذ اجل الفلووس اللي سحبهن وش سالفتهن هههههههههههههههههه

[أبو هيا]

ماقد جرحني من يقول ابدويه
........ اصلي تعلى فوق وارفع به الراس

ماعيروني بالعلوم الرديه
........ ولا مشيت بدرب تمشيه الانجاس


حجي حمّود خل الامريكيه تنفعك ( الله يقنيك ابركتها)

ما رمم عظامك الا الكبسه بس لا تفلسف علينا

خبز بر " وجمريه " وتخب عليك

شاكره لك مرورك

طيب يالشماليه استلمي من الشمالي سابقا الامريكي حاليا


من دون حلقي قلت أشمــّـر يديـّـه
هاتو لي الدلـّـه وبندق وقرطاس

إن كـانــها بـالـطـيـب هــذي شلـيّه
وإن كانها بالحرب دقيت ألأجراس

وإن كانها بالشعـْر جتك برديّـه
إن ما تذريتي غدا الوضع محتاس

عـمـري قـضـيـتـه بـــالفياض المليّـه
إن جيتها عساس وإن رحت عساس

يا ما صلانا القيض والشمـّـس حيـّـه
وياما بعز البرد كسرت بالـفـاس

من مآكر رجالٍ .. حرارٍ .. وفيــّــه
ولو أنها بالطيب مبطي لنا الكاس

لا تحسبيني عشت عيشة غنيّه
ولا تحسبيني عشت في بيت الألماس

وأصـابــعــك يــا بــنــت ماهي سويـّـه
شوفي وش اللي طاح من بين الأقواس

(( لا الوقت غيرني ولاني خويه
ولاني من أهل الناقصة وأهل ..... ))

تحياتي لك ياراعية الجمريloll

[الحرقاني]

فروق ما هو فرق واحد

[المتجدد]

موفرق الاعدة فروق وبعدين يالدب الداشر انت وخويك حمود وش جايبكم لمنتدى نسائي :think:
المرأة السعودية البدوية ابرك من جميع امريكية وبعدين ياحمود ابي اعلم عليك المدام اللي مفضل عليها هالامريكية
ويامدامة حمود ربطيه هالولد عينه زايغة خصوصا انه مربع بينهن :D واحد يبي يجني عليك عشان تفصلك وتقعدك بجنبها وانا مستعد اخذ مكانك


وانت يالدب ابي اعلم عليك امك :I

[أبو هيا]

موفرق الاعدة فروق وبعدين يالدب الداشر انت وخويك حمود وش جايبكم لمنتدى نسائي :think:
المرأة السعودية البدوية ابرك من جميع امريكية وبعدين ياحمود ابي اعلم عليك المدام اللي مفضل عليها هالامريكية
ويامدامة حمود ربطيه هالولد عينه زايغة خصوصا انه مربع بينهن :D


واحد يبي يجني عليك عشان تفصلك وتقعدك بجنبها وانا مستعد اخذ مكانك


وانت يالدب ابي اعلم عليك امك :I

:-?

ياشرير...انت خبيل..اول شئ المدام ام هيا الله يخليها امريكيه..يعني ماتعرف تقرى عربي,,,ثاني شئ انت حساوي تقول ربطيه وش جابك لرفحاء..ثالث شئ الدب الداشر ادلوع امه الله يخليهم لبعظهم..تصدق اذا جا يركب معي وحنا نبي نروح لمطعم كرمال..تجي للسياره عندي وتحلفني اني امشي شوي شوي,,تقول لاتسرع وهالله هالله في الدب الداشر تراه اغلى عيالي..كذلك تجيب ترمس ماء 60 لتر وتعطيناه وتقول لاتتعطل فيكم السياره ويموت عطش دبان ههههههههههههههه

الله يرجك يالمتجدد..الا علمنا وش متجدد فيه انت..برفحا عندنا المتجدد اللي توه ماخذ له سحليه على سحليته الاوله..والا لا يارفحاوي انت والدب الداشر؟

[الدب الداشر]

حمود .. تصدق أن المتجدد من عيال الحارة ؟؟

الترمس ياحمود عشان ما يذبحنا الضما .. وهذي هي الآراء الرشيدة

[رفحاوي]

بالبداية ذليت يوم قامت تقصد الشمالية ...

بس يوم شفت المملوح رد على البيت بعشرة تشجعت ...

المقارنة ظالمة ...

ماهو معقول اقارن مكتب بنت ما وراها شي بمكتب شاب مرسلينه لشيبة ...

نتيجة المقارنة لصالح حمود ...

[المتجدد]

:-?

ياشرير...انت خبيل..اول شئ المدام ام هيا الله يخليها امريكيه..يعني ماتعرف تقرى عربي,,,ثاني شئ انت حساوي تقول ربطيه وش جابك لرفحاء..ثالث شئ الدب الداشر ادلوع امه الله يخليهم لبعظهم..تصدق اذا جا يركب معي وحنا نبي نروح لمطعم كرمال..تجي للسياره عندي وتحلفني اني امشي شوي شوي,,تقول لاتسرع وهالله هالله في الدب الداشر تراه اغلى عيالي..كذلك تجيب ترمس ماء 60 لتر وتعطيناه وتقول لاتتعطل فيكم السياره ويموت عطش دبان ههههههههههههههه

الله يرجك يالمتجدد..الا علمنا وش متجدد فيه انت..برفحا عندنا المتجدد اللي توه ماخذ له سحليه على سحليته الاوله..والا لا يارفحاوي انت والدب الداشر؟

امريكية ومسميه هيا!!!!! هذي امريكيه بدوية وزوجتك ماتعدت رفحا والاخويتها عرعر
انا ماخذ سحليتين عشان كذا انا متجدد دائما الله يرجك كشفت سري

والاخ الدب الداشر
بسم الله وش دراك اني من الحارة
(((الترمس ياحمود عشان مايذبحنا الضما...وهذي هي الآراء الرشيدة)))
افهمها ياحمود

[أبو هيا]

بالبداية ذليت يوم قامت تقصد الشمالية ...

بس يوم شفت المملوح رد على البيت بعشرة تشجعت ...

المقارنة ظالمة ...

ماهو معقول اقارن مكتب بنت ما وراها شي بمكتب شاب مرسلينه لشيبة ...

نتيجة المقارنة لصالح حمود ...


ههههههههههههههههههههههههههههههههههههه

الله يرج ابليسك

رفحاوي ذكرتني بسالفه سمعتها على طاري شيبه..

هذا فيه شايب بعرعر راح يجيب لأهله خضره من السوق ويوم وصل الاشاره وهو يقطعها الا هذاك الولد الشباب وهو يصدمه...يوم راحوا للمرور حطوا الخطأ على الشايب لانه قاطع الاشاره..الشايب زعل وراح يشكيهم لابن مساعد..يقول وش جاب اللي رايح يجيب لاهله خضره للي فسقان ويتمشى:D

[شمـ هبوب ـاليه]

هههههههههههههههههههههههه
والله ان هالشايب مثل سوالف ابوي

يسلمو شماليه على الصور

[الدب الداشر]

هههههههههههههههههههههههههههههههههههااااي ..

.


المتجدد .. مع أن الرجال اللي يآخذون ثنتين قليل إلا أني عجزت أجيب أسمك ... كل الاسماء اللي تسعفني بها الذاكرة .. ماهم حقين نت .. حمود لا يكون هذا حطاب ؟؟ ..

:)

حجي هبوب الشمالية الحمدلله على السلامة ... والله يحفظ لك أبيك ..

[المتجدد]

وانت الصادق عنده وحده والثانية الله يرحمها

[رفحاوي]

حمود

ههههههههههههههههههههههههه

سلم لي على هالشايب ...

نسيت اقول الله يرج ماني قايل ...

[ذويبان11]

ههههههههههههههههههههههه