يوميات سوسو والجمس [الأرشيف] - موقع رفحاء منتديات رفحـاء

سفاح الشمال

22 Nov 2007, 03:00 PM

[http://www.u11p.com/ar/upfiles/6iX85538.gif[/url]

يوميات سوسو والجمس

هذا واحد اسمه سوسو ومعه جمس موديل ((وحطبه 16م))

وسوسو فال امه ومستانس يوم الاربعاء ويفر على الجمس في الشارع ويلقى بوجه نقطة تفتيش

فتعكر مزااجه

سوسو : السلام عليكم

الشرطي: وعليكم السلام

سوسو : امر اخوي

الشرطي : يعني ما تدري وش ابي ياخي حفظنا حبات الخال الي في وجهك من كثر ما تمرنا والقسايم تخلص عليك
سوسو : واهو يبتسم بسمة الخوف
سم هذي استمارة السياره

الشرطي : والبطاقه تو ما طلعتها ةالرخصه ما اقدر اطلعاه والا معي بطاقة احوال والله حفظنا الكلام يا سوسو

سوسو: الشكوى لله

الشرطي : يالله رح ولا عاد اشوف خشتك هنا والا معك البطاقه والرخصه مفهوم

سوسو: واهو مستاانس
ابشر من عيوني

وحرك سوسو الجمس ومر اخويانه (ابو جرس ) و (2\9)واطنخ الرجال وراح عزمهم في مطعم وصفط الجمس
وهناك بالمطعم فيه زحمه فقال (2\9) يالليل من الزحمه اقول حرك بس حرك خلنا ندور غيره

ونطق الملقوف( ابو جرس )قال خلنا نروح لمطعم بيت الشاورما وسوسو وبكل ثقه بنفسه قال ماا عليكم انا اعرف الهندي وااسطه

ونزل سوسو راح يطلب

وبقى (2\9) و(ابو جرس ) بالجمس

و(2\9) يضحك على زول سوسو لانه قصير وينكت عليه ويقول ياخي اذا ركب سوسو الجمس ما يبين الا عيونه من بين الدرقسون

وطبعا ابو جرس يضحك واهو عااض اشمااغه المعفن الظاهر لو يعضه بس يمووت

ومر الوقت وطول سوسو

(2\9): ياخي سوسو طول ؟؟؟
ابو جرس : ياخي ما عنده ما عند جدتي انزل وشفه

ونزل (2\9)وشاف الهندي غايل سوسو وجا (2\9) يبي يفزع معه فا اتضخ له أن الهندي يطلب سوسو فلوس وما دفع له من شهر فاتوسط (2\9) ودفع الحساب (2\9) واخذو الطلب ومشو وراحو للمنتزه ومرت الايام وسوسو طلع البطاقه الاحول واهو مستانس اخر ونااسه وراح يدور نقطة التفتيش ولقاهم

ومر سوسو النقطه وشاف الشرطي يشر له

سوسو: السلام عليكم

الشرطي : وعليكم السلام

ها سوسو طلعت البطااقه

سوسو: ايه افا عليك سم وهذي البطااقه

الشرطي : ما شاء الله متى طلعتها

سوسو: والله من قبل اسبوع

الشرطي: طيب والرخصه الحين ما معك عذر

سوسو: والله العمر خيو

الشرطي : هذا مو عذر يالله اصفط على جنب

سوسو: ياولد منا منا

الشرطي :لا يا حيبي تبطي عظم يالله صفط

واخذ سوسو مخالفة عدم وجود رخصه وراح يم ابوه وعطاه المخاالفه عشان يسددها

ومسكه ابوه وغااله ويقول مستانس انت وجهك

وطلع سوسو من ابوه واهو دانه بتسوه

ومرت الشهور مثل لمح البصر وطلع سوسو الرخصه ورااح يدور نقطة التفتيش وما لقااهم

ومر خوياه الثنائي المرح ابو جرس و(2\9) ومعهم واحد اسمه كوكي

بشرهم بالرخصه

وقامو عاد يشتغلون ترفيع في (2\9)

وعاد سوسو عنده خبره في الترفيع وبعد الترفيع راحو لمطعم فاخر كشخه

ودخل سوسو المطعم واهو متلثم وسأله الملقوف كوكي قال ليش متلثم سكت سوسو واهو منحرج

فقال انا بردااان قالو ماشاء الله عليك تبرد بالصيف اجل بالبرد شلون

وتكلم الملقوف ابو وجرس قال شكله بالبرد يختفي

فقال كوكي اعترف اكيدانك حالق شنبك

فقال سوسو واهو يعدل لثنة شماغه : قال يطلبوني دين وما دفعت لهم من مده ....

وتعشو عل حساب (2\9) وطلعو بسلام والكارسون ما انتبه لسوسو ولا كان سوسو راح في خبر كان

وطلو ورااحو يفروون بالجمس الي حاط عليه سوسو من وراء استكر ماشاءالله

طبعا يوم ساله الملقوف ابو جرس قال ليش حاط الاستكر عاد من زين جمسك يعطونه عين

قال سوسو انا ما حطيت الاستكر على حلاة الجمس انا اخاف انهم يعطونه عين عشان انه يمشي

ونطق الملقوف كوكي قال خلنا نروح لكبينة الكوفي شوب الي على الشارع وعلى حسابي

والمهم ويقول سوسو خلوها يوم ثاني قالو ما علينا منك يالله رح لا نمصطك هنا وراح سوسو للكوفي طبعاً كباين الكوفي شوب الي على الشاع لها شباك صغير حق طلبات السياره

واول ما سفطو عند الكوفي نقز الهندي من الشباك غايل سوسو

الهندي : يا همار وين فلوس حق انا

وطبعاً الشباب يضحكون عليه ومحد فزع منهم

سوسو : يابن الحلال بكرا ابوي يستلم الراتب وابد انا اعطيك فلوسك من عيوني

واخذو الفرابتشينو البارد

ومشت الكذبه على الهنيدي المسيكين

وراحو يفرون يدورن نقطة التفتيش ولقاهم بعد تعب كبير ومر من عندهم

ولقا شرطي جديد غير خويه ذاك الي يعرفه

سوسو : السلام عليكم

الشرطي : وعليكم السلام

اخوي ممكن الرخصه والاستاره

سوسو :ابشر من عينوني

وطلع محفظته سوسو ويفتش ما لقى الرخصه
وطلع ناسي محفظته بالبيت وماخذ محفظة اخوي الصغير

وصكه الشرطي مخالفة عدم حمل رخصه

والشباب طيحو وجه سوسو

وكذا انتهى يوم سوسو بالمخالفة والديانه وضحك الشباب عليه

والسلام عليكم ورحمة الله وبركاته