المساعد الشخصي الرقمي

مشاهدة النسخة كاملة : ناس 000والسعوديه



الـوايـلـي
15 Oct 2007, 02:25 AM
قرأنا وسمعنا في المنتديات والمجالس انه في نهاية اكتوبر الجاري ستتوقف الرحلات من مطار رفحاء الى الرياض

على الخطوط السعوديه وستقوم (شركة ناس او خطوط ناس للطيران ) بديلا عنها وتبقى رحلات حائل والقصيم فقط 00

ولاهمية رحلة الرياض لاهالي رفحاء على الخطوط السعوديه (خاصه ) بما فيها من مزايا لاتخفى على الجميع من

تخفيض على التذاكر للطلبه واركاب المرضى ومرافقيهم بتذاكر حكوميه مجانا واسترجاع قيمة التذكره عند الاستغناء

عنها برسم 20 عشرون ريالا فقط وهذا مالا تفعله (نااااااااااااس) قلت هذه الابيات حول الموضوع000


ياناس نبي اليوم نشكي على نـاس = اللي عـلى رحلاتـهــم واعــدونـا

كانـه امـنافـس بين شركات لابــاس = مـار البـلاء كانـنهـم ضـيـعـــونـا

خطوط السعوديه على العين والراس= اللـيا طـلبـنا حاجـت(ن) ساعـدونا

تـشيـل مـرضانا ابخـدمات وحـسـاس= ونـبـدل المـوعـد ولا يــزعــلـونـا

وتـخـفـيض للـطـلاب ومـعـوق الـنـاس= وبالاكل هو والشرب ماحاسبونا

مابـاعـوا المـاء والعـصيـرات بـالكأس= حـتى الجـرايد ماعـليها نـمـونا

يانـاس قبل الفاس تاقـع عـلى الـراس = قـولـولهـم تـكفون لاتـتـركـونا

ولكم خالص تحياتـــــــــــــــــــــــــــــــــــــــــــــ ــــــي

رفحاوي
15 Oct 2007, 02:43 AM
صح لسانك اخوي الوايلي ..

وكل عام وانت بخير ...

الإركاب الحكومي للدول الخارجية ممكن يكون مفتوح الناقل اذا ماكو حجز او رحلات للخطوط السعودية الى هالبلد...

واتوقع مع ناس يمشي الإركاب الحكومي ...

التخفيض يالوايلي اغلى من سعر تذكرة ناس ...

التذكرة على السعودية الى الرياض بـ 110 وعلى ناس اقل من 99 بدون تخفيض ...

البندق
15 Oct 2007, 03:23 AM
ناس راح توكل الخطوط السعودية خازوق


ناس كل ما حجزة بدري كل ماكان سعر التذكره اقل

الـوايـلـي
15 Oct 2007, 03:32 AM
صح بدنك يارفحاوي الغالي وانت بخير كذالك0 لاكن السعوديه ترجع التذاكر وناس لا حسب مايقولون والا ماعمري ركبتها 0 والسعوديه تنقل المرضى بتذاكر حكوميه مجانا وناس شركه تجاريه بحته حسب ماسمعت والعهده على الراوي يارفحاوي000

رفحاوي
15 Oct 2007, 03:42 AM
زي ما قلت لك ...
الحل تذاكر مفتوحة الناقل ...
بدل ما يحطون بالتذكرة الناقل السعودية (SVو) يكتبون (OPEN) ...

مثلاً لو سافرت لكندا وكان معك اركاب حكومي ...

يقصون لك تذكرة من السعودية الى لندن (ذهابا مرجعا) ومن لندن الى مونتريال تسافر على اي خطوط ثانية (البريطانية او الكندية) ... والشركة الأجنبية تاخذ حقه من الخطوط السعودية ...

فهمت يا ملي والا لسى ؟!!

المديرالسعودي
15 Oct 2007, 10:50 AM
الوايلي
صح لسانك
ماقصرت
المجتمع يبحث عن الافضل والمنافسه التي تكون لصالحه

القروي
15 Oct 2007, 11:42 PM
يانـاس قبل الفاس تاقـع عـلى الـراس = قـولـولهـم تـكفون لاتـتـركـونا



الحمدلله
يالوايلي الفاس مبطي على الراس = ياليتهم عن روسنا يرفعونا !
اللـــه يحيي شركـة ناس ياناس = اكيد من مصلحتنا يجونا !

صح لسانك ولهو حسافه عليهم وياليت كل عام شركه جديده !
تحياتي .

الـوايـلـي
20 Oct 2007, 01:36 AM
زي ما قلت لك ...
الحل تذاكر مفتوحة الناقل ...
بدل ما يحطون بالتذكرة الناقل السعودية (SVو) يكتبون (OPEN) ...

مثلاً لو سافرت لكندا وكان معك اركاب حكومي ...

يقصون لك تذكرة من السعودية الى لندن (ذهابا مرجعا) ومن لندن الى مونتريال تسافر على اي خطوط ثانية (البريطانية او الكندية) ... والشركة الأجنبية تاخذ حقه من الخطوط السعودية ...

فهمت يا ملي والا لسى ؟!!

ياحيي يارفحاوي والله مافهمت لاتواخذني اقصى ماسافرت للرياض ومرافق مع مريض

الـوايـلـي
20 Oct 2007, 01:39 AM
المدير السعودي ( صح بدنك ) وشكرا على المرور

الـوايـلـي
20 Oct 2007, 01:41 AM
القروي صح بدنك وشكرا على المجاراه الشعريه والله يجيب اللي فيه الخير

أبو هيا
23 Oct 2007, 06:58 AM
صح لسانك يالوايلي

اسمع يالبناخي ماعليك من رفحاوي ترى اقصى ماوصل شمالا النجف وغربا الجزيره..

الخطوط السعوديه مافيه مثلها ومثل ماقلت ماباعوا السندوتش ب17 ريال والا قالوا لك ماعندنا جرايد...نشامى مطانيخ..بس اللي استغربه ليه الناس كانت تسبهم اول...صحيح ماتعرف قدري لين تجرب غيري

بارك الله فيك